E-Scooter Offer: ಈ ಎಲೆಕ್ಟ್ರಿಕ್​ ಸ್ಕೂಟರ್​ ಮೇಲೆ ಮಾರುಕಟ್ಟೆಯಲ್ಲಿದೆ ಭರ್ಜರಿ ಆಫರ್ಸ್​! ಕೆಲವು ದಿನಗಳವರೆಗೆ ಮಾತ್ರ

ನೀವು ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ಖರೀದಿಸಲು ಯೋಚಿಸುತ್ತಿದ್ದೀರಾ? ಹಾಗಿದ್ರೆ ಗುಡ್​ ನ್ಯೂಸ್​. ಇದೀಗ ಎಲೆಕ್ಟ್ರಿಕ್​ ಸ್ಕೂಟರ್ ಮೇಲೆ​ ಅತ್ಯಾಕರ್ಷಕ ಕೊಡುಗೆ ಲಭ್ಯವಿದೆ.

ಜಾಯ್ ಇಬೈಕ್ ಕಂಪೆನಿ ಸದ್ಯ ಸೂಪರ್ ಆಫರ್ ತಂದಿದೆ. ಹೋಳಿ, ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆ 2023 ರ ಸಂದರ್ಭದಲ್ಲಿ, ಎಲೆಕ್ಟ್ರಿಕ್ ಸ್ಕೂಟರ್‌ಗಳ ಮೇಲೆ ಭಾರಿ ರಿಯಾಯಿತಿಗಳು ಲಭ್ಯವಿವೆ. ಈ ಎಲೆಕ್ಟ್ರಿಕ್ ಸ್ಕೂಟರ್​ ಖರೀದಿ ಮಾಡುವವರು ಒಟ್ಟಾಗಿ ರೂ. 12 ಸಾವಿರದವರೆಗೆ ರಿಯಾಯಿತಿ ಪ್ರಯೋಜನಗಳನ್ನು ಪಡೆಯಬಹುದು.

ಇದಲ್ಲದೆ, ಕಂಪೆನಿಯು ವಿವಿಧ ಮಾದರಿಗಳಲ್ಲಿ ವಿಮಾ ಪ್ರಯೋಜನಗಳನ್ನು ಸಹ ನೀಡುತ್ತಿದೆ. ಈ ಆಫರ್‌ಗಳು ಈ ತಿಂಗಳ ಅಂತ್ಯದವರೆಗೆ ಮಾತ್ರ ಲಭ್ಯವಿರುತ್ತವೆ. ಹಾಗಾಗಿ ಹೊಸ ಸ್ಕೂಟರ್ ಖರೀದಿಸಲು ಯೋಚಿಸುತ್ತಿರುವವರು ಈ ಡೀಲ್‌ಗಳನ್ನು ಪಡೆದುಕೊಳ್ಳಬಹುದು.

ಕಂಪೆನಿಯು ಸದ್ಯ Globe, Wolf, Zen Next Nano, Wolf Plus, Zen Next Nano Plus, Wolf Eco, Zen Next Nano Eco ಮಾದರಿಗಳ ಮೇಲೆ ಈ ರಿಯಾಯಿತಿಯನ್ನು ನೀಡುತ್ತಿದೆ. ಜಾಯ್​ ಇ-ಬೈಕ್​ ಕಂಪೆನಿಯ ವೆಬ್‌ಸೈಟ್‌ಗೆ ಹೋಗುವ ಮೂಲಕ ಈ ಪ್ರಯೋಜನಗಳನ್ನು ಪಡೆಯಬಹುದು.

Globe, Wolf, Gen Next Nano ನಂತಹ ಎಲೆಕ್ಟ್ರಿಕ್ ಸ್ಕೂಟರ್‌ಗಳು ರೂ. 7 ಸಾವಿರ ರಿಯಾಯಿತಿಯಲ್ಲಿ ಲಭ್ಯವಿದೆ. ವೂಲ್ಫ್ ಇಕೋ, ಝೆನ್ ನೆಕ್ಸ್ಟ್ ನ್ಯಾನೋ ಇಕೋ ಮಾದರಿಗಳು ರೂ. 4 ಸಾವಿರ ರಿಯಾಯಿತಿಯಲ್ಲಿ ಲಭ್ಯವಿದೆ. ಅಲ್ಲದೆ ವೂಲ್ಫ್ ಪ್ಲಸ್ ಮತ್ತು ನೆಕ್ಸ್ಟ್ ಜೆನ್ ನ್ಯಾನೋ ಪ್ಲಸ್ ಮಾದರಿಗಳಲ್ಲಿ ರೂ. 12 ಸಾವಿರದವರೆಗೆ ರಿಯಾಯಿತಿ ಲಭ್ಯವಿದೆ.

ಇದಲ್ಲದೆ, ಮಹಿಳಾ ದಿನದಂದು ಮಹಿಳೆಯರು ಹೆಚ್ಚುವರಿ ರಿಯಾಯಿತಿ ಪ್ರಯೋಜನಗಳನ್ನು ಪಡೆಯಬಹುದು. ರೂ.2 ಸಾವಿರದವರೆಗೆ ಹೆಚ್ಚುವರಿ ರಿಯಾಯಿತಿ ಲಭ್ಯವಿದೆ. ಈ ಹೆಚ್ಚುವರಿ ರಿಯಾಯಿತಿ ಪ್ರಯೋಜನವು ಮಾರ್ಚ್ 11 ರವರೆಗೆ ಮಾತ್ರ ಲಭ್ಯವಿರುತ್ತದೆ.

ಆದರೆ ಕಂಪೆನಿಯು  ಇತ್ತೀಚೆಗೆ ಬಿಡುಗಡೆ ಮಾಡಿದ ಮಿಹೋಸ್ ಎಲೆಕ್ಟ್ರಿಕ್ ಸ್ಕೂಟರ್‌ನಲ್ಲಿ ಯಾವುದೇ ಕೊಡುಗೆಗಳು ಲಭ್ಯವಿಲ್ಲ. ಕಂಪೆನಿಯು ಇತ್ತೀಚೆಗೆ ಈ ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಮಾರುಕಟ್ಟೆಗೆ ತಂದಿದೆ. ಇದು Aether 450X, Ola S1 ನಂತಹ ಮಾದರಿಗಳಿಗೆ ಕಠಿಣ ಸ್ಪರ್ಧೆಯನ್ನು ನೀಡುತ್ತದೆ.

ನೀವು ಆಯ್ಕೆಮಾಡುವ ಮಾದರಿಯನ್ನು ಅವಲಂಬಿಸಿ ನೀವು ಪಡೆಯುವ ಆಫರ್​ ಮತ್ತು ಇತರ ವೈಶಿಷ್ಟ್ಯಗಳು ಬದಲಾಗುತ್ತವೆ. ಆದ್ದರಿಂದ ಎಲ್ಲವನ್ನೂ ತಿಳಿದ ನಂತರವೇ ಖರೀದಿಸಿ.

ಇನ್ನು ವಿಶೇಷವಾಗಿ ಡೀಲರ್‌ಶಿಪ್ ಆಧಾರದ ಮೇಲೆ ಆಫರ್ ಸಹ ಬದಲಾಗಬಹುದು. ಹಾಗಾಗಿ ಶೋರೂಮ್ ಗೆ ಹೋಗಿ ಆಫರ್ ನ ಸಂಪೂರ್ಣ ವಿವರಗಳನ್ನು ತಿಳಿದುಕೊಳ್ಳುವುದು ಉತ್ತಮ.