Lottery Jackpot: ಒಂದಲ್ಲ, ಎರಡಲ್ಲ ಸತತ 33 ವರ್ಷ ಲಾಟರಿ ಆಡ್ತಿದ್ದ ರೈತ! ಕೊನೆಗೂ ಹೊಡೆಯಿತು ನೋಡಿ ಬಂಪರ್​ ಜಾಕ್​ಪಾಟ್​!

ಮನುಷ್ಯನಿಗೆ ತಾಳ್ಮೆ ಮುಖ್ಯ. ದೇವರಲ್ಲಿ ಏನಾದರೂ ಬೇಡಿಕೊಂಡ್ರೆ ಅದು ಸಿಗುವುದು ತಡವಾಗಬಹುದು. ಆದರೆ ಆ ವರ ಕೊಟ್ಟಾಗ, ಉತ್ತಮವಾಗಿರುದ್ದನ್ನೇ ಭಗವಂತ ಕರುಣಿಸುತ್ತಾನೆ ಎಂಬ ಮಾತುಗಳನ್ನು ಕೇಳಿದ್ದೇವೆ. ಇಲ್ಲೂ ಕೂಡ ಅದೇ ಆಗಿದೆ.

ಪಂಜಾಬ್‌ನ ಫಾಜಿಲ್ಕಾ ಜಿಲ್ಲೆಯಲ್ಲಿ ವಾಸಿಸುವ ಭಲಾ ರಾಮ್ ಎಂಬ ರೈತನಿಗೂ ಇದೇ ರೀತಿಯ ಘಟನೆ ಸಂಭವಿಸಿದೆ. ತಾಳ್ಮೆ ಮತ್ತು ನಂಬಿಕೆಯ ಫಲವಾಗಿ ಈಗ ಕೋಟ್ಯಾಧಿಪತಿಯಾಗಿದ್ದಾರೆ.

1990 ರಿಂದ ಲಾಟರಿ ಟಿಕೆಟ್ ಖರೀದಿಸುತ್ತಿದ್ದ ಭಲಾ ರಾಮ್​ ಪ್ರತಿ ದಿನ ದೇವರ ಬಳಿ ಆರ್ಶೀವಾದ ಸಿಗಲಿ ಎಂದು ಪ್ರಾರ್ಥಿಸುತ್ತಿದ್ದಾರೆ. ದೇವರು ಕೂಡ ಅವರ ನಂಬಿಕೆಯನ್ನು ಸುಳ್ಳು ಮಾಡಲಿಲ್ಲ.33 ವರ್ಷಗಳ ನಂತರ ಭಲಾ ರಾಮ್ ಲಾಟರಿಯಲ್ಲಿ 1-2 ಲಕ್ಷವನ್ನು ಗೆದ್ದಿಲ್ಲ 2.5 ಕೋಟಿ ಹಣವನ್ನು ಗೆದ್ದಿದ್ದಾರೆ.

ಭಲಾ ರಾಮ್ ನಾಗಾಲ್ಯಾಂಡ್ ಡಿಯರ್ 500 ಮಾಸಿಕ ಲಾಟರಿಯ ಮೊದಲ ಬಹುಮಾನವನ್ನು ಗೆದ್ದಿದ್ದಾರೆ. 33 ವರ್ಷಗಳ ನಂತರ 9 ಎಕರೆ ಜಮೀನು ಹೊಂದಿರುವ ಭಲಾ ರಾಮ್, ಇಷ್ಟು ದೊಡ್ಡ ಬಹುಮಾನ ಗೆದ್ದ ಖುಷಿಗೆ ಪಾರವೇ ಇಲ್ಲ. ಲಾಟರಿಯಲ್ಲಿ ಬಂದ ಹಣದಲ್ಲಿ ತನ್ನ ಇಬ್ಬರು ಮಕ್ಕಳಿಗೆ ಉನ್ನತ ಶಿಕ್ಷಣ ಕೊಡಿಸುವುದಾಗಿ ಹೇಳಿದ್ದಾರೆ. ಅವರಿಗೆ ಒಬ್ಬ ಮಗ ಮತ್ತು ಮಗಳು ಇದ್ದಾರೆ. (ಸಾಂಕೇತಿಕ ಚಿತ್ರ)

ಭಲಾ ರಾಮ್ ಇದುವರೆಗೆ ಲಾಟರಿ ಗೆದ್ದಿರುವುದು ಇದು ಮೂರನೇ ಬಾರಿ. ಇದರಲ್ಲಿ ಅವರು ಒಮ್ಮೆ ರೂ. 2,000 ಮತ್ತು ಎರಡನೇ ಬಾರಿ ರೂ. 50,000 ಬಹುಮಾನ ಗೆದ್ದಿದ್ರು. ಇದೀಗ ಮೂರನೇ ಬಾರಿಗೆ ಲಕ್ಷಾಧಿಪತಿಯಾಗಿದ್ದಾರೆ. ವಿಶೇಷವೆಂದರೆ ಡ್ರಾ ನಡೆದು ನಾಲ್ಕು ದಿನ ಕಳೆದರೂ ಭಾಲಾ ರಾಮ್ ಅವರಿಗೆ 2.5 ಕೋಟಿ ಲಾಟರಿ ಗೆದ್ದಿದ್ದು ಗೊತ್ತೇ ಇರಲಿಲ್ವಂತೆ. ಲಾಟರಿ ಮಾರಾಟದ ಏಜೆಂಟ್ ಕೂಡ ಅವರನ್ನು ಹುಡುಕುತ್ತಿದ್ದರು. (ಸಾಂಕೇತಿಕ ಚಿತ್ರ)

ಭಲಾ ರಾಮ್ ಫಾಜಿಲ್ಕಾ ಜಿಲ್ಲೆಯ ರಾಮ್‌ಕೋಟ್ ಗ್ರಾಮದ ನಿವಾಸಿ. ಅವರು ಲಾಟರಿ ಏಜೆಂಟರಾದ ರೂಪ್ ಚಂದ್ ಅವರಿಂದ ಲಾಟರಿಯ ಐದು ದಿನಗಳ ಮೊದಲು ನಾಗಾಲ್ಯಾಂಡ್ ಡಿಯರ್ 500 ಮಾಸಿಕ ಲಾಟರಿ ಟಿಕೆಟ್ ಸಂಖ್ಯೆ 249092 ಅನ್ನು ಖರೀದಿಸಿದರು. ಭಾಲಾ ರಾಮ್ ತನ್ನ ವಿಳಾಸ ಅಥವಾ ಮೊಬೈಲ್ ಸಂಖ್ಯೆಯನ್ನು ಲಾಟರಿ ಏಜೆಂಟ್‌ಗೆ ನೀಡಿರಲಿಲ್ಲ.

ಭಲಾ ರಾಮ್ ಲಾಟರಿ ಗೆದ್ದಾಗ, ಏಜೆಂಟ್ ಭಲಾ ರಾಮ್ ಅನ್ನು ಹುಡುಕಲು ಪ್ರಯತ್ನಿಸಿದರು. ಆದರೆ ಏಜೆಂಟ್ ಅವರನ್ನು ಹುಡುಕಲಾಗಲಿಲ್ಲ. ನಂತರ ಹೇಗೋ ಲಾಟರಿ ಏಜೆಂಟರು ಬಹುಮಾನ ಗೆದ್ದವರಿಗಾಗಿ ಹುಡುಕಾಟ ನಡೆಸುತ್ತಿರುವುದು ಭಲಾ ರಾಮ್ ಗೆ ತಿಳಿಯಿತು. ಇದಾದ ಬಳಿಕ ಡ್ರಾವನ್ನು ಪರಿಶೀಲಿಸಿದಾಗ ಅವರು ಕೋಟ್ಯಧಿಪತಿಯಾಗಿರುವುದು ಗೊತ್ತಾಗಿದೆ.