Radhika Merchant Mehndi Ceremony: ಮುಖೇಶ್ ಅಂಬಾನಿ ಮನೆಯಲ್ಲಿ ನಿಶ್ಚಿತಾರ್ಥ ಸಂಭ್ರಮ; ಮೆಹಂದಿ ಶಾಸ್ತ್ರದಲ್ಲಿ ಕಂಗೊಳಿಸಿದ ರಾಧಿಕಾ ಮರ್ಚೆಂಟ್

ಖ್ಯಾತ ಉದ್ಯಮಿ ಮುಕೇಶ್ ಅಂಬಾನಿ ಮನೆಯಲ್ಲಿ ಮದುವೆ ಸಂಭ್ರಮ ಕಳೆಗಟ್ಟಿದೆ. ಮುಕೇಶ್ ಅಂಬಾನಿ ಮತ್ತು ನೀತಾ ಅಂಬಾನಿ ಅವರ ಕಿರಿಯ ಪುತ್ರ ಅನಂತ್ ಅಂಬಾನಿ ಅವರು ರಾಧಿಕಾ ಮರ್ಚೆಂಟ್ ಅವರೊಂದಿಗೆ ಇದೇ ತಿಂಗಳು ಹಸೆಮಣೆ ಏರುತ್ತಿದ್ದು, ಮದುವೆಗೆ ಭರ್ಜರಿ ತಯಾರಿ ನಡೆಸಲಾಗುತ್ತಿದೆ.

ಇತ್ತೀಚಿಗಷ್ಟೇ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅದ್ದೂರಿಯಾಗಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಈ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಇದೀಗ ರಾಧಿಕಾ ಮರ್ಚೆಂಟ್ ಅವರ ಮೆಹಂದಿ ಶಾಸ್ತ್ರ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ.

ಮೆಹಂದಿ ಶಾಸ್ತ್ರದಲ್ಲಿ ರಾಧಿಕಾ ಮರ್ಚೆಂಟ್ ಗುಲಾಬಿ ಬಣ್ಣದ ಲೆಹೆಂಗಾದಲ್ಲಿ ಕಾಣಿಸಿಕೊಂಡಿದ್ದಾರೆ.  ಕಸೂತಿ ಹೂವಿನ ಬೂಟಿಗಳು ಮತ್ತು ಸಣ್ಣ ಕನ್ನಡಿಗಳೊಂದಿಗೆ, ಬಹು-ಬಣ್ಣದ ರೇಷ್ಮೆ ಬಟ್ಟೆಗಳಿಂದ ಈ ಲೆಹೆಂಗಾವನನ್ನು ಅಬು ಜಾನಿ ಸಂದೀಪ್ ಖೋಸ್ಲಾ ವಿನ್ಯಾಸಗೊಳಿಸಿದ್ದಾರೆ. ಇನ್ನೂ ಈ ಲೆಹೆಂಗಾದಲ್ಲಿ ಕಾಣಿಸಿಕೊಂಡಿರುವ ರಾಧಿಕಾ ಮರ್ಚೆಂಟ್​ ಅವರನ್ನು ನೋಡಲು ಎರಡು ಕಣ್ಣು ಸಾಲದು ಎಂದೇ ಹೇಳಬಹುದು.

ಮೆಹಂದಿ ಸಮಾರಂಭದ ವೇದಿಕೆಯನ್ನು ನೀಲಿ, ಗುಲಾಬಿ ಮತ್ತು ಹಳದಿ ಬಣ್ಣದ ಮಾರಿಗೋಲ್ಡ್ ಹೂವುಗಳಿಂದ ಅಲಂಕರಿಸಲಾಗಿತ್ತು. ಸಮಾರಂಭಕ್ಕಾಗಿ, ಬಹಿರಂಗಪಡಿಸದ ಸ್ಥಳವನ್ನು ನೀಲಿಬಣ್ಣದ ಗುಲಾಬಿ ಮತ್ತು ಹಳದಿ ಛಾಯೆಗಳಲ್ಲಿ ಚೆಂಡು ಹೂವುಗಳಿಂದ (ಮಾರಿಗೋಲ್ಡ್) ಅಲಂಕರಿಸಲಾಗಿತ್ತು. ಅಲ್ಲದೇ ಮೆಹಂದಿ ಶಾಸ್ತ್ರದಲ್ಲಿ ಸಂಭ್ರಮದಿಂದ ಕುಣಿದು ಕುಪ್ಪಳಿಸಿರುವ ರಾಧಿಕಾ ಅವರ ಫೋಟೋ ಹಾಗೂ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.

ರಾಧಿಕಾ ಮರ್ಚೆಂಟ್ ಜೊತೆಗೆ ಮೆಹಂದಿ ಶಾಸ್ತ್ರ ಮುಗಿಯುವವರೆಗೂ ಅವರ ತಾಯಿ ಶೈಲಾ ಮರ್ಚೆಂಟ್ ಜೊತೆಗಿದ್ದರು. ಅವರು ಕೂಡ ಕಸೂತಿ ಬಣ್ಣದೊಂದಿಗೆ ನೇರಳೆ ಪೆಪ್ಲಮ್ ಕೋ-ಆರ್ಡ್ ಅನ್ನು ಧರಿಸಿದ್ದರು. ಜೊತೆಗೆ ಆ ಡ್ರೆಸ್ಗೆ ಮ್ಯಾಚ್ ಆಗುವಂತಹ ವಜ್ರದ ಆಭರಣಗಳನ್ನು ತೊಟ್ಟಿದ್ದರು.

ಅಲ್ಲದೇ ಮೆಹಂದಿ ಶಾಸ್ತ್ರದಲ್ಲಿ ರಾಧಿಕಾ ಅವರ ಅಕ್ಕ ಅಂಜಲಿ ಮರ್ಚೆಂಟ್ ಪಾಲ್ಗೊಂಡಿದ್ದರು. ಡ್ರೈಫಿಕ್ಸ್ ಸಹ-ಸಂಸ್ಥಾಪಕಿ ಮತ್ತು ಎನ್ಕೋರ್ ಹೆಲ್ತ್ಕೇರ್ ನಿರ್ದೇಶಕಿ ಆಗಿರುವ ಅಂಜಲಿ ಮರ್ಚೆಂಟ್ ಸದ್ಯ ತುಂಬು ಗರ್ಭಿಣಿಯಾಗಿದ್ದು, ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ವಟಾಲಿ ಸಂಸ್ಥಾಪಕ ಅಮನ್ ಮಜಿಥಿಯಾ ಅಂಜಲಿ ಅವರ ಪತಿಯಾಗಿದ್ದಾರೆ.

ಕಳೆದ ತಿಂಗಳು ಅನಂತ್ ಅಂಬಾನಿ ತಮ್ಮ ಗೆಳತಿ ರಾಧಿಕಾ ಮರ್ಚೆಂಟ್ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಇವರಿಬ್ಬರ ನಿಶ್ಚಿತಾರ್ಥ ಕಾರ್ಯಕ್ರಮ ರಾಜಸ್ಥಾನದ ನಾಥದ್ವಾರದಲ್ಲಿರುವ ಶ್ರೀನಾಥ್ ಜಿ ದೇವಸ್ಥಾನದಲ್ಲಿ ನಡೆದಿತ್ತು. ಅನಂತ್ ಮತ್ತು ರಾಧಿಕಾ ಲವ್ ಬಗ್ಗೆ ಹಲವು ಊಹಾಪೋಹಗಳು ಇದ್ದವು. ಆದರೆ ಡಿಸೆಂಬರ್ನಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡು ಇದೀಗ ಹಸೆಮಣೆ ಏರುತ್ತಿರುವ ಈ ಜೋಡಿ ಗಾಸಿಪ್ಗಳಿಗೆ ಬ್ರೇಕ್ ಹಾಕಿದ್ದಾರೆ.