Monthly Income: ತಿಂಗಳಿಗೆ 9,000 ರೂ. ಆದಾಯ ಪಕ್ಕಾ; ಅಂಚೆ ಕಚೇರಿಯ ಈ ಯೋಜನೆ ನಿಜಕ್ಕೂ ಸೇಫ್

ನೀವು ಪ್ರತಿ ತಿಂಗಳು ಹಣ ಗಳಿಸಲು ಬಯಸುತ್ತಿದ್ದೀರಾ. ಹಾಗಾದರೆ ಅಂಚೆ ಕಚೇರಿಯ ಈ ಯೋಜನೆಗೆ ಸೇರಬಹುದು. ಪ್ರತಿ ತಿಂಗಳು ₹9 ಸಾವಿರದವರೆಗೆ ಆದಾಯ ಪಡೆಯಬಹುದು. ಈ ಯೋಜನೆಯ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ.

ಅಂಚೆ ಕಚೇರಿ ಮಾಸಿಕ ಆದಾಯ ಯೋಜನೆಯನ್ನು ನೀಡುತ್ತದೆ. ನೀವು ಈ ಯೋಜನೆಗೆ ಸೇರಿದರೆ, ನೀವು ಪ್ರತಿ ತಿಂಗಳು ಗ್ಯಾರಂಟಿ ಹಣವನ್ನು ಪಡೆಯಬಹುದು. ಈ ಹೂಡಿಕೆಯಲ್ಲಿ ಯಾವುದೇ ಅಪಾಯವಿಲ್ಲ. ನಿಶ್ಚಿತ ವಾಪಸಾತಿ ಇರುತ್ತದೆ. ಆದ್ದರಿಂದ ನೀವು ಯಾವುದೇ ಆತಂಕವಿಲ್ಲದೆ ಈ ಯೋಜನೆಗೆ ಸೇರಬಹುದು.

ಆದರೆ ಈ ಯೋಜನೆಗೆ ಸೇರಲು ಯೋಚಿಸುತ್ತಿರುವವರು ಒಂದು ವಿಷಯವನ್ನು ತಿಳಿದಿರಬೇಕು. ಹಣವನ್ನು ಒಮ್ಮೆಯೇ ಹೂಡಿಕೆ ಮಾಡಬೇಕು. ಈ ಹಣಕ್ಕೆ ನೀವು ಪ್ರತಿ ತಿಂಗಳು ಬಡ್ಡಿ ಪಡೆಯಬಹುದು. ಮುಕ್ತಾಯದ ನಂತರ ನಿಮ್ಮ ಹಣವನ್ನು ನೀವು ಪಡೆಯುತ್ತೀರಿ.

ಅಂಚೆ ಕಚೇರಿ ನೀಡುವ ಮಾಸಿಕ ಆದಾಯ ಯೋಜನೆಯಡಿ ನೀವು 9 ಲಕ್ಷ ರೂ.ವರೆಗೆ ಠೇವಣಿ ಇಡಬಹುದು. ಅದೇ ಜಂಟಿ ಖಾತೆ ತೆರೆದರೆ 15 ಲಕ್ಷದವರೆಗೆ ಹಣವನ್ನು ಇಡಬಹುದು. ಇತ್ತೀಚಿನ ಬಜೆಟ್ ನಲ್ಲಿ ಈ ಮಿತಿಯನ್ನು ಕೇಂದ್ರ ಸರ್ಕಾರ ಹೆಚ್ಚಿಸಿದೆ. ಈ ಹಿಂದೆ ಜಂಟಿ ಖಾತೆಯಾದರೂ 9 ಲಕ್ಷ ರೂ.ವರೆಗೆ ಹೂಡಿಕೆ ಮಾಡಲು ಅವಕಾಶವಿತ್ತು.

ಇನ್ನು ಈ ಪೋಸ್ಟ್ ಆಫೀಸ್ ಮಾಸಿಕ ಆದಾಯ ಯೋಜನೆಯ ಮುಕ್ತಾಯ ಅವಧಿಯು ಐದು ವರ್ಷಗಳು. ಪ್ರಸ್ತುತ ಈ ಯೋಜನೆಯ ಬಡ್ಡಿಯು ಶೇಕಡಾ 7.1 ರಷ್ಟಿದೆ. ಪ್ರತಿ ಮೂರು ತಿಂಗಳಿಗೊಮ್ಮೆ ಈ ದರ ಕಡಿಮೆ ಆಗಬಹುದು ಅಥವಾ ಹೆಚ್ಚಾಗಬಹುದು.

ಉದಾಹರಣೆಗೆ ಈ ಪೋಸ್ಟ್ ಆಫೀಸ್ ಮಾಸಿಕ ಆದಾಯ ಯೋಜನೆಯಲ್ಲಿ ನೀವು 15 ಲಕ್ಷ ಹೂಡಿಕೆ ಮಾಡಿದ್ದೀರಿ ಎಂದಿಟ್ಟುಕೊಳ್ಳಿ. ಈಗ ನಿಮಗೆ ಮಾಸಿಕ 8,800 ರೂ. ಬರಲಿದೆ. ನೀವು ಇದನ್ನು ಐದು ವರ್ಷಗಳವರೆಗೆ ಪಡೆಯಬಹುದು. ನಂತರ ನಿಮ್ಮ ಹಣವನ್ನು ನಿಮಗೆ ಹಿಂತಿರುಗಿಸಲಾಗುತ್ತದೆ.

ನೀವು ಹೂಡಿಕೆ ಮಾಡುವ ಮೊತ್ತದ ಆಧಾರದ ಮೇಲೆ ನೀವು ಪಡೆಯುವ ಆದಾಯವೂ ಬದಲಾಗುತ್ತದೆ ಎಂಬುದನ್ನು ಗಮನಿಸಬೇಕು. ಆದ್ದರಿಂದ ನೀವು ನಿಮ್ಮ ಹೂಡಿಕೆಯ ಗುರಿಗಳಿಗೆ ಅನುಗುಣವಾಗಿ ಹಣವನ್ನು ಠೇವಣಿ ಮಾಡಬಹುದು. ಆದರೆ ಮೆಚ್ಯೂರಿಟಿಯ ಮೊದಲು ಹಣ ಹಿಂಪಡೆದರೆ ಶುಲ್ಕವನ್ನು ವಿಧಿಸಲಾಗುತ್ತೆ.

ಒಂದರಿಂದ ಮೂರು ವರ್ಷಗಳೊಳಗೆ ಹಣವನ್ನು ಹಿಂಪಡೆದರೆ, ಠೇವಣಿ ಮೊತ್ತದ ಶೇಕಡಾ 2 ರಷ್ಟು ಶುಲ್ಕ ವಿಧಿಸಲಾಗುತ್ತದೆ. ಮೂರು ವರ್ಷಗಳ ನಂತರ ನೀವು ಹಿಂಪಡೆದರೆ, ನೀವು ಶೇಕಡಾವಾರು ಪಾವತಿಸಬೇಕಾಗುತ್ತದೆ.

ಐದು ವರ್ಷಗಳ ನಂತರ ನೀವು ನಿಮ್ಮ ಹಣ ಮೆಚ್ಯೂರಿಟಿ ಅವಧಿಯನ್ನು ಇನ್ನೂ ಐದು ವರ್ಷಗಳವರೆಗೆ ವಿಸ್ತರಿಸಬಹುದು. ಅಲ್ಲದೆ ಈ ಖಾತೆಯನ್ನು ಒಂದು ಅಂಚೆ ಕಚೇರಿಯಿಂದ ಇನ್ನೊಂದು ಅಂಚೆ ಕಚೇರಿಗೆ ವರ್ಗಾಯಿಸಬಹುದು.