PM Kisan: ರೈತರಿಗೆ ಹಣ ಕೊಟ್ಟು ಜೊತೆಗೆ ಶಾಕ್​ ಕೊಟ್ಟ ಸರ್ಕಾರ! ಸಾವಿರಾರು ಅನ್ನದಾತರಿಗೆ ನೋಟಿಸ್​​​

31 ಮೇ 2022 ರಂದು ಪ್ರಧಾನಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಯಡಿ ಪ್ರಧಾನಿ ನರೇಂದ್ರ ಮೋದಿ ಅವರು 10 ಕೋಟಿ ರೈತರ ಖಾತೆಗಳಿಗೆ 2000 ಕೋಟಿ ರೂಪಾಯಿ ಆರ್ಥಿಕ ನೆರವನ್ನು ವರ್ಗಾಯಿಸಿದ್ದಾರೆ. ಈ ಯೋಜನೆಯಡಿ ಇದು 11 ನೇ ಕಂತು. ಇದೇ ವೇಳೆ ಸರ್ಕಾರ ಹಲವು ರೈತರಿಗೆ ವಸೂಲಾತಿ ನೋಟಿಸ್ ಜಾರಿ ಮಾಡಿದೆ.

ಅನರ್ಹರಾಗಿದ್ದರೂ ಯೋಜನೆಯ ಲಾಭ ಪಡೆಯುತ್ತಿರುವ ಉತ್ತರ ಪ್ರದೇಶದ ರೈತರಿಗೆ ನೋಟಿಸ್‌ಗಳನ್ನು ನೀಡಲಾಗಿದೆ. ಈಗ ಅವರು ಈ ಹಣವನ್ನು ಹಿಂದಿರುಗಿಸಬೇಕು. ವರದಿಗಳ ಪ್ರಕಾರ, ನೋಟಿಸ್ ನೀಡಿದವರನ್ನು ಆದಾಯ ತೆರಿಗೆ ಪಾವತಿದಾರರು ಎಂದು ಗುರುತಿಸಲಾಗಿದೆ.

ಸುಲ್ತಾನ್‌ಪುರ ಜಿಲ್ಲೆಯ ರೈತನಿಗೆ ನೀಡಲಾದ ನೋಟಿಸ್‌ನಲ್ಲಿ ಆತನನ್ನು ಆದಾಯ ತೆರಿಗೆ ಪಾವತಿದಾರ ಎಂದು ಗುರುತಿಸಲಾಗಿದೆ.ಮತ್ತು ಯೋಜನೆಯಡಿ ಅನರ್ಹ ಎಂದು ಗುರುತಿಸಲಾಗಿದೆ. ನೋಟಿಸ್ ಸ್ವೀಕರಿಸಿದ ನಂತರ ಯೋಜನೆಯಡಿ ಪಡೆದ ಸಂಪೂರ್ಣ ಮೊತ್ತವನ್ನು ಮರುಪಾವತಿಸಬೇಕಾಗುತ್ತದೆ ಎಂದು ನೋಟಿಸ್‌ನಲ್ಲಿ ತಿಳಿಸಲಾಗಿದೆ. ಇದನ್ನು ಉತ್ತರ ಪ್ರದೇಶದ ಕೃಷಿ ನಿರ್ದೇಶಕ ವಿವೇಕ್ ಸಿಂಗ್ ಖಚಿತಪಡಿಸಿದ್ದಾರೆ.(

ಪಿಎಂ ಕಿಸಾನ್ ಯೋಜನೆಯಿಂದ ಲಾಭ ಪಡೆಯುವ ತೆರಿಗೆದಾರರು ಹಣವನ್ನು ಹಿಂದಿರುಗಿಸುವಂತೆ ಕೇಳಲಾಗಿದೆ ಎಂದು ಅವರು ಹೇಳಿದರು. ಈ ಪಟ್ಟಿಯು 2019 ರ ಆದಾಯ ತೆರಿಗೆ ಘೋಷಣೆಯಲ್ಲಿ ಒದಗಿಸಲಾದ ಮಾಹಿತಿಯನ್ನು ಆಧರಿಸಿದೆ.

ವರದಿಗಳ ಪ್ರಕಾರ, ಉತ್ತರ ಪ್ರದೇಶದ ಕುಶಿನಗರ ಜಿಲ್ಲೆಯಲ್ಲಿ 2,800 ರೈತರಿಗೆ ನೋಟಿಸ್ ನೀಡಲಾಗಿದೆ. ಕೇಂದ್ರ ಸರ್ಕಾರದ ಗಮನಕ್ಕೂ ತರಲಾಗಿದೆ.

ಮೊದಲ ಕಂತು ಕಳೆದ ಏಪ್ರಿಲ್​ - ಜುಲೈ ನಡುವೆ ವರ್ಗಾವಣೆ ಆಗಿದೆ. ಎರಡನೇ ಕಂತು ಆಗಸ್ಟ್​-ನವೆಂಬರ್​ನಲ್ಲಿ ವರ್ಗಾವಣೆ ಆಗಿತ್ತು. ಮೂರನೇ ಕಂತು ಡಿಸೆಂಬರ್​-ಮಾರ್ಚ್​ ನಡುವೆ ಜಮೆ ಆಗಿತ್ತು. ಇಲ್ಲಿಯರೆಗೂ ರೈತರ ಖಾತೆಗೆ 11 ಕಂತು ವರ್ಗಾವಣೆ ಆಗಿದೆ.