CPGRAMS Contest: ಒಂದೊಳ್ಳೆ ಹೆಸರು ಹೇಳಿ ಲಕ್ಷ ಲಕ್ಷ ನಿಮ್ಮದಾಗಿಸಿಕೊಳ್ಳಿ; ಕೇಂದ್ರದಿಂದಲೇ ಆಫರ್

ಮನೆಯಲ್ಲಿಯೇ ಕುಳಿತು ಲಕ್ಷಕ್ಕೂ ಅಧಿಕ ಹಣವನ್ನು ನಿಮ್ಮದಾಗಿಸಿಕೊಳ್ಳುವ ಸುವರ್ಣವಕಾಶವೊಂದು ಬಂದಿದೆ. ಒಂದೊಳ್ಳೆ ಹೆಸರು ಸೂಚಿಸಿ ಅದಕ್ಕೆ ಲೋಗೋ ವಿನ್ಯಾಸ ಮಾಡಬೇಕು. ಹೀಗೆ ಮಾಡಿದ್ರೆ ನಿಮಗೆ 1 ಲಕ್ಷಕ್ಕಿಂತಲೂ ಅಧಿಕ ಬಹುಮಾನ ಸಿಗಲಿದೆ. (ಸಾಂದರ್ಭಿಕ ಚಿತ್ರ)

ಸದ್ಯ ಕೇಂದ್ರ ಸರ್ಕಾರ ಎರಡು ಸ್ಪರ್ಧೆಗಳನ್ನು ನಡೆಸುತ್ತಿದ್ದು, ಇದರಲ್ಲಿ ಭಾಗಿಯಾಗಿ ಗೆದ್ದ ಸ್ಪರ್ಧಿಗೆ ಲಕ್ಷ ರೂಪಾಯಿ ಹಣ ಗೆಲ್ಲಬಹುದಾಗಿದೆ. (ಸಾಂದರ್ಭಿಕ ಚಿತ್ರ)

ಕೇಂದ್ರೀಕೃತ ಸಾರ್ವಜನಿಕ ಕುಂದುಕೊರತೆ ಪರಿಹಾರ ಮತ್ತು ಮಾನಿಟರಿಂಗ್ ಸಿಸ್ಟಮ್ (CPGRAMS) ಆನ್‌ಲೈನ್ ವೇದಿಕೆಯಾಗಿದೆ. ಈ ಮೂಲಕ ಜನರು ಸರ್ಕಾರಿ ಸೇವೆಗಳ ಬಗ್ಗೆ ದೂರು ನೀಡಬಹುದು. ನೀವು ಸರ್ಕಾರದ ಯಾವುದೇ ಇಲಾಖೆಯ ವಿರುದ್ಧ ದೂರುಗಳನ್ನು ಈ ವೇದಿಕೆ ಮೂಲಕ ಸಲ್ಲಿಸಬಹುದು. (ಸಾಂದರ್ಭಿಕ ಚಿತ್ರ)

ಇಲ್ಲಿ ಕೇಂದ್ರ ಮತ್ತು ರಾಜ್ಯ ಸರ್ಕಾರದ ಎಲ್ಲಾ ಇಲಾಖೆಗಳನ್ನು ಈ ವೇದಿಕೆಯಲ್ಲಿ ಸೇರಿಸಲಾಗುತ್ತದೆ. ಇಲ್ಲಿ ನೀವು ಯಾವುದೇ ಇಲಾಖೆಗೆ ಸಂಬಂಧಿಸಿದ ದೂರು ಸಲ್ಲಿಸಬಹುದಾಗಿದೆ. ಈ ಅಪ್ಲಿಕೇಶನ್ ಗೂಗಲ್ ಪ್ಲೇ ಸ್ಟೋರ್‌ನಲ್ಲಿಯೂ ಲಭ್ಯವಿದೆ. ಉಮಾಂಡ್ ಆ್ಯಪ್ ಮೂಲಕವೂ ನೀವು ಈ ಸೇವೆಗಳನ್ನು ಪಡೆಯಬಹುದು. (ಸಾಂದರ್ಭಿಕ ಚಿತ್ರ)

ಆಡಳಿತ ಸುಧಾರಣೆಗಳು ಮತ್ತು ಸಾರ್ವಜನಿಕ ಕುಂದುಕೊರತೆಗಳ ಇಲಾಖೆಯು ಹೊಸ ಅವಕಾಶವೊಂದನ್ನು ನೀಡುತ್ತಿದೆ. CPGRAMS ಗಾಗಿ ಲೋಗೋ ವಿನ್ಯಾಸ ಸ್ಪರ್ಧೆಯನ್ನು ನಡೆಸಲಾಗುತ್ತಿದೆ. ಅಲ್ಲದೆ ಅದಕ್ಕೆ ಹೊಸ ಹೆಸರನ್ನು ಶಿಫಾರಸು ಮಾಡಲು ಇಲಾಖೆ ಸೂಚಿಸಿದೆ. (ಸಾಂದರ್ಭಿಕ ಚಿತ್ರ)

ಒಳ್ಳೆಯ ಹೆಸರನ್ನು ಶಿಫಾರಸು ಮಾಡಿ ಗೆದ್ದರೆ ನಿಮಗೆ 51 ಸಾವಿರ ರೂಪಾಯಿ ದೊರೆಯಲಿದೆ. ಅದೇ ರೀತಿ ಒಳ್ಳೆಯ ಲೋಗೋ ಡಿಸೈನ್ ಮಾಡಿ ಗೆದ್ದರೆ 51 ಸಾವಿರ ರೂಪಾಯಿ ಬರಲಿದೆ. ಒಟ್ಟು ಒಂದು ಲಕ್ಷಕ್ಕೂ ಅಧಿಕ ಹಣ ನಿಮ್ಮದಾಗಿಸಿಕೊಳ್ಳಬಹುದು. (ಸಾಂದರ್ಭಿಕ ಚಿತ್ರ)

ಆ ಸ್ಪರ್ಧೆಗಳಲ್ಲಿ ಭಾಗವಹಿಸಲು ಇನ್ನು ಎರಡು ದಿನಗಳು ಮಾತ್ರ ಬಾಕಿ ಉಳಿದಿವೆ. ನೀವು ಫೆಬ್ರವರಿ 21 ರವರೆಗೆ ನಿಮ್ಮ ಅರ್ಜಿಗಳನ್ನು ಸಲ್ಲಿಸಬಹುದು. MyGov ವೆಬ್‌ಸೈಟ್‌ಗೆ ಭೇಟಿ ನೀಡುವ ಮೂಲಕ ನೀವು ಈ ಸ್ಪರ್ಧೆಗಳಲ್ಲಿ ಭಾಗವಹಿಸಬಹುದು. (ಸಾಂದರ್ಭಿಕ ಚಿತ್ರ)

ನೀವು ವಿನ್ಯಾಸಗೊಳಿಸಿದ ಲೋಗೋ ತುಂಬಾ ಸ್ಪಷ್ಟವಾಗಿರಬೇಕು. ಇದನ್ನು ಡಿಜಿಟಲ್ ವೇದಿಕೆಯಲ್ಲಿ ರಚಿಸಬೇಕು. ಅಲ್ಲದೆ ರೆಸಲ್ಯೂಶನ್ ಕನಿಷ್ಠ 300 ಡಿಪಿಐ ಆಗಿರಬೇಕು. ಲೋಗೋ ವಿನ್ಯಾಸವನ್ನು 100 ಕ್ಕಿಂತ ಕಡಿಮೆ ಪದಗಳಲ್ಲಿ ವಿವರಿಸಬೇಕು. ಲೋಗೋ 5*5 cm ನಿಂದ 60*60 cm ವರೆಗೆ ಗಾತ್ರದಲ್ಲಿರಬಹುದು. ವಿಜೇತರಿಗೆ ಇ-ಪ್ರಮಾಣಪತ್ರವನ್ನೂ ನೀಡಲಾಗುವುದು. (ಸಾಂದರ್ಭಿಕ ಚಿತ್ರ)