Women Investment: ಹೆಚ್ಚಿನ ಹೆಣ್ಮಕ್ಳು ಇಲ್ಲೇ ಹೂಡಿಕೆ ಮಾಡೋದಂತೆ, ಎಲ್ಲಿ ಅಂತ ಗೆಸ್ಸ್​​ ಮಾಡಿ ನೋಡೋಣ!

ಈಗ ಪುರುಷರಷ್ಟೇ ಅಲ್ಲ ಮಹಿಳೆಯರೂ ಹೂಡಿಕೆಯತ್ತ ಗಮನ ಹರಿಸುತ್ತಿದ್ದಾರೆ. ಯಾವ ಕ್ಷೇತದಲ್ಲಿ ಮಹಿಳೆಯರು ಇಲ್ಲ ನೀವೇ ಹೇಳಿ. ಸಮೀಕ್ಷೆಯ ಪ್ರಕಾರ, 65 ಪ್ರತಿಶತ ಮಹಿಳೆಯರು ಚಿನ್ನ ಮತ್ತು ಎಫ್‌ಡಿ ಅಂದರೆ ಸ್ಥಿರ ಠೇವಣಿಗಳಲ್ಲಿ ಹೂಡಿಕೆ ಮಾಡೋದಿಲ್ವಂತೆ.

ಹಾಗಿದ್ದರೆ ನೀವು ಕೇಳಬಹುದು, ಇದಕ್ಕಿಂತ ಹೆಚ್ಚಿನ ಬಡ್ಡಿ ಇನ್ನೇಲಿ ಸಿಗುತ್ತೆ? ಇನ್ನೇಲಿ ಮಹಿಳೆಯರು ಹೆಚ್ಚಾಗಿ ಹೂಡಿಕೆ ಮಾಡ್ತಾರೆ ಅಂತ. ಅದಕ್ಕೆ ಉತ್ತರ ರಿಯಲ್​ ಎಸ್ಟೇಟ್​ ಕ್ಷೇತ್ರ.

ಹೌದು ಹೆಚ್ಚಿನ ಮಹಿಳೆಯರು ರಿಯಲ್ ಎಸ್ಟೇಟ್ ಕ್ಷೇತ್ರದಲ್ಲಿ ಹೂಡಿಕೆ ಮಾಡುತ್ತಾರೆ. ರಿಯಲ್ ಎಸ್ಟೇಟ್ ಸಲಹೆಗಾರ ಅನರಾಕ್ ಸಮೀಕ್ಷೆಯನ್ನು ನಡೆಸಿದ್ದು, ಅದರಲ್ಲಿ ಈ ಮಾಹಿತಿ ನೀಡಲಾಗಿದೆ.

ಇದಾದ ನಂತರ ಶೇಕಡ 20ರಷ್ಟು ಮಹಿಳೆಯರು ಷೇರುಗಳಲ್ಲಿ ಹೂಡಿಕೆ ಮಾಡುತ್ತಾರೆ.ಶೇಕಡ 8ರಷ್ಟು ಮಹಿಳೆಯರು ಚಿನ್ನದ ಮೇಲೆ ಹೂಡಿಕೆ ಮಾಡುತ್ತಾರೆ. 5500 ಜನರ ಮೇಲೆ ಈ ಸಮೀಕ್ಷೆ ಮಾಡಲಾಗಿದೆ

ಈ ಪೈಕಿ ಕನಿಷ್ಠ 65 ಪ್ರತಿಶತ ಮಹಿಳೆಯರು ರಿಯಲ್ ಎಸ್ಟೇಟ್ ಕ್ಷೇತ್ರದಲ್ಲಿ ಹೂಡಿಕೆ ಮಾಡಲು ನಿರ್ಧರಿಸಿದ್ದಾರೆ. ಇದರ ನಂತರ, 20 ಪ್ರತಿಶತ ಮಹಿಳೆಯರು, ಷೇರುಗಳಲ್ಲಿ ಹೂಡಿಕೆ ಮಾಡಲು ಆಸಕ್ತಿ ಹೊಂದಿದ್ದರು.

8 ಪ್ರತಿಶತ ಮಹಿಳೆಯರು ಚಿನ್ನವನ್ನು ನಂಬುತ್ತಾರೆ . 7 ಪ್ರತಿಶತ ಮಹಿಳೆಯರು ಎಫ್‌ಡಿಗಳನ್ನು ಅಂದರೆ ಸ್ಥಿರ ಠೇವಣಿಗಳನ್ನು ನಂಬುತ್ತಾರೆ ಎಂದು ವರದಿ ಹೇಳುತ್ತದೆ. ಕೋಟಿಗಿಂತ ಹೆಚ್ಚಿನ ಮನೆ ಖರೀದಿಸಲು ಆದ್ಯತೆ ನೀಡುತ್ತಾರೆ.

ರಿಯಲ್ ಎಸ್ಟೇಟ್ ವಲಯದಲ್ಲಿ ಮಹಿಳೆಯರ ಆಸಕ್ತಿ ಹೆಚ್ಚುತ್ತಿದೆ. ಕಳೆದ ದಶಕದಲ್ಲಿ ರಿಯಲ್ ಎಸ್ಟೇಟ್ ಖರೀದಿದಾರರ ವಿಭಾಗದಲ್ಲಿ ಮಹಿಳೆಯರ ಪಾಲು ಹೆಚ್ಚಿದೆ ಎನ್ನುತ್ತಾರೆ ಅನರಾಕ್ ಗ್ರೂಪ್ ನ ಉಪಾಧ್ಯಕ್ಷ ಸಂತೋಷ್ ಕುಮಾರ್.

ನಗರ ಪ್ರದೇಶದ ಮಹಿಳೆಯರು ಈಗ ವಿಶೇಷವಾಗಿ ರಿಯಲ್ ಎಸ್ಟೇಟ್ ಬಗ್ಗೆ ಆಸಕ್ತಿ ಹೊಂದಿದ್ದಾರೆ. ಮಹಿಳೆಯರು ರಿಯಲ್ ಎಸ್ಟೇಟ್ ಕ್ಷೇತ್ರವನ್ನು ಹೂಡಿಕೆಯಾಗಿ ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ ಎಂದು ಅವರು ಹೇಳಿದ್ದಾರೆ.

ಮಹಿಳೆಯರನ್ನು ಮನೆ ಖರೀದಿದಾರರಾಗಲು ಪ್ರೋತ್ಸಾಹಿಸಲು ಸರ್ಕಾರವು ವಿವಿಧ ನೀತಿಗಳನ್ನು ಪ್ರಾರಂಭಿಸಿದೆ. ಪ್ರಧಾನ ಮಂತ್ರಿ ಆವಾಸ್ ವಿಕಾಸ್ ಯೋಜನೆ ಅಡಿಯಲ್ಲಿ, ಮಹಿಳೆಯರು ಸಹ-ಖರೀದಿದಾರರು ಅಥವಾ ಮಾಲೀಕರಾಗುವುದನ್ನು ಕಡ್ಡಾಯಗೊಳಿಸಲಾಗಿದೆ.

ಇದಲ್ಲದೇ ಮಹಿಳಾ ಮನೆ ಖರೀದಿದಾರರಿಗೆ ಮುದ್ರಾಂಕ ಶುಲ್ಕವೂ ಕಡಿಮೆ. ಮಹಿಳೆಯರಿಗೆ ಸ್ಟ್ಯಾಂಪ್ ಡ್ಯೂಟಿ ಕಡಿಮೆ ಇರುವ ಅನೇಕ ರಾಜ್ಯಗಳಿವೆ. ಇದಲ್ಲದೆ ಪುರುಷರಿಗಿಂತ ಕಡಿಮೆ ದರದಲ್ಲಿ ಮಹಿಳೆಯರಿಗೆ ಗೃಹ ಸಾಲ ನೀಡುವ ಹಲವು ಬ್ಯಾಂಕ್‌ಗಳಿವೆ.