SBI Charges: ಎಸ್​​ಬಿಐ ಗ್ರಾಹಕರಿಗೆ ಬಿಗ್ ಶಾಕ್; ಶುಲ್ಕ ಹೆಚ್ಚಿಸಿದ ಬ್ಯಾಂಕ್!

Credit Card News | ನೀವು ಎಸ್​ಬಿಐ ಕ್ರೆಡಿಟ್ ಕಾರ್ಡ್​ ಬಳಕೆ ಮಾಡುತ್ತಿದ್ದೀರಾ? ಇತ್ತೀಚೆಗೆ ಎಸ್​ಬಿಐ ತನ್ನ ಶುಲ್ಕಗಳನ್ನು ಏರಿಕೆ ಮಾಡಿದೆ. ಈ ಶುಲ್ಕ ಹೆಚ್ಚಳ ಕ್ರೆಡಿಟ್ ಬಳಕೆದಾರರ ಮೇಲೆ ನಕಾರಾತ್ಮಕ ಪರಿಣಾಮ ಬೀರಲಿದೆ. (ಸಾಂದರ್ಭಿಕ ಚಿತ್ರ)

ಸತತವಾಗಿ ಎರಡನೇ ಬಾರಿಗೆ ಎಸ್​ಬಿಐ ಕ್ರೆಡಿಟ್ ಕಾರ್ಡ್ ಶುಲ್ಕವನ್ನು ಹೆಚ್ಚಳ ಮಾಡಿದೆ. ನವೆಂಬರ್ 15ರಂದು ಕ್ರೆಡಿಟ್ ಕಾರ್ಡ್​ ಶುಲ್ಕಗಳನ್ನು ಏರಿಕೆ ಮಾಡಿತ್ತು. (ಸಾಂದರ್ಭಿಕ ಚಿತ್ರ)

ನವೆಂಬರ್ 15ರ ನಂತರ ಈಗ ಮತ್ತೊಮ್ಮೆ ಎಸ್​ಬಿಐ ಕಾರ್ಡ್​ ಶುಲ್ಕವನ್ನು ಹೆಚ್ಚಳ ಮಾಡಿದೆ. ನಾಲ್ಕು ತಿಂಗಳ ಅವಧಿಯಲ್ಲಿ ಮತ್ತೊಮ್ಮೆ ಶುಲ್ಕ ಏರಿಕೆ ಮಾಡಿದೆ. (ಸಾಂದರ್ಭಿಕ ಚಿತ್ರ)

ನವೆಂಬರ್ 15 ರಂದು ಎಸ್‌ಬಿಐ 99 ರೂಪಾಯಿ ಸಂಸ್ಕರಣಾ ಶುಲ್ಕವನ್ನು ವಿಧಿಸಲಾಗಿತ್ತು. ಇದಕ್ಕೆ ಜಿಎಸ್‌ಟಿ ಸೇರ್ಪಡೆಯಾಗಿದೆ. ಇಲ್ಲಿಯವರೆಗೆ ಬಾಡಿಗೆ ಪಾವತಿಗೆ ಯಾವುದೇ ಶುಲ್ಕವಿರಲಿಲ್ಲ. ಈಗ ಎಸ್‌ಬಿಐ ಸಹ ಇನ್ನುಳಿದ ಬ್ಯಾಂಕ್​ಗಳಂತೆ ಶುಲ್ಕ ವಿಧಿಸುತ್ತಿದೆ. (ಸಾಂದರ್ಭಿಕ ಚಿತ್ರ)

ಈಗ ಎಸ್​ಬಿಐ ಮತ್ತೆ ರೆಂಟ್ ಪೇಮೆಂಟ್​ಗಳ ಮೇಲಿನ ಪ್ರೊಸೆಸಿಂಗ್ ಫೀ ಹೆಚ್ಚಳ ಮಾಡಿದೆ. ಈ ಹೊಸ ಶುಲ್ಕಗಳು ಮಾರ್ಚ್​ 17ರಿಂದ ಜಾರಿಗೆ ಬರಲಿವೆ. ಮುಂದಿನ ದಿನಗಳಲ್ಲಿ ರೆಂಟ್ ಫೀ 99ರ ಬದಲಿಗೆ 199 ರೂಪಾಯಿ ಪ್ಲಸ್ ಜಿಎಸ್​ಟಿ ಪಾವತಿಸಬೇಕು. (ಸಾಂದರ್ಭಿಕ ಚಿತ್ರ)

ಎಸ್‌ಬಿಐ ಕಾರ್ಡ್ ಈಗಾಗಲೇ ತನ್ನ ಗ್ರಾಹಕರಿಗೆ ಬಾಡಿಗೆ ಪಾವತಿಗಳ ಮೇಲಿನ ಸಂಸ್ಕರಣಾ ಶುಲ್ಕವನ್ನು ಬದಲಾಯಿಸುತ್ತಿದೆ ಎಂದು ತಿಳಿಸಿದೆ. ಎಸ್ಎಂಎಸ್ ಮತ್ತು ಇಮೇಲ್ ಮೂಲಕ ಶುಲ್ಕ ಹೆಚ್ಚಿಸಲಾಗುತ್ತಿದೆ ಎಂದು ತಿಳಿದುಬಂದಿದೆ. ಆದ್ದರಿಂದ, SBI ಕ್ರೆಡಿಟ್ ಕಾರ್ಡ್ ಬಳಕೆದಾರರು ಬಾಡಿಗೆ ಪಾವತಿ ಮಾಡುವಾಗ ಇದನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕು. (ಸಾಂದರ್ಭಿಕ ಚಿತ್ರ)

ಎಸ್‌ಬಿಐ ಮಾತ್ರವಲ್ಲದೆ ಇತರ ಬ್ಯಾಂಕ್‌ಗಳು ಕ್ರೆಡಿಟ್ ಕಾರ್ಡ್‌ಗಳ ಮೇಲೆ ಈ ರೀತಿಯ ಶುಲ್ಕವನ್ನು ವಿಧಿಸುತ್ತಿವೆ. ಬ್ಯಾಂಕ್ ಆಫ್ ಬರೋಡಾ ಮತ್ತು ಐಸಿಐಸಿಐ ಬ್ಯಾಂಕ್ ಸೇರಿದಂತೆ ಹಲವು ಬ್ಯಾಂಕುಗಳು ಕ್ರೆಡಿಟ್ ಕಾರ್ಡ್ ಮೂಲಕ ಬಾಡಿಗೆ ಪಾವತಿಸಿದರೆ ಸಂಸ್ಕರಣಾ ಶುಲ್ಕವನ್ನು ವಿಧಿಸುತ್ತಿವೆ. (ಸಾಂದರ್ಭಿಕ ಚಿತ್ರ)

ಸಂಸ್ಕರಣಾ ಶುಲ್ಕಗಳು ಬ್ಯಾಂಕ್‌ನಿಂದ ಬ್ಯಾಂಕ್‌ಗೆ ಬದಲಾಗುತ್ತವೆ. ಕ್ರೆಡಿಟ್ ಕಾರ್ಡ್​ ರೂಪಾಂತರ ಮಾಡಿಕೊಳ್ಳುವ ಪ್ರಕ್ರಿಯೆಗೂ ಪ್ರತ್ಯೇಕ ಶುಲ್ಕ ವಿಧಿಸಲಾಗುತ್ತದೆ. (ಸಾಂದರ್ಭಿಕ ಚಿತ್ರ)