Billionaires: ಶಾಲಾ-ಕಾಲೇಜಿಗೆ ಅರ್ಧದಲ್ಲೇ ಗುಡ್‌ ಬೈ ಹೇಳಿದ ಭಾರತೀಯ ಬಿಲಿಯನೇರ್​ಗಳಿವರು

ಶಿಕ್ಷಣ ಮತ್ತು ಜ್ಞಾನ ಎರಡಕ್ಕೂ ವ್ಯತ್ಯಾಸವಿದೆ. ಶಿಕ್ಷಣವಿಲ್ಲದವರಿಗೂ ಜ್ಞಾನ, ಅರಿವು ಇರುತ್ತದೆ. ಆದರೆ ಹಣ ಸಂಪಾದಿಸುವುದು ಯಾವ ಶಾಲೆಯೂ ಕಲಿಸದ ಕಲೆ. ಈ ಕಲೆಗೆ ಶಿಕ್ಷಣವಿಲ್ಲದಿದ್ದರೂ ಜ್ಞಾನ, ಪ್ರಪಂಚದ ಅರಿವು, ಆತ್ಮವಿಶ್ವಾಸ, ಧೈರ್ಯ ಇರಬೇಕು. ಈ ಅಂಶಗಳನ್ನೇ ಶಕ್ತಿಯಾಗಿಸಿಕೊಂಡು ಕಾಲೇಜು ಪದವಿ ಪಡೆಯದೇ ಕೋಟ್ಯಾಧಿಪತಿಗಳಾದ ಉದಾಹರಣೆಗಳು ನಮ್ಮ ಭಾರತದಲ್ಲಿವೆ.

ಮುಕೇಶ್ ಅಂಬಾನಿ: ಭಾರತದ ಅತ್ಯಂತ ಶ್ರೀಮಂತ ವ್ಯಕ್ತಿ, ಮುಕೇಶ್ ಅಂಬಾನಿ ಅವರು ಸ್ಟ್ಯಾನ್‌ಫೋರ್ಡ್ ವಿಶ್ವವಿದ್ಯಾಲಯದಲ್ಲಿ MBA ಓದುತ್ತಿದ್ದರು. ಆದರೆ ಅದ್ಯಾಕೋ ಮಧ್ಯದಲ್ಲಿಯೇ ಕಾಲೇಜು ಬಿಟ್ಟು ಭಾರತಕ್ಕೆ ಬಂದು, ತಂದೆಯ ವ್ಯವಹಾರದ ಕಡೆ ಗಮನ ವಹಿಸಿದರು. ಸದ್ಯ ಅವರ ಫೋರ್ಟ್‌ಪೊಲಿಯೋ ವಿಶ್ವದಾದ್ಯಂತ ಇದ್ದು, ನಂಬರ್‌ ಓನ್‌ ಉದ್ಯಮಿಯಾಗಿದ್ದಾರೆ.

ಗೌತಮ್ ಅದಾನಿ: ಎರಡನೇ ವರ್ಷದ ಬಿಕಾಂ ಓದುತ್ತಿದ್ದಾಗ ಅದಾನಿ ಕಾಲೇಜಿನಿಂದ ಹೊರಬಂದರು. ಸದ್ಯ ಇವರ ಸಾಧನೆ ಬಗ್ಗೆ ವಿಶ್ವವೇ ಕೊಂಡಾಡುತ್ತಿದೆ. ಇವರು ಕಂಪೆನಿ ಕಟ್ಟಿ, ಜನರಿಗೆ ಉದ್ಯೋಗ ನೀಡುತ್ತಿರುವ ಇವರ ಸಂಸ್ಥೆ, ದೇಶದ ಆರ್ಥಿಕತೆಗೆ ದೊಡ್ಡ ಕೊಡುಗೆಯಾಗಿದೆ.

ಸುಭಾಷ್ ಚಂದ್ರ: ರಾಜಕಾರಣಿ ಮತ್ತು ಉದ್ಯಮಿ, ಸುಭಾಷ್ ಚಂದ್ರ ತನ್ನ ಕುಟುಂಬ ವ್ಯವಹಾರವನ್ನು ನೋಡಿಕೊಳ್ಳುವ ಸಲುವಾಗಿ ಶಾಲಾ ಹಂತದಲ್ಲಿಯೇ ಶಿಕ್ಷಣವನ್ನು ಮೊಟಕುಗೊಳಿಸಿದರು. ಇಂದು ಇವರೂ ಒಬ್ಬರು ಯಶಸ್ವಿ ಉದ್ಯಮಿಯಾಗಿದ್ದಾರೆ.

ನಿಖಿಲ್ ಕಾಮತ್: ಝೆರೋಧಾ ಕಂಪೆನಿ ಕಟ್ಟಿ ಯುವಕರಿಗೆ ಸ್ಪೂರ್ತಿಯಾಗಿರುವ ನಿಖಿಲ್‌ ಕಾಮತ್‌ 17 ನೇ ವಯಸ್ಸಿನಲ್ಲಿ ಶಿಕ್ಷಣಕ್ಕೆ ಗುಡ್‌ ಬೈ ಹೇಳಿ ಕಾಲೇಜು ಬಿಟ್ಟರು. ಇದು ದೇಶದ ಬಿಲಿಯನೇರ್​​ಗಳಲ್ಲಿ ಒಬ್ಬರಾಗಿದ್ದಾರೆ.

ಅಜೀಂ ಪ್ರೇಮ್‌ಜಿ: ಇವರ ತಂದೆಯ ನಿಧನದ ನಂತರ, ಅಜೀಂ ಪ್ರೇಮ್‌ಜಿ ಕುಟುಂಬದ ವ್ಯವಹಾರವನ್ನು ನೋಡಿಕೊಳ್ಳಲು ಸ್ಟ್ಯಾನ್‌ಫೋರ್ಡ್ ವಿಶ್ವವಿದ್ಯಾಲಯದಿಂದ ಅರ್ಧಕ್ಕೇ ಕಾಲೇಜು ಬಿಟ್ಟು ಬಂದು ಕುಟುಂಬದ ವ್ಯವಹಾರಗಳ ಜವಬ್ದಾರಿ ಹೊತ್ತುಕೊಂಡರು. ಇದನ್ನೇ ಮುಂದುವರೆಸಿಕೊಂಡ ಅಜೀಂ ಪ್ರೇಮ್​​ಜಿ ಅವರು ಇಂದು ಕೋಟಿಗಟ್ಟಲೆ ಸಂಪಾದಿಸುತ್ತಿದ್ದಾರೆ.

ಸಾವಿತ್ರಿ ಜಿಂದಾಲ್: ಭಾರತದ ಅತ್ಯಂತ ಶ್ರೀಮಂತ ಮಹಿಳೆ, ಸಾವಿತ್ರಿ ಜಿಂದಾಲ್. ಇವರೂ ಕೂಡ 10ನೇ ತರಗತಿಯನ್ನಷ್ಟೇ ಓದಿದ್ದು, ಮುಂದೆ ಶಿಕ್ಷಣ ಪಡೆಯಲಿಲ್ಲ.