Qatar Airways: ಈಕೆ ಇಷ್ಟು ದಪ್ಪ ಇರೋದೇ ತಪ್ಪಾ? ಮಾಡೆಲ್​ ಅಂದ್ರೂ ವಿಮಾನ ಹತ್ತೋಕೆ ಬಿಡದ ಕತಾರ್ ಏರ್​ವೇಸ್!

ಮನುಷ್ಯ ಅಂದಮೇಲೆ ದಪ್ಪಗಾಗೋದು ಸಜಹ, ಸಣ್ಣಗಾಗೋದು ಸಹಜ. ಕೆಲವರು ಕೆಲ ಆರೋಗ್ಯ ಸಮಸ್ಯೆಯಿಂದ ದಪ್ಪಗಿರೋದನ್ನು ನಾವು ನೋಡಿದ್ದೇವೆ. ಆದರೆ, ಇನ್ಮುಂದೆ ನೀವು ಪ್ಲಸ್​ ಸೈಜ್​ ಇದ್ದರೆ ಈ ವಿಮಾನ ಹತ್ತುವಂತಿಲ್ಲ.

ಹೌದು, ಕತಾರ್​ ಏರ್​ವೇಸ್​ ಪ್ಲಸ್​ ಸೈಜ್​ ಇರುವವರನ್ನು ತಮ್ಮ ವಿಮಾನಗಳಲ್ಲಿ ಪ್ರಯಾಣಿಸಲು ಅವಕಾಶ ನಿರಾಕರಿಸಿದ್ಯಂತೆ. ಈ ವಿಚಾರ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗುತ್ತಿದೆ.

ಬ್ರೆಜಿಲಿಯನ್​ ಮಾಡೆಲ್​ವೊಬ್ಬರಿಗೆ ಈ ಅನುಭವವಾಗಿದ್ಯಂತೆ. ಇಂಡಿಪೆಂಡೆಂಟ್ ಪ್ರಕಾರ, 38 ವರ್ಷದ ಬ್ರೆಜಿಲಿಯನ್ ಮಾಡೆಲ್ ಜೂಲಿಯಾನಾ ನೆಹ್ಮೆ ಅವರಿಗೆ ನವೆಂಬರ್ 22ರಂದು ಈ ಘಟನೆ ನಡೆದಿದೆ.

ತನ್ನ ತೂಕದ ಕಾರಣದಿಂದ ಕತಾರ್​ ತಮ್ಮ ವಿಮಾನದಲ್ಲಿ ಹತ್ತಿಸಲಿಲ್ಲ ಎಂದು ಹೇಳಿದ್ದಾರೆ. ನೆಹ್ಮೆ ಅವರನ್ನು ಎಕಾನಮಿ ಕ್ಲಾಸ್ ಟಿಕೆಟ್​ ತೆಗೆದು ಕೊಳ್ಳದಿರುವಂತೆ ಸಿಬ್ಬಂದಿ ಹೇಳಿದ್ದಾರಂತೆ.

ಬುಸಿನೆಸ್​ ಕ್ಲಾಸ್​ ಟಿಕೆಟ್​ ತೆಗೆದುಕೊಂಡರೇ ಮಾತ್ರ ವಿಮಾನದಲ್ಲಿ ಪ್ರಯಾಣಿಸಬಹುದು ಎಂದ ಕತಾರ್​​ ಏರ್​ವೇಸ್​ ಸಿಬ್ಬಂದಿ ಹೇಳಿದರು ಎಂದು ನೆಹ್ಮೆ ಆರೋಪಿಸಿದ್ದಾರೆ. 3000 ಸಾವಿರ ಡಾಲರ್​​ ಬೆಲೆಯ ಬ್ಯುಸಿನೆಸ್​ ಕ್ಲಾಸ್​ ಟಿಕೆಟ್ ತೆಗೆದುಕೊಳ್ಳುವಂತೆ ಒತ್ತಡ ಹೇರಿದ್ದರಂತೆ.

ಮೊದಲೆ ಸಾವಿರ ಡಾಲರ್​ ಕೊಟ್ಟು ನೆಹ್ಮೆ ಎಕಾನಮಿ ಕ್ಲಾಸ್​ ಟಿಕೆಟ್​ ಬುಕ್​ ಮಾಡಿಕೊಂಡಿದ್ದರು. ನನ್ನ ತೂಕ ನೋಡಿ ನಂತರ ಅವರು ಈ ರೀತಿ ಮಾಡಿದ್ದಾರೆ ಅಂತ ನೆಹ್ಮೆ ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಬರೆದುಕೊಂಡಿದ್ದಾರೆ.

ಇದೆಂಥಾ ನಾಚಿಕೆಗೇಡಿನ ಕೃತ್ಯ. ಹೇಳಿಕೊಳ್ಳುವುದಕ್ಕೆ ಮಾತ್ರ ಇದು ಜಗತ್ತಿನ ದೊಡ್ಡ ಏರ್​​ವೇಸ್​. ಮಾಡುವುದೆಲ್ಲ ಸಣ್ಣ ಬುದ್ಧಿ ಎಂದು ನೆಹ್ಮೆ ಇನ್​ಸ್ಟಾಗ್ರಾಮ್​​ನಲ್ಲಿ ಬರೆದುಕೊಂಡಿದ್ದಾರೆ.

ಕೊನೆಗೆ ನೆಹ್ಮೆ ಈ ಬಗ್ಗೆ ದೂರು ಸಹ ನೀಡಿದ್ದರಂತೆ. ಕೋರ್ಟ್​ನಲ್ಲಿ ವಿಚಾರಣೆ ನಡೆಸಿ ಕತಾರ್​ ಏರ್​ವೇಸ್​ ಈಕೆಗೆ 3718 ಡಾಲರ್​ ಪರಿಹಾರ ನೀಡಬೇಕೆಂದು ಆದೇಶ ಹೊರಡಿಸಿದೆ. ಆದರೆ, ಕತಾರ್ ಏರ್​ವೇಸ್​ ಇವರ ಬಳಿ ಕೋವಿಡ್​ ನೆಗೆಟಿವ್​ ರಿಪೋರ್ಟ್ ಇರಲಿಲ್ಲ. ಅದಕ್ಕೆ ಪ್ರಯಾಣಿಸಲು ಅವಕಾಶ ನಿರಾಕರಿಸಿದ್ದೇವು ಎಂದು ಹೇಳಿದೆ.