Money: ನೀವು ಜೀವನದಲ್ಲಿ ಈ ತಪ್ಪುಗಳನ್ನ ಮಾಡದಿದ್ರೆ ನಿಮಗೆ ಹಣದ ಕೊರತೆಯೇ ಇರಲ್ಲ

ಹಣಕಾಸಿನ ಸಮಸ್ಯೆಯಲ್ಲಿ ಸಿಲುಕಿಕೊಳ್ಳದಂತೆ ಇರಲು ಮೊದಲೇ ಎಲ್ಲವನ್ನು ಪ್ಲಾನ್ ಮಾಡಿಕೊಂಡಿರಬೇಕು. ಸಾಲದ ಸುಳಿಯಲ್ಲಿ ಸಿಲುಕಬಾರದು ಅಂದದ್ರೆ ಅದಕ್ಕೆ ನಮ್ಮ ಆದಾಯದಲ್ಲಿನ ಒಂದು ಮೊತ್ತವನ್ನು ಉಳಿತಾಯ ಮಾಡಲೇಬೇಕು. ಬಹುತೇಕ ಎಲ್ಲರೂ ಭವಿಷ್ಯಕ್ಕಾಗಿ ಹಣವನ್ನು ಉಳಿತಾಯ ಮಾಡುತ್ತಿರುತ್ತಾರೆ. ಆದರೆ ನಾವು ಮಾಡುವ ಕೆಲ ತಪ್ಪುಗಳು ನಮ್ಮ ಉಳಿತಾಯದ ಮೇಲೆ ನೇರ ಪರಿಣಾಮ ಬೀರುತ್ತವೆ. ಇಂದು ನಾವು ನಿಮಗೆ ಆ ತಪ್ಪುಗಳ ಬ್ಗೆ ಹೇಳುತ್ತಿದ್ದೇವೆ. (ಸಾಂದರ್ಭಿಕ ಚಿತ್ರ)

ಮೊದಲು ಖರ್ಚು ಮಾಡಬೇಡಿ:
ವಾರೆನ್ ಬಫೆಟ್ ಹೇಳುವ ಪ್ರಕಾರ, ಖರ್ಚು ಮಾಡಿದ ನಂತರ ಉಳಿದ ಹಣವನ್ನು ಉಳಿಸಬೇಡಿ, ಆದರೆ ಉಳಿಸಿದ ನಂತರ ಉಳಿದದ್ದನ್ನು ಖರ್ಚು ಮಾಡಿ. ಆದ್ದರಿಂದ ಮೊದಲು ನಿಮ್ಮ ಗಳಿಕೆಯಿಂದ ಉಳಿತಾಯವನ್ನು ತೆಗೆದುಕೊಳ್ಳಿ. ನಂತರ ಉಳಿದದ್ದನ್ನು ಖರ್ಚು ಮಾಡಿ. ನೀವು ಖರ್ಚು ಮಾಡಲು ಪ್ರಾರಂಭಿಸಿದರೆ ನಿಮ್ಮ ಬಳಿ ಏನೂ ಉಳಿಯದೇ ಇರಬಹುದು. ಆದ್ದರಿಂದ, ನೀವು ಮೊದಲು ಗಳಿಕೆಯ ಒಂದು ಭಾಗವನ್ನು ಉಳಿತಾಯವಾಗಿ ಮೀಸಲಿಡುವುದು ಮುಖ್ಯ.

ಪಟ್ಟಿ ಮಾಡದೆ ಶಾಪಿಂಗ್ ಮಾಡಬೇಡಿ:
ನೀವು ಶಾಪಿಂಗ್ ಮಾಡಲು ಹೋಗುತ್ತಿದ್ದರೆ ಏನು ಖರೀದಿ ಮಾಡಬೇಕು ಎಂಬುದನ್ನು ಮೊದಲು ಪಟ್ಟಿ ಮಾಡಿಕೊಳ್ಳಬೇಕು. ಇದರಿಂದ ಅನಗತ್ಯ ವಸ್ತುಗಳ ಖರೀದಿಗೆ ಬ್ರೇಕ್ ಹಾಕಿದಂತಾಗುತ್ತದೆ. ಈ ಮೂಲಕ ಹಣ ಉಳಿತಾಯ ಮಾಡಬಹುದು. ಶಾಪಿಂಗ್ ಮಾಡುವಾಗ ಪಟ್ಟಿಯನ್ನು ಬಹಳ ಎಚ್ಚರಿಕೆಯಿಂದ ಸಿದ್ಧ ಮಾಡಬೇಕು.

ಆದಾಯವನ್ನು ಹೆಚ್ಚಿಸದೆ, ವೆಚ್ಚವನ್ನು ಹೆಚ್ಚಿಸಬೇಡಿ:
ಸಾಮಾನ್ಯವಾಗಿ ಕೆಲ ಸಮಯ ಕಳೆದ ಬಳಿಕ ಆದಾಯ ಹೆಚ್ಚಳವಾಗದಿದ್ರೂ ತಾವು ಮಾಡುವ ಖರ್ಚು ಹೆಚ್ಚಿಸುತ್ತಾರೆ. ನಿಮ್ಮ ಆದಾಯ ಹೆಚ್ಚಾಗುವವರೆಗೆ ವೆಚ್ಚವನ್ನು ಹೆಚ್ಚಿಸವೇಡಿ. ಇದು ಉಳಿತಾಯದ ಮೇಲೆ ಮತ್ತು ನಿಮ್ಮ ಭವಿಷ್ಯದ ನಿಧಿ ಮೇಲೆ ಪರಿಣಾಮ ಬರುತ್ತದೆ.

ಬಜೆಟ್ ಮಾಡಿಕೊಳ್ಳಿ
ಪ್ರತಿ ತಿಂಗಳು ಮಾಡುವ ಹಣಕಾಸಿನ ಖರ್ಚು ವೆಚ್ಚಗಳ ಬಗ್ಗೆ ಬಜೆಟ್ ಮಾಡಿಕೊಳ್ಳಬೇಕು. ಈ ರೀತಿ ಮಾಡೋದರಿಂದ ಹಣ ಎಲ್ಲಿ ಹೆಚ್ಚು ವ್ಯಯವಾಗುತ್ತಿದೆ ಎಂಬುದನ್ನು ಗುರುತಿಸಬಹುದು. ಮುಂಬರುವ ದಿನಗಳಲ್ಲಿ ಯಾವ ರೀತಿ ಹಣ ಉಳಿತಾಯ ಮಾಡಬೇಕು ಎಂಬುದನ್ನು ಕಂಡುಕೊಳ್ಳಬಹುದು.

ಆದಾಯ ಮತ್ತು ಖರ್ಚು ಟ್ಯಾಲಿ ಮಾಡಿ
ಪ್ರತಿ ತಿಂಗಳು ನಿಮ್ಮ ಆದಾಯ ಮತ್ತು ಖರ್ಚು ವೆಚ್ಚಗಳ ವಿವವರಗಳನ್ನು ಬರೆದಿಟ್ಟುಕೊಳ್ಳುವ ಅಭ್ಯಾಸ ಮಾಡಿಕೊಳ್ಳಿ. ಇದರಿಂದ ಹೇಗೆ ಮತ್ತು ಎಲ್ಲಿ ಹಣ ಉಳಿಸಬಹುದು ಎಂಬುದರ ಸ್ಪಷ್ಟ ಮಾಹಿತಿ ಸಿಗಲಿದೆ.

ಹಣ ಹೂಡಿಕೆ
ನಿಮ್ಮ ಬಳಿ ಹಣ ಖರ್ಚು ಆಗುತ್ತೆ ಅನ್ನೋ ಭಯವಿದ್ರೆ ವಿವಿಧ ಯೋಜನೆಗಳಲ್ಲಿ ನಿಮ್ಮ ಉಳಿತಾಯವನ್ನು ಹೂಡಿಕೆ ಮಾಡಬಹುದು.

ವಿಮೆಯಲ್ಲಿ ಹಣ ಹೂಡಿಕೆ
ಕೋವಿಡ್ ಕಾಲನಂತರ ಜನರು ಆರೋಗ್ಯ ವಿಮೆಗಳಲ್ಲಿ ಹೆಚ್ಚು ಹಣ ಹೂಡಿಕೆ ಮಾಡುತ್ತಿದ್ದಾರೆ. ಇದರಿಂದ ಆರೋಗ್ಯದಲ್ಲಿ ಏರುಪೇರಾದ್ರೆ ಈ ವಿಮೆ ಹಣ ನಿಮ್ಮ ಅಗತ್ಯಕ್ಕೆ ಬರಲಿದೆ.