Inspiring Story: ಅಡುಗೆ ಕಲಿಸುತ್ತಿದ್ದವಳು ಇಂದು ದೊಡ್ಡ ರೆಸ್ಟೋರೆಂಟ್ ಒಡತಿ! ಅಡುಗೆಮನೆಯಲ್ಲೇ ಇರುವ ಮಹಿಳೆಯರಿಗೆ ಸ್ಫೂರ್ತಿಯಾದ ನಿಧಿ

ಪರಿಶ್ರಮವಿದ್ದರೆ ಜೀವನದಲ್ಲಿ ಏನನ್ನಾದರೂ ಸಾಧಿಸಬಹುದು, ಸಣ್ಣ ಮಟ್ಟದಿಂದ ದೊಡ್ಡ ಮಟ್ಟಕ್ಕೆ ಬೆಳೆಯಬಹುದು ಎಂಬುದನ್ನು ಗುಜರಾತ್​ನ ಜುನಾಗಢದ ಮಹಿಳೆಯೊಬ್ಬರು ನಿಜ ಮಾಡಿದ್ದಾರೆ.

ನಿಧಿಬೆನ್​ ಖಕ್ಕರ್​ ಎಂಬ ಮಹಿಳೆಯೊಬ್ಬರು ಸುಮಾರು 2,000 ಜನರಿಗೆ ಅಡುಗೆ ಮಾಡುವುದನ್ನ ಕಲಿಸಿದ್ದಾರೆ. ಜುನಾಗಢ್‌ನಲ್ಲಿ ನಿಧಿ ಬೆನ್ ಅವರ ಅಡುಗೆಯನ್ನು ಎಲ್ಲರೂ ಇಷ್ಟಪಡುತ್ತಾರೆ. ವಿಶೇಷವೆಂದರೆ ಅವರಿಂದ ಅಡುಗೆ ಕಲಿಯಲು ಬಂದವರೇ ನಿಧಿ ಅವರಿಗೆ ರೆಸ್ಟೋರೆಂಟ್ ಪ್ರಾರಂಭಿಸಲು ಪ್ರೇರೇಪಿಸಿದ್ದಾರೆ.

8 ವರ್ಷಗಳಿಂದ ಸಾವಿರಾರು ಮಂದಿಗೆ ಅಡುಗೆ ಕಲಿಸುತ್ತಿರುವ ನಿಧಿ ಒಂದು ವರ್ಷದ ಹಿಂದೆ ನಿಧಿ ಕಿಚನ್ ರೆಸ್ಟೋರೆಂಟ್ ಆರಂಭಿಸಿದ್ದಾರೆ. ಈ ರೆಸ್ಟೋರೆಂಟ್​ ಸ್ವಲ್ಪ ದಿನಗಳಲ್ಲೇ ದೊಡ್ಡ ಹೆಸರು ಮಾಡಿದೆ. ಅಲ್ಲದೆ ಇದು ಕುಟುಂಬದವರ ನೆಚ್ಚಿನ ಹೋಟೆಲ್ ಆಗಿದೆ.

ಇನ್ನೊಂದು ವಿಷಯವೆಂದರೆ ರೆಸ್ಟೋರೆಂಟ್​ನ ಮಾಲೀಕರಾದರೂ ನಿಧಿ ಅವರೂ ಈಗಲೂ ರೆಸ್ಟೋರೆಂಟ್‌ನಲ್ಲಿ ಮಾಸ್ಟರ್ ಶೆಫ್ ಆಗಿ ಕೆಲಸ ಮಾಡುತ್ತಾರೆ. ಈ ರೆಸ್ಟೋರೆಂಟ್​ನಲ್ಲಿ ಹಲವು ಮಂದಿ ಕೆಲಸ ಮಾಡುತ್ತಿದ್ದರೂ ಪ್ರತಿಯೊಂದು ಖಾದ್ಯಕ್ಕೆ ಫಿನಿಷಿಂಗ್ ಟಚ್​ ನಿಧಿ ನೀಡುತ್ತಾರೆ. ನಿಧಿ ತಮ್ಮ ಈ ಸಾಧನೆಯಿಂದ ಸ್ಥಳೀಯವಾಗಿ ಮಾತ್ರವಲ್ಲದೆ, ರಾಜ್ಯದ ಹಲವು ಪ್ರದೇಶದ ಗೃಹಿಣಿಯರಿಗೂ ಸ್ವಾವಲಂಬನೆಯ ಬದುಕು ಕಟ್ಟಿಕೊಳ್ಳುವವರಿಗೆ ಮಾದರಿಯಾಗಿದ್ದಾರೆ.

' ನನ್ನ ಅಡುಗೆಯ ರುಚಿ ಎಲ್ಲರಿಗೂ ಇಷ್ಟವಾಗುತ್ತದೆ. ಪ್ರತಿಯೊಬ್ಬ ಗುಜರಾತಿಯೂ ನಾನು ಮಾಡುವ ಅಡುಗೆಯನ್ನು ತಿನ್ನಲು ಬಯಸುತ್ತಾನೆ. ನನ್ನ ರೆಸ್ಟೋರೆಂಟ್ ಯಾವುದೇ ಅಜಿನೊಮೊಟೊ ಅಥವಾ ರಾಸಾಯನಿಕಗಳನ್ನು ಬಳಸುವುದಿಲ್ಲ. ಆರೋಗ್ಯಕರವಾದ ಮನೆಯಲ್ಲಿ ತಯಾರಿಸಿದ ಊಟವನ್ನು ನೀಡುತ್ತಿದ್ದೇವೆ' ಎಂದು ನಿಧಿ ನ್ಯೂಸ್​18ಗೆ ತಿಳಿಸಿದ್ದಾರೆ.

' ನನ್ನ ಅಡುಗೆಯ ರುಚಿ ಎಲ್ಲರಿಗೂ ಇಷ್ಟವಾಗುತ್ತದೆ. ಪ್ರತಿಯೊಬ್ಬ ಗುಜರಾತಿಯೂ ನಾನು ಮಾಡುವ ಅಡುಗೆಯನ್ನು ತಿನ್ನಲು ಬಯಸುತ್ತಾನೆ. ನನ್ನ ರೆಸ್ಟೋರೆಂಟ್ ಯಾವುದೇ ಅಜಿನೊಮೊಟೊ ಅಥವಾ ರಾಸಾಯನಿಕಗಳನ್ನು ಬಳಸುವುದಿಲ್ಲ. ಆರೋಗ್ಯಕರವಾದ ಮನೆಯಲ್ಲಿ ತಯಾರಿಸಿದ ಊಟವನ್ನು ನೀಡುತ್ತಿದ್ದೇವೆ' ಎಂದು ನಿಧಿ ನ್ಯೂಸ್​18ಗೆ ತಿಳಿಸಿದ್ದಾರೆ.

ನಿಧಿ ರೆಸ್ಟೋರೆಂಟ್ ಕೇವಲ ಜನರ ಮಾತಿನಿಂದಲೇ ಪಬ್ಲಿಸಿಟಿ ಪಡೆದು ಪ್ರಸಿದ್ಧವಾಗಿದೆ. ಇದಕ್ಕೆಲ್ಲಾ ಕಾರಣ ಆಹಾರದ ಗುಣಮಟ್ಟ. ಊಟ ಚೆನ್ನಾಗಿದ್ದರೆ ಮಾತ್ರ ಯಶಸ್ಸು ಸಿಗುತ್ತದೆ, ಆದ್ದರಿಂದಲೇ ಈ ಉದ್ಯಮದಲ್ಲಿ ನಾನು ಯಶಸ್ವಿಯಾಗಿದ್ದೆನೆ ಎಂದು ನಿಧಿ ಹೇಳಿದರು. ಈ ರೆಸ್ಟೋರೆಂಟ್ ಗುಜರಾತಿ ಮತ್ತು ಪಂಜಾಬಿ ಸೇರಿದಂತೆ ವಿವಿಧ ತಿನಿಸುಗಳನ್ನು ಒದಗಿಸುತ್ತಿದೆ. ನಿಧಿಬೆನ್ ಅವರು ಈ ಇಡೀ ರೆಸ್ಟೋರೆಂಟ್ ಅನ್ನು ಒಬ್ಬರೇ ನಡೆಸುತ್ತಿದ್ದಾರೆ ಎಂಬುದು ಅತ್ಯಂತ ಮುಖ್ಯವಾದ ವಿಷಯ.