Starbucks: ಕಾಫಿ ದೈತ್ಯ ಸ್ಟಾರ್‌ಬಕ್ಸ್‌ನ ನೂತನ ಸಿಇಒ ಆಗಿ ಭಾರತೀಯನ ಆಯ್ಕೆ! ನಿಜಕ್ಕೂ ಇದು ನಾವು ಹೆಮ್ಮೆ ಪಡುವ ವಿಚಾರ

ಸ್ಟಾರ್​​ಬಕ್ಸ್​ ಕಾಫಿ ಬಗ್ಗೆ ಎಲ್ಲರಿಗೂ ಗೊತ್ತೇ ಇದೆ. ಕಾಸ್ಟ್ಲಿಯಾದರೂ ಸಖತ್​ ಟೇಸ್ಟಿ ಈ ಸ್ಟಾರ್​ಬಕ್ಸ್​ ಕಾಫಿ. ಈ ಕಂಪನಿಗೆ ಇದೀಗ ಭಾರತೀಯ ಮೂಲದವರು ನೂತನ ಸಿಇಓ ಆಗಿ ಆಯ್ಕೆಯಾಗಿದ್ದಾರೆ.

ಭಾರತೀಯ ಮೂಲದ ಲಕ್ಷ್ಮಣ್ ನರಸಿಂಹನ್ ಅವರನ್ನು ಕಾಫಿ ದೈತ್ಯ ಸ್ಟಾರ್‌ಬಕ್ಸ್‌ನ ಹೊಸ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿ (CEO) ನೇಮಕ ಮಾಡಲಾಗಿದೆ.

ಲಕ್ಷ್ಮಣ್ ನರಸಿಂಹನ್ ಅವರು ರೆಕಿಟ್‌ನ ಸಿಇಒ ಆಗಿದ್ದರು, ಇದು ಡ್ಯೂರೆಕ್ಸ್ ಕಾಂಡೋಮ್‌ಗಳು, ಎನ್‌ಫಾಮಿಲ್ ಬೇಬಿ ಫಾರ್ಮುಲಾ ಮತ್ತು ಮ್ಯೂಸಿನೆಕ್ಸ್ ಕೋಲ್ಡ್ ಸಿರಪ್ ಅನ್ನು ಸಹ ತಯಾರಿಸುತ್ತದೆ.

55 ವರ್ಷ ವಯಸ್ಸಿನ ಲಕ್ಷಣ್​ ನರಸಿಂಹನ್​, ಈ ಹಿಂದೆ ಪೆಪ್ಸಿಕೋದಲ್ಲಿ ಅದರ ಜಾಗತಿಕ ಮುಖ್ಯ ವಾಣಿಜ್ಯ ಅಧಿಕಾರಿಯಾಗಿ ಕೆಲಸ ಮಾಡಿದರು, ಹೋವರ್ಡ್ ಶುಲ್ಟ್ಜ್ ಅವರ ಜಾಗಕ್ಕೆ ಲಕ್ಷಣ್​ ನರಸಿಂಹನ್​ ಆಯ್ಕೆಯಾಗಿದ್ದಾರೆ.

ಅಕ್ಟೋಬರ್ 1 ರಂದು ಲಕ್ಷ್ಮಣ್ ನರಸಿಂಹನ್ ಕಂಪನಿಗೆ ಸೇರುತ್ತಾರೆ. ಆದರೆ ಏಪ್ರಿಲ್ 2023 ರಲ್ಲಿ ಚುಕ್ಕಾಣಿ ಹಿಡಿಯುತ್ತಾರೆ ಎಂದು ಸ್ಟಾರ್‌ಬಕ್ಸ್ ಹೇಳಿದೆ. ಅಲ್ಲಿಯವರೆಗೆ, ಹಂಗಾಮಿ ಸಿಇಒ ಹೊವಾರ್ಡ್ ಷುಲ್ಟ್ಜ್ ಕಂಪನಿಯನ್ನು ಮುನ್ನಡೆಸುತ್ತಾರೆ.

ಮತ್ತು ಲಕ್ಷ್ಮಣ್ ನರಸಿಂಹನ್ ಅವರು ಏಪ್ರಿಲ್ 1 ರವರೆಗೆ ಹಾವರ್ಡ್ ಶುಲ್ಟ್ಜ್ ಅವರೊಂದಿಗೆ ನಿಕಟವಾಗಿ ಕೆಲಸ ಮಾಡುತ್ತಾರೆ.

ಏಪ್ರಿಲ್-ಜೂನ್‌ನಲ್ಲಿ, ಚೀನಾದಲ್ಲಿನ ಕೋವಿಡ್ ನಿರ್ಬಂಧಗಳು ವ್ಯಾಪಾರವನ್ನು ನಿಧಾನಗೊಳಿಸಿರುವುದರಿಂದ ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಬಲವಾದ ಮಾರಾಟದಿಂದಾಗಿ ಸ್ಟಾರ್‌ಬಕ್ಸ್ ಬೇಡಿಕೆಯನ್ನು ವರದಿ ಮಾಡಿದೆ.

"ಶಕ್ತಿಯುತ ಗ್ರಾಹಕ ಬ್ರಾಂಡ್‌ಗಳನ್ನು ನಿರ್ಮಿಸುವಲ್ಲಿ ಆಳವಾದ ಅನುಭವವನ್ನು ಹೊಂದಿರುವ ಕಾರ್ಯತಂತ್ರದ ಮತ್ತು ಪರಿವರ್ತನೆಯ ನಾಯಕರಾಗಿದ್ದಾರೆ" ಎಂದು ನರಸಿಂಹನ್ ಅವರನ್ನು ಸ್ವಾಗತಿಸುವ ಪತ್ರದಲ್ಲಿ ಶುಲ್ಟ್ಜ್ ತಿಳಿಸಿದ್ದಾರೆ.