Jeera Price: ಒಂದೇ ಬಾರಿಗೆ ಏರಿಕೆಯಾದ ಜೀರಿಗೆ ಬೆಲೆ! ಜನಸಾಮಾನ್ಯರಿಗೆ ಮತ್ತೆ ಹೊಡೆತ

ಮೊದಲೇ ಅಗತ್ಯ ವಸ್ತುಗಳಿಗೆ ಬೆಲೆ ಏರಿಕೆಯಿಂದ ಜನಸಾಮಾನ್ಯರು ಕಂಗಾಲಾಗಿದ್ದಾರೆ. ಇದೀಗ ಶ್ರೀಸಾಮಾನ್ಯರಿಗೆ ಮತ್ತೊಂದು ಹೊಡೆತ ಬಿದ್ದಿದೆ ಎಂದರೆ ತಪ್ಪಾಗಲ್ಲ. ಮಾರುಕಟ್ಟೆಯಲ್ಲಿ ಜೀರಿಗೆ ಬೆಲೆ ಕೆಜಿಗೆ 570 ರಿಂದ 600 ರೂಪಾಯಿಗೆ ಏರಿಕೆಯಾಗಿದೆ.

ಈ ಪರಿಸ್ಥಿತಿಯು ಕಳೆದ ಎರಡು ತಿಂಗಳಲ್ಲಿ 200 ರೂಪಾಯಿಗಿಂತ ಹೆಚ್ಚಾಗಿದೆ. ಅಡುಗೆಯಲ್ಲಿ ಮಸಾಲೆಯಾಗಿ ಜೀರಿಗೆ ಬಹಳ ಮುಖ್ಯ. ಜೀರಿಗೆ ಬೆಲೆ ಎಷ್ಟರಮಟ್ಟಿಗೆ ತಲುಪಿದೆ ಎಂದರೆ ಜನಸಾಮಾನ್ಯರು ಜೀರಿಗೆ ಕೊಳ್ಳಲು ಪರದಾಡುವಂತಾಗಿದೆ.

ಇನ್ನು ಎರಡ್ಮೂರು ತಿಂಗಳಲ್ಲಿ ಜೀರಿಗೆ ಬೆಲೆ ಇಳಿಕೆಯಾಗುವ ಸಾಧ್ಯತೆ ಇಲ್ಲ ಎಂದು ಮಾರುಕಟ್ಟೆಯ ಸಗಟು ಮಾರಾಟಗಾರರ ಜತೆ ಮಾತನಾಡಿದಾಗ ಗೊತ್ತಾಗಿದೆ.

ಈ ವರ್ಷ ಜೀರಿಗೆ ಕಡಿಮೆ ಇಳುವರಿಯಾಗಿದೆ. ಅದರ ಮೇಲೆ ವಿದೇಶಗಳಿಗೆ ಅಂದರೆ ಚೀನಾಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ಜೀರಿಗೆ ರಫ್ತಾಗುತ್ತಿದೆ. ಈ ರಫ್ತು ನಿಲ್ಲಿಸಲು ಸಾಧ್ಯವಾದರೆ ನಮ್ಮ ದೇಶದಲ್ಲಿ ಜೀರಿಗೆ ಬೆಲೆ ಸಾಕಷ್ಟು ಕಡಿಮೆಯಾಗುತ್ತದೆ.

ಜೀರಿಗೆಯೊಂದಿಗೆ ಕಲಬೆರಕೆ ನೀಡಲಾಗುತ್ತಿದೆ, ಇದನ್ನು ಸಲ್ಫಾ ಎಂದು ಕರೆಯಲಾಗುತ್ತದೆ. ಜೀರಿಗೆ ಬೆಲೆ 200 ರಿಂದ 600 ರೂಪಾಯಿಗೆ ಏರಿಕೆಯಾಗಿದೆ ಎಂದರೆ ವ್ಯಾಪಾರಸ್ಥರು ಏನ್​ ಮಾಡ್ತಾರೆ.

ಜೀರಿಗೆ ಬೆಲೆ ತಗ್ಗಿಸುವ ಉದ್ದೇಶದಿಂದ ಜೀರಿಗೆಗೆ ಸಲ್ಫೇಟ್ ಬೆರೆಸಿ ಮಾರಾಟ ಮಾಡುತ್ತಿರುವ ಅವ್ಯವಹಾರದ ವರ್ತಕರು ಸಾಕಷ್ಟು ಸಂಖ್ಯೆಯಲ್ಲಿದ್ದಾರೆ ಎಂಬುದು ಮಾರುಕಟ್ಟೆಯ ಅನುಭವಿ ಜೀರಿಗೆ ವ್ಯಾಪಾರಿಗಳ ಹೇಳುತ್ತಿದ್ದಾರೆ.

ಜೀರಿಗೆ ಬೆಲೆ ಏರಿಕೆಗೆ ಸಂಬಂಧಿಸಿದಂತೆ ಯಾವುದೇ ಅಧಿಕೃತ ಅಧಿಸೂಚನೆ ಇಲ್ಲಿಯವರೆಗೆ ಕಂಡುಬಂದಿಲ್ಲ. ಆದರೆ ಜೀರಿಗೆಯ ಆಹಾರದ ಗುಣಮಟ್ಟವು ಜನರಿಗೆ ಪ್ರತಿದಿನ ಬೇಕಾಗುತ್ತದೆ. ಇದರ ಪರಿಣಾಮವಾಗಿ ಜನರು ಪ್ರತಿ ಅಡುಗೆಯಲ್ಲಿ ಜೀರಿಗೆಯನ್ನು ಬಳಸುತ್ತಾರೆ.

ಇನ್ನು ಎರಡೂವರೆ ತಿಂಗಳ ನಂತರ ಜೀರಿಗೆ ಇಳುವರಿ ಹೆಚ್ಚಾಗಲಿದೆ ಎಂದು ವ್ಯಾಪಾರಿಗಳು ಹೇಳಿಕೊಳ್ಳುತ್ತಾರೆ.ಜೀರಿಗೆ ಇಳುವರಿ ಸರಿಯಾಗಿದ್ದರೆ ಜೀರಿಗೆ ಬೆಲೆ ಕಡಿಮೆಯಾಗುವ ಸಾಧ್ಯತೆ ಇದೆ. ಸದ್ಯ ಮಾರುಕಟ್ಟೆಯಲ್ಲಿ ಜೀರಿಗೆ ಆವಕ ಕಡಿಮೆಯಾಗಿದ್ದು, ಬೆಲೆ ಏರಿಕೆಯಿಂದ ಜೀರಿಗೆ ಮಾರಾಟ ಕಡಿಮೆಯಾಗಿದೆ ಎನ್ನುತ್ತಾರೆ ವ್ಯಾಪಾರಿಗಳು.