Swiggy: ಆಹಾರ ವಿತರಣೆ ವೇಳೆ ಡೆಲಿವರಿ ಸಿಬ್ಬಂದಿ ಅಪಘಾತಕ್ಕೆ ಬಲಿ

ಆಹಾರ ವಿತರಣೆ ಕಂಪನಿಗಳಾದ ಸ್ಚಿಗ್ಗಿ, ಜೊಮ್ಯಾಟೋಗಳಲ್ಲಿ ಕೆಲಸ ಮಾಡುವವರ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಆಗಾಗ ವಿವಿಧ ಚರ್ಚೆಗಳು ನಡೆಯುತ್ತಲೆ ಇರುತ್ತವೆ.

ಆದರೆ ಈ ಚರ್ಚೆ ಇದೀಗ ಮತ್ತಷ್ಟು ಕಾವು ಪಡೆದುಕೊಂಡಿದೆ.

ಹೈದರಾಬಾದ್​ನಲ್ಲಿ ಸ್ವಿಗ್ಗಿ ಕಂಪನಿಯ ಆಹಾರ ವಿತರಣಾ ಸಿಬ್ಬಂದಿಯೋರ್ವ ಅಪಘಾತದಲ್ಲಿ ಮೃತಪಟ್ಟಿದ್ದಾರೆ.

ಗುರುವಾರ ರಾತ್ರಿ ಹೈದರಾಬಾದ್ನ ಗಚ್ಚಿಬೌಲಿಯಲ್ಲಿ ಟ್ರಾಕ್ಟರ್ಗೆ ಬೈಕ್ ಡಿಕ್ಕಿ ಹೊಡೆದ ಪರಿಣಾಮ ಸ್ವಿಗ್ಗಿ ಆಹಾರ ವಿತರಣಾ ಅಧಿಕಾರಿಯೊಬ್ಬರು ಮೃತಪಟ್ಟಿದ್ದಾರೆ.

ಅತ್ಯಂತ ತ್ವರಿತವಾಗಿ ಆಹಾರ ಸರಬರಾಜು ಮಾಡುವ ಯೋಜನೆಗಳೂ ಸಿಬ್ಬಂದಿಗೆ ಹೊರೆಯಾಗಿ ಪರಿಣಮಿಸುತ್ತಿವೆ

ಮೆಹದಿಪಟ್ನಂನ ಆದಿಲ್ ಅಹ್ಮದ್ (24) ಎಂಬಾತ ಪಾರ್ಸೆಲ್ ತಲುಪಿಸಲು ಹೋಗುತ್ತಿದ್ದಾಗ ಅಪಘಾತ ಸಂಭವಿಸಿದೆ.

ಪೊಲೀಸರ ಪ್ರಕಾರ ಆದಿಲ್ ಅಹ್ಮದ್ ತನ್ನ ಮೋಟಾರ್ ಸೈಕಲ್ನಲ್ಲಿ ಐಐಐಟಿಯಿಂದ ವಿಪ್ರೋ ಸರ್ಕಲ್ಗೆ ಹೋಗುತ್ತಿದ್ದ ವೃತ್ತದ ಬಳಿ ಬಂದು ತಿರುವಿನಲ್ಲಿ ಟ್ರಾಕ್ಟರ್ ಬೈಕ್ಗೆ ಡಿಕ್ಕಿ ಹೊಡೆದು ಅಪಘಾತ ಸಂಭವಿಸಿದೆ.

ಅತಿ ವೇಗವಾಗಿ ಆಹಾರ ವಿತರಣೆ ಘೋಷಣೆಗಳಿಗೆ ಕಡಿವಾಣ ಹಾಕಬೇಕು ಎಂಬ ಕೂಗು ಸಹ ವ್ಯಕ್ತವಾಗಿದೆ.

ಸದ್ಯ ದೂರು ಸ್ವೀಕರಿಸಿದ ಗಚಿಬೌಲಿ ಪೊಲೀಸ್ ಇಲಾಖೆ ವಿಚಾರಣೆ ಆರಂಭಿಸಿದೆ.

ಸ್ವಿಗ್ಗಿ ಸೇರಿದಂತೆ ಆಹಾರ ವಿತರಣಾ ಸಿಬ್ಬಂದಿಗಳು ಮೃತಪಟ್ಟ ಸಿಬ್ಬಂದಿಗೆ ಹೆಚ್ಚಿನ ಪರಿಹಾರಧನ ಘೋಷಿಸಲು ಆಗ್ರಹಿಸಿದ್ದಾರೆ.