Rs 2000 Notes: 2 ಸಾವಿರದ ನೋಟು ನಿಮ್ಮಲ್ಲಿದೆಯೇ? ತಪ್ಪದೇ ಇಲ್ಲಿ ಗಮನಿಸಿ

ಭಾರತದ ಅತ್ಯಂತ ಮೌಲ್ಯಯುತ ಕರೆನ್ಸಿ ನೋಟು ರೂ 2,000 ನೋಟುಗಳ ಚಲಾವಣೆ ತೀವ್ರವಾಗಿ ಕುಸಿದಿದೆ. ಹಿಂದಿನದಕ್ಕೆ ಹೋಲಿಸಿದರೆ ಈಗ 2000 ರೂಪಾಯಿ ನೋಟುಗಳ ಚಲಾವಣೆ ತುಂಬಾ ಕಡಿಮೆಯಾಗಿದೆ.

ಭಾರತೀಯ ರಿಸರ್ವ್ ಬ್ಯಾಂಕ್ (RBI) 2021-22 ರ ಹಣಕಾಸು ವರದಿಯ ಪ್ರಕಾರ ಪ್ರಸ್ತುತ ಚಲಾವಣೆಯಲ್ಲಿರುವ 2,000 ರೂ ನೋಟುಗಳ ಒಟ್ಟು ಮೌಲ್ಯವು ಕೇವಲ 13.8 ಶೇಕಡಾ ಮಾತ್ರ! ಈ ಅಂಕಿ ಅಂಶ ನಿಜಕ್ಕೂ ಅಚ್ಚರಿ ಹುಟ್ಟಿಸುತ್ತಿದೆ. (ಸಾಂಕೇತಿಕ ಚಿತ್ರ)

ಕಳೆದ ವರ್ಷ 17,000 ದಷ್ಟು 2,000 ರೂಪಾಯಿ ನೋಟುಗಳು ಚಲಾವಣೆಯಲ್ಲಿವೆ ಎಂದು ಅಂದಾಜಿಸಲಾಗಿದೆ. ಕರೆನ್ಸಿ ನೋಟುಗಳ ಸಂಖ್ಯೆಗೆ ಬಂದರೆ ಪ್ರಸ್ತುತ ಚಲಾವಣೆಯಲ್ಲಿರುವ 2,000 ರೂಪಾಯಿ ನೋಟುಗಳು ಒಟ್ಟು ನೋಟುಗಳ ಪೈಕಿ ಕೇವಲ 1.6 ರಷ್ಟು ಮಾತ್ರ. ಆಗಿವೆ  ಹಿಂದಿನ ಹಣಕಾಸು ವರ್ಷದಲ್ಲಿ 2020-21 ರಲ್ಲಿ ಇದು 2 ಶೇಕಡಾದಷ್ಟಿತ್ತು. ಅದರ ಹಿಂದಿನ ವರ್ಷ 2019-20ರಲ್ಲಿ ಇದು 2.4 ಶೇಕಡಾದಷ್ಟಿತ್ತು. (ಸಾಂಕೇತಿಕ ಚಿತ್ರ)

RBI ಹೊರಡಿಸಿದ ಎಲ್ಲಾ ಕರೆನ್ಸಿ ನೋಟುಗಳನ್ನು ಪರಿಗಣಿಸಿದರೆ ಮಾರ್ಚ್ 31, 2021 ಕ್ಕೆ 12,437 ನೋಟುಗಳು ಚಲಾವಣೆಯಲ್ಲಿವೆ. ಮಾರ್ಚ್ 31, 2022 ಕ್ಕೆ 13,053 ನೋಟುಗಳು ಚಲಾವಣೆಯಲ್ಲಿವೆ.

274 ಕೋಟಿ ರೂ 2,000 ನೋಟುಗಳು ಮಾರ್ಚ್ 2020 ರ ವೇಳೆಗೆ ಚಲಾವಣೆಯಲ್ಲಿದ್ದವು. ಮಾರ್ಚ್ 2021 ರ ವೇಳೆಗೆ 245 ಕೋಟಿಗೆ ಇಳಿದಿದೆ. ಮಾರ್ಚ್ 2022 ರ ಹೊತ್ತಿಗೆ 214 ಕೋಟಿ. (ಸಾಂಕೇತಿಕ ಚಿತ್ರ)

ಈ ಅಂಕಿಅಂಶಗಳನ್ನು ನೋಡಿದರೆ ಕಳೆದ ಮೂರು ವರ್ಷಗಳಲ್ಲಿ 2000 ರೂಪಾಯಿ ನೋಟುಗಳ ಚಲಾವಣೆ ಗಣನೀಯವಾಗಿ ತಗ್ಗಿದೆ ಎಂದು ತಿಳಿಯಬಹುದು. ಇದೇ ರೀತಿ ಮುಂದುವರಿದರೆ 2000 ರೂಪಾಯಿ ನೋಟು ಸಿಗುವುದು ಕಷ್ಟ.

ರೂ.500 ಮತ್ತು ರೂ.2,000 ನೋಟುಗಳನ್ನು ಒಳಗೊಂಡಂತೆ ಮಾರ್ಚ್ 31, 2022 ರಂತೆ ಚಲಾವಣೆಯಲ್ಲಿರುವ ಒಟ್ಟು ಕರೆನ್ಸಿ ನೋಟುಗಳ ಶೇಕಡಾ 87.1 ರಷ್ಟಿದೆ. (ಸಾಂಕೇತಿಕ ಚಿತ್ರ)

ಪ್ರಸ್ತುತ ಆರ್​ಬಿಐ ವರದಿ ಪ್ರಕಾರ ಚಲಾವಣೆಯಲ್ಲಿರುವ ಕರೆನ್ಸಿ ನೋಟುಗಳು 2, 5, 10, 20, 50, 100, 500 ಮತ್ತು 2,000 ರೂ.ಗಳಾಗಿವೆ. ನಾಣ್ಯಗಳ ವಿಷಯಕ್ಕೆ ಬಂದರೆ 50 ಪೈಸೆ, ರೂ 1, ರೂ 2, ರೂ 5, ರೂ 10 ಮತ್ತು ರೂ 20 ಮುಖಬೆಲೆಯ ನೋಟುಗಳು ಚಲಾವಣೆಯಲ್ಲಿವೆ. (ಸಾಂಕೇತಿಕ ಚಿತ್ರ)