GST Rates: ಶೇ 28ರ ಜಿಎಸ್​ಟಿ ಪಟ್ಟಿಗೆ ಇನ್ನಷ್ಟು ವಸ್ತುಗಳು ಸೇರಿಸಿ! ಸಚಿವರಿಂದಲೇ ಬೇಡಿಕೆ

ಆನ್​ಲೈನ್ ಗೇಮಿಂಗ್, ಕ್ಯಾಸಿನೋಗಳನ್ನು ಶೇಕಡಾ 28 ರಷ್ಟು ಸರಕು ಮತ್ತು ಸೇವಾ ತೆರಿಗೆ (ಜಿಎಸ್​ಟಿ) ಸ್ಲ್ಯಾಬ್ ಅಡಿಯಲ್ಲಿ ತರಬೇಕೆಂದು ಜಿಎಸ್ಟಿ ಕೌನ್ಸಿಲ್​ಗೆ ಶಿಫಾರಸು ಮಾಡಲಾಗಿದೆ ಎಂದು ನಂಬಲರ್ಹ ಮೂಲಗಳು ಸಿಎನ್​ಬಿಸಿ-ಟಿವಿ 18 ಗೆ ತಿಳಿಸಿವೆ. ಈ ಶಿಫಾರಸಿನ ಕುರಿತು ಸಚಿವರ ಗುಂಪೊಂದು ಒಂದೆರಡು ದಿನಗಳಲ್ಲಿ ವರದಿ ಸಲ್ಲಿಸುವ ನಿರೀಕ್ಷೆಯಿದೆ. (ಸಾಂಕೇತಿಕ ಚಿತ್ರ)

ಮೊದಲಿಗೆ ಬೆಟ್ಟಿಂಗ್ ಮತ್ತು ಗೇಮಿಂಗ್ ಮೇಲೆ ತೆರಿಗೆ ವಿಧಿಸಲು ನಿರ್ಧರಿಸಲಾಗಿದೆ ಎಂದು ವರದಿಯಾಗಿದೆ. ಈ ಬೃಹತ್ ಉದ್ಯಮವು ಹೆಚ್ಚಿನ ತೆರಿಗೆಗಳಿಗೆ ಒಳಪಟ್ಟರೆ ಉದ್ಯಮದ ಮೇಲೆ ಹಾನಿಕಾರಕ ಪರಿಣಾಮವನ್ನು ಬೀರುತ್ತದೆ ಎಂದು ಎಂದು ಉದ್ಯಮ ವಲಯದಲ್ಲಿ ಮಾತುಕತೆಯಿದೆ. (ಸಾಂಕೇತಿಕ ಚಿತ್ರ)

ಈ ಉದ್ಯಮದಲ್ಲಿ 400 ಕ್ಕೂ ಹೆಚ್ಚು ಕಂಪನಿಗಳಿವೆ. ಇದು 45,000 ಕ್ಕೂ ಹೆಚ್ಚು ಉದ್ಯೋಗಿಗಳನ್ನು ಹೊಂದಿದೆ. ಆನ್ಲೈನ್ ಸ್ಕಿಲ್ಸ್ ಬೇಸ್ಡ್ ಗೇಮಿಂಗ್ ಪ್ಲಾಟ್ಫಾರ್ಮ್ ಅಸೋಸಿಯೇಷನ್ ಈಗಾಗಲೇ ತಮ್ಮ ಮನವಿಯನ್ನು ಜಿಎಸ್ಟಿ ಅಧಿಕಾರಿಗಳಿಗೆ ಒಟ್ಟಿಗೆ ತಿಳಿಸಿದೆ. ಕ್ರೀಡೆಗಳು, ಫ್ಯಾಂಟಸಿ ಆಟಗಳು, ರಮ್ಮಿ, ಪೋಕರ್, ಚೆಸ್​ನಂತಹ ಆನ್​ಲೈನ್ ಕೌಶಲ್ಯ ಆಧಾರಿತ ಆಟಗಳನ್ನು ಒಳಗೊಂಡಿದೆ. (ಸಾಂಕೇತಿಕ ಚಿತ್ರ)

ಆನ್ಲೈನ್ ಕೌಶಲ್ಯ ಆಧಾರಿತ ಆಟಗಳು ಉಚಿತವಾಗಿ ಭಾಗವಹಿಸಲು ಅವಕಾಶ ನೀಡುತ್ತವೆಯಾದರೂ ಪ್ಲಾಟ್​ಫಾರ್ಮ್​ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ. (ಸಾಂಕೇತಿಕ ಚಿತ್ರ)

ಜಿಎಸ್​ಟಿ ಕೌನ್ಸಿಲ್​ನ ಮುಂದಿನ ಸಭೆಯಲ್ಲಿ ಈ ಬಗ್ಗೆ ನಿರ್ಧಾರ ಕೈಗೊಳ್ಳುವ ಸಾಧ್ಯತೆ ಇದೆ. (ಸಾಂಕೇತಿಕ ಚಿತ್ರ)

28 ಪರ್ಸೆಂಟ್ GST ಯಲ್ಲಿ ಈಗಾಗಲೇ ಅನೇಕ ಸರಕುಗಳಿವೆ. ಹೆಚ್ಚಿನ ಜಿಎಸ್ಟಿ ಸ್ಲ್ಯಾಬ್ಗೆ ಪಾನ್ ಮಸಾಲಾ, ಕೆಫೀನ್ ಪಾನೀಯಗಳು, ಕಾರ್ಬೊನೇಟೆಡ್ ಪಾನೀಯಗಳು, ತಂಬಾಕು, ಸಿಗರೇಟ್, ತಂಬಾಕು ಉತ್ಪನ್ನಗಳು, ಟೈರ್, ಎಸಿಗಳು ಜಿಎಸ್ಟಿ ಸ್ಲ್ಯಾಬ್​ನ 28 ಪ್ರತಿಶತದ ಅಡಿ ಬರುತ್ತವೆ. (ಸಾಂಕೇತಿಕ ಚಿತ್ರ)

ಅಷ್ಟೇ ಅಲ್ಲ ಕ್ರಿಪ್ಟೋಕರೆನ್ಸಿ ಮತ್ತು ಬಿಟ್​ಕಾಯಿನ್​ಗಳಂತಹ ವರ್ಚುವಲ್ ಆಸ್ತಿಗಳನ್ನು ಸಹ  28 ಶೇಕಡಾ 20ರ  GST ಅಡಿಯಲ್ಲಿ ತರಲಾಗುವುದು ಎಂದು ವರದಿಗಳಿವೆ.

ಮತ್ತೊಂದೆಡೆ ಜಿಎಸ್​ಟಿ ಸ್ಲ್ಯಾಬ್ಗಳನ್ನು ಬದಲಾಯಿಸಲು ಜಿಎಸ್​ಟಿ ಕೌನ್ಸಿಲ್ ಯೋಜಿಸುತ್ತಿದೆ ಎಂಬ ಮಾತು ಕೇಳಿಬರುತ್ತಿದೆ. ಹೊಸ ಸ್ಲ್ಯಾಬ್​ಗಳು ಜಾರಿಗೆ ಬರುವ ಸಾಧ್ಯತೆ ಇದೆ. (ಸಾಂಕೇತಿಕ ಚಿತ್ರ)