PF Withdraw: ಆನ್​ಲೈನ್​ನಲ್ಲಿ ಸರಳವಾಗಿ ಪಿಎಫ್​ ಹಣ ಡ್ರಾ ಮಾಡ್ಬಹುದು! ಆದ್ರೆ, ಈ ರೂಲ್ಸ್​ನ ಮರಿಬೇಡಿ

ಉದ್ಯೋಗಿಗಳ ಭವಿಷ್ಯ ನಿಧಿ (ಇಪಿಎಫ್) ಹಣವನ್ನು ಹೊಂದಿರುವ ಉದ್ಯೋಗಿಗಳು ತಮ್ಮ ಪಿಎಫ್ ಬ್ಯಾಲೆನ್ಸ್ ಅನ್ನು ಆನ್‌ಲೈನ್‌ನಲ್ಲಿ ಸುಲಭವಾಗಿ ಯಾವಾಗ ಬೇಕೋ ಆಗ ವಿತ್​ ಡ್ರಾ ಮಾಡಿಕೊಳ್ಳುವ ಅವಕಾಶವಿದೆ.

ಈ ಮೊದಲು ಚಂದಾದಾರರು ಪಿಎಫ್​ ಹಣ ಪಡೆಯಬೇಕು ಸಿಕ್ಕಾಪಟ್ಟೆ ಕಷ್ಟವಿತ್ತು. ತಮ್ಮ ಕಚೇರಿಯಿಂದ ಪಿಎಫ್ ಕಚೇರಿಗೆ ಹೆಚ್ಚಾಗಿ ಓಡಾಡಬೇಕಿತ್ತು ಆದರೆ ಕಳೆದ ಕೆಲವು ವರ್ಷಗಳಿಂದ ನಿಮ್ಮ ಪಿಎಫ್ ಹಣವನ್ನು ಹಿಂಪಡೆಯಲು ಆನ್‌ಲೈನ್‌ ವಿಧಾನವನ್ನು ಪಾಲಿಸಬಹುದು.

ಖಾತೆದಾರರು ತನ್ನ ಭವಿಷ್ಯ ನಿಧಿ (ಪಿಎಫ್) ಖಾತೆಯನ್ನು ನಿರ್ದಿಷ್ಟ ಷರತ್ತುಗಳ ಅಡಿಯಲ್ಲಿ ಹಣವನ್ನು ಹಿಂಪಡೆಯಬಹುದು. ಭಾಗಶಃ ಮುಂಗಡವಾಗಿ ಹಣಬನ್ನು ಹಿಂಪಡೆಯಬಹುದು ಅಥವಾ ಸಂಪೂರ್ಣವಾಗಿ ಎಲ್ಲಾ ಹಣವನ್ನು ಹಿಂಪಡೆಯಬಹುದು.

ಆನ್‌ಲೈನ್‌ ಮೂಲಕ ಹಣವನ್ನು ಹಿಂಪಡೆಯಲು ಉದ್ಯೋಗಿಗಳ ಭವಿಷ್ಯ ನಿಧಿ ಸದಸ್ಯ e-SEWA ಪೋರ್ಟಲ್ ಅನ್ನು ಮೊದಲು ಬಳಕೆ ಮಾಡಬೇಕು.ಪಿಎಫ್ ಖಾತೆಗೆ ಹಣವನ್ನು ಜಮಾ ಮಾಡಲು, ಆಧಾರ್ ಕಾರ್ಡ್ ಅನ್ನು ಯುಎಎನ್ ಗೆ ಲಿಂಕ್ ಮಾಡಬೇಕು.

ಕೆವೈಸಿಗೆ ಪ್ಯಾನ್‌ ಕಾರ್ಡ್‌ನ ಬಳಕೆಯ ಅಗತ್ಯವಿದೆ. ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದ ನಂತರ, ಪಿಪಿಎಫ್ಒ ಖಾತೆಯ ಸ್ಥಿತಿಯನ್ನು "ದೃಢೀಕರಿಸಲಾಗಿದೆ" ಎಂದು ಮಾರ್ಪಡಿಸಲಾಗುತ್ತದೆ.

ಯುಎಎನ್ ಪೋರ್ಟಲ್ unifiedportal-mem.epfindia.gov.in/memberinterface/ ಗೆ ಭೇಟಿ ನೀಡಿ. ನಿಮ್ಮ ಯುಎಎನ್, ಪಾಸ್‌ವರ್ಡ್ ಮತ್ತು ಕ್ಯಾಪ್ಚಾವನ್ನು ಬಳಸಿಕೊಂಡು ಇ-ಸೇವಾ ಪೋರ್ಟಲ್ ಗೆ ಲಾಗ್ ಇನ್ ಮಾಡಿ.

"ಆನ್‌ಲೈನ್ ಸೇವೆಗಳು" (Online Services) ಕ್ಲಿಕ್ ಮಾಡಿ ಮತ್ತು "ಕ್ಲೈಮ್" (Claim) ಆಯ್ಕೆಯನ್ನು ಆರಿಸಿ. ಆ ಬಳಿಕ ನಿಮ್ಮ ಬ್ಯಾಂಕ್ ಖಾತೆ ಮಾಹಿತಿಯನ್ನು ನಮೂದಿಸಿ.ನಂತರ "Proceed for Online Claim" ಮೇಲೆ ಕ್ಲಿಕ್ ಮಾಡಿ.

ಬಳಿಕ, ಕ್ಲೈಮ್ ಫಾರ್ಮ್‌ನಲ್ಲಿ, ಡ್ರಾಪ್‌ಡೌನ್ ಬಾಕ್ಸ್‌ನಿಂದ ಹಣವನ್ನು ಹಿಂತೆಗೆದುಕೊಳ್ಳಲು ಕಾರಣವನ್ನು ಆಯ್ಕೆಮಾಡಿ. ಅಗತ್ಯ ವಿವರಗಳು ಮತ್ತು ದಾಖಲೆಗಳನ್ನು ಅಪ್‌ಲೋಡ್ ಮಾಡಿ. ಬಳಿಕ ಒಟಿಪಿಗಾಗಿ ವಿನಂತಿಸಿ. ಒಟಿಪಿ ಬಂದ ಕೂಡಲೇ ಅಪ್​ಲೋಡ್​ ಮಾಡಿ ಮತ್ತುಕ್ಲೈಮ್ ಅರ್ಜಿಯನ್ನು ಸಲ್ಲಿಸಿ. ಕೆಲ ದಿನಗಳಲ್ಲಿ ನಿಮ್ಮ ಹಣ ನಿಮ್ಮ ರಿಜಿಸ್ಟರ್​ ಖಾತೆಗೆ ಬರುತ್ತದೆ.