Ola Scooter: ಈ ಎಲೆಕ್ಟ್ರಿಕ್​ ಸ್ಕೂಟರ್ ಖರೀದಿಸಿದ್ರೆ ಕಂಪನಿಯೇ 19 ಸಾವಿರ ನೀಡುತ್ತೆ!

Scooter: ಎಲೆಕ್ಟ್ರಿಕ್ ಸ್ಕೂಟರ್ ಖರೀದಿಸಿದವರಿಗೆ ಇದು ಒಳ್ಳೆಯ ಸುದ್ದಿ. ಯಾಕಂದ್ರೆ ನೀವು ಈ ಕಂಪನಿಯ ಎಲೆಕ್ಟ್ರಿಕ್​ ಸ್ಕೂಟರ್​ ಖರೀದಿಸಿದ್ರೆ ಹಣವನ್ನು ನಿಮಗೇ ವಾಪಸ್​ ನೀಡುತ್ತೆ. ಯಾವ ಕಂಪನಿಯು ಹಣವನ್ನು ಹಿಂದಿರುಗಿಸುತ್ತದೆ ಅಂತ ಇಲ್ಲಿದೆ ಕಂಪ್ಲೀಟ್​ ಮಾಹಿತಿ.

ನೀವು ಓಲಾ ಎಲೆಕ್ಟ್ರಿಕ್ ಸ್ಕೂಟರ್ ಖರೀದಿಸಿದ್ದರೆ, ಕಂಪನಿಯು ನಿಮಗೆ ರೂ. 9 ಸಾವಿರದಿಂದ ರಾನು. 19 ಸಾವಿರದವರೆಗೆ ಹಣ ವಾಪಸ್​ ನೀಡುತ್ತೆ.ಕಂಪನಿಯು ಈ ಮೊತ್ತವನ್ನು ಚಾರ್ಜರ್‌ಗಾಗಿ ಮರುಪಾವತಿ ಮಾಡುತ್ತಿದೆ. ಹಾಗಾಗಿ ನೀವು ಸಹ ಓಲಾ ಸ್ಕೂಟರ್ ಖರೀದಿಸಿದರೆ ಈ ಲಾಭವನ್ನು ಪಡೆಯಬಹುದು.

ಎಲೆಕ್ಟ್ರಿಕ್ ಸ್ಕೂಟರ್‌ಗಾಗಿ ಚಾರ್ಜರ್ ಖರೀದಿಸಲು, ಯಾರಾದರೂ ರೂ. 9 ಸಾವಿರದಿಂದ ರೂ. 19,000 ವರೆಗೆ ಪಾವತಿಸಿದವರು ತಮ್ಮ ಹಣವನ್ನು ಮರಳಿ ಪಡೆಯುತ್ತಾರೆ ಎಂದು ಕಂಪನಿ ಹೇಳಿಕೊಂಡಿದೆ. ಹೆವಿ ಬ್ಯಾಟರಿಗಳ ಸಚಿವಾಲಯದ ಪ್ರಕಟಣೆಯ ನಂತರ ಓಲಾ ಈ ನಿರ್ಧಾರವನ್ನು ತೆಗೆದುಕೊಂಡಿದೆ.

ಓಲಾ ಎಲೆಕ್ಟ್ರಿಕ್ ಗ್ರಾಹಕರಿಂದ ಸಂಗ್ರಹಿಸಿದ ಚಾರ್ಜರ್ ಹಣವನ್ನು ಮರುಪಾವತಿ ಮಾಡಿದ ನಂತರವೇ ಓಲಾ ಎಲೆಕ್ಟ್ರಿಕ್ ಕಂಪನಿಯು ಸಬ್ಸಿಡಿ ಹಣವನ್ನು ಸಂಪೂರ್ಣವಾಗಿ ಪಡೆಯುತ್ತದೆ ಎಂದು ಸರ್ಕಾರ ಬಹಿರಂಗಪಡಿಸಿದೆ. ಈ ಕ್ರಮದಲ್ಲಿ ಇದೀಗ ಓಲಾ ಗ್ರಾಹಕರಿಗೆ ಹಣ ವಾಪಸ್ ನೀಡುವುದಾಗಿ ಬಹಿರಂಗಪಡಿಸಿದೆ.

ಇಲ್ಲಿಯವರೆಗೆ, ಓಲಾ ಕಂಪನಿಯು ಆಡ್ ಆನ್ ಸೇವೆಯ ಅಡಿಯಲ್ಲಿ ಗ್ರಾಹಕರಿಗೆ ಚಾರ್ಜರ್ ಅನ್ನು ಮಾರಾಟ ಮಾಡುತ್ತಿತ್ತು. ಚಾರ್ಜರ್‌ನ ಬೆಲೆಯನ್ನು ಎಲೆಕ್ಟ್ರಿಕ್ ಸ್ಕೂಟರ್‌ನ ಬೆಲೆಯಲ್ಲಿ ಸೇರಿಸಲಾಗಿರಲಿಲ್ಲ.

ಆದರೆ, ಈ ವಿಚಾರಕ್ಕೆ ಕೇಂದ್ರ ಆಕ್ಷೇಪ ವ್ಯಕ್ತಪಡಿಸಿದೆ. ಚಾರ್ಜರ್ ಅನ್ನು ಪ್ರತ್ಯೇಕವಾಗಿ ಮಾರಾಟ ಮಾಡಿದರೆ ಹೆಚ್ಚಿನ ಸಬ್ಸಿಡಿ ಸಿಗುವುದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಚಾರ್ಜರ್ ಅನ್ನು ಪ್ರತ್ಯೇಕವಾಗಿ ಖರೀದಿಸಿದ ಗ್ರಾಹಕರಿಗೆ ಮರುಪಾವತಿ ಮಾಡಬೇಕು ಎಂದು ಸರ್ಕಾರ ಸೂಚಿಸಿದೆ.

ಚಾರ್ಜರ್ ಅನ್ನು ಪ್ರತ್ಯೇಕವಾಗಿ ಮಾರಾಟ ಮಾಡಿದರೆ ಸಬ್ಸಿಡಿ ಹಣಕ್ಕೂ ಕತ್ತರಿ ಬೀಳಲಿದೆ ಎಂದು ಸರ್ಕಾರ ಸ್ಪಷ್ಟಪಡಿಸಿದೆ. ಓಲಾ ಕಂಪನಿಯು ಈಗ ಪ್ರತ್ಯೇಕವಾಗಿ ಚಾರ್ಜರ್ ಖರೀದಿಸಿದ ಗ್ರಾಹಕರಿಗೆ ಮರುಪಾವತಿ ಮಾಡುತ್ತದೆ.

ಹಣವನ್ನು ಹಿಂದಿರುಗಿಸಿದ ನಂತರವೇ ಓಲಾ ಎಲೆಕ್ಟ್ರಿಕ್ ಕಂಪನಿಯ ಗ್ರಾಹಕರಿಗೆ ಉಳಿದ ಸಬ್ಸಿಡಿ ಹಣವನ್ನು ಪಾವತಿಸಲಾಗುವುದು ಎಂದು ಸರ್ಕಾರ ಸ್ಪಷ್ಟಪಡಿಸಿದೆ. ಆದ್ದರಿಂದ ಓಲಾ ಸ್ಕೂಟರ್ ಖರೀದಿಸಿದವರಿಗೆ ರೂ. 9 ಸಾವಿರದಿಂದ 19 ಸಾವಿರ ರೂ.ವರೆಗೆ ದೊರೆಯಲಿದೆ.