Natural Farming: 1 ರೂಪಾಯಿನೂ ಖರ್ಚು ಮಾಡದೆ ನೈಸರ್ಗಿಕ ಕೃಷಿ ಮಾಡಿ, ಲಕ್ಷ ಲಕ್ಷ ಹಣ ಗಳಿಸಿ!

ಇತ್ತೀಚಿನ ದಿನಗಳಲ್ಲಿ ಕೃಷಿಯಲ್ಲಿ ಆದಾಯ ಪಡೆಯಲು ರೈತರು ಪ್ರಯೋಗ ಮಾಡುತ್ತಿದ್ದಾರೆ. ಇದರಲ್ಲಿ ರೈತರು ಸಾವಯವ ಕೃಷಿಯ ಮೂಲಕ ಸಾಕಷ್ಟು ಹಣವನ್ನು ಗಳಿಸುವ ಬಗ್ಗೆ ನೀವು ಆಗಾಗ್ಗೆ ಕೇಳಿದ್ದೀರಿ, ಆದರೆ ನಿಮಗೆ ನೈಸರ್ಗಿಕ ಕೃಷಿಯ ಬಗ್ಗೆ ಗೊತ್ತಿದ್ಯಾ? ಹೆಸರಿನಲ್ಲಿ ಎರಡೂ ಒಂದೇ ರೀತಿ ಕಂಡರೂ ಎರಡೂ ಒಂದಕ್ಕೊಂದು ಭಿನ್ನ. ಮುಖ್ಯ ವ್ಯತ್ಯಾಸವೆಂದರೆ ನೈಸರ್ಗಿಕ ಕೃಷಿ ಶೂನ್ಯ ಬಜೆಟ್ ಕೃಷಿ.

ನ್ಯಾಚುರಲ್ ಫಾರ್ಮಿಂಗ್ ಎಂಬ ಹೆಸರಿನಿಂದಲೇ ಈ ಬೇಸಾಯವನ್ನು ಸಂಪೂರ್ಣ ನೈಸರ್ಗಿಕ ವಿಧಾನದಲ್ಲಿ ಮಾಡಲಾಗುತ್ತಿದ್ದು, ರೈತನ ಸ್ವಂತ ದುಡಿಮೆಯ ಹೊರತು ಬಂಡವಾಳವಿಲ್ಲ ಎಂದು ತಿಳಿಯಬಹುದು. ಅದಕ್ಕಾಗಿಯೇ ಇದನ್ನು ಶೂನ್ಯ ಬಜೆಟ್ ಕೃಷಿ ಎಂದು ಕರೆಯಲಾಗುತ್ತದೆ. ಮಹಾರಾಷ್ಟ್ರದ ರೈತ ಮತ್ತು ಕೃಷಿ ವಿಜ್ಞಾನಿ ಸುಭಾಷ್ ಪಾಲೇಕರ್ ಇದನ್ನು ಪ್ರಾರಂಭಿಸಿದರು.

ನೈಸರ್ಗಿಕ ಕೃಷಿ ಹೇಗೆ ಕೆಲಸ ಮಾಡುತ್ತದೆ?: ರೈತರು ಈ ಕೃಷಿಯಲ್ಲಿ ಯಾವುದೇ ರೀತಿಯ ರಾಸಾಯನಿಕ ಅಥವಾ ಗೊಬ್ಬರವನ್ನು ಬಳಸಬೇಕಾಗಿಲ್ಲ. ಈ ಕೃಷಿಯಲ್ಲಿ ದೇಶಿ ಹಸು ಪ್ರಮುಖ ಪಾತ್ರ ವಹಿಸುತ್ತದೆ. ಈ ಬೇಸಾಯವು ದನದ ಸಗಣಿ ಮತ್ತು ಮೂತ್ರವನ್ನು ಅವಲಂಬಿಸಿದೆ. ಒಬ್ಬ ರೈತನ ಬಳಿ ಸ್ಥಳೀಯ ಹಸು ಮತ್ತು ಸ್ವಲ್ಪ ಜಮೀನು ಇದ್ದರೆ, ಅವನು ಒಂದು ರೂಪಾಯಿ ಖರ್ಚು ಮಾಡದೆ ಈ ಕೃಷಿ ಮಾಡಬಹುದು. ಈ ಕೃಷಿಯಲ್ಲಿ ಬಳಸುವ ಗೊಬ್ಬರವನ್ನು ಹಸುವಿನ ಸಗಣಿಯಿಂದ ತಯಾರಿಸಲಾಗುತ್ತದೆ, ಆದರೆ ಕೀಟಗಳಿಂದ ಬೆಳೆಗಳನ್ನು ರಕ್ಷಿಸಲು ಬಳಸುವ ಕೀಟನಾಶಕವನ್ನು ಗೋಮೂತ್ರ ಮತ್ತು ಕೆಲವು ಮರಗಳ ಎಲೆಗಳ ಮಿಶ್ರಣದಿಂದ ತಯಾರಿಸಲಾಗುತ್ತದೆ.

ನೈಸರ್ಗಿಕ ಕೃಷಿಯ ಮತ್ತೊಂದು ವೈಶಿಷ್ಟ್ಯವೆಂದರೆ, ಈ ಕೃಷಿಗಾಗಿ, ರೈತರು ಮಾರುಕಟ್ಟೆಯಿಂದ ಬೀಜಗಳನ್ನು ಖರೀದಿಸುವ ಅಗತ್ಯವಿಲ್ಲ. ಆದರೆ ಅವರು ತಮ್ಮ ಸ್ವಂತ ಬೀಜಗಳನ್ನು ಕೃಷಿಗೆ ಬಳಸುತ್ತಾರೆ. ಆದ್ದರಿಂದ ಈ ರೀತಿಯ ಯಾವುದೇ ವೆಚ್ಚವಿಲ್ಲ.

ಸಾವಯವ ಕೃಷಿಗಿಂತ ಇದು ಹೇಗೆ ಭಿನ್ನವಾಗಿದೆ?: ನೈಸರ್ಗಿಕ ಕೃಷಿಯಂತೆ ಸಾವಯವ ಕೃಷಿಯಲ್ಲಿ ಯಾವುದೇ ರಾಸಾಯನಿಕಗಳನ್ನು ಬಳಸುವುದಿಲ್ಲ. ಆದರೆ ಇದು ವರ್ಮಿಕಾಂಪೋಸ್ಟ್, ತರಕಾರಿಗಳಿಂದ ಮಾಡಿದ ಕಾಂಪೋಸ್ಟ್ ಇತ್ಯಾದಿಗಳನ್ನು ಬಳಸುತ್ತದೆ.

ಅಲ್ಲದೆ ಬೇವಿನ ಎಣ್ಣೆಯಂತಹ ಕೆಲವು ವಸ್ತುಗಳನ್ನು ಕೀಟನಾಶಕಗಳಾಗಿ ಬಳಸಲಾಗುತ್ತದೆ. ಆದರೆ, ಇವುಗಳಲ್ಲಿ ಹೆಚ್ಚಿನ ವಸ್ತುಗಳನ್ನು ರೈತರು ಮಾರುಕಟ್ಟೆಯಿಂದಲೇ ಖರೀದಿಸಬೇಕು. ಸಾವಯವ ಕೃಷಿಯ ಮುಖ್ಯ ಉದ್ದೇಶವೆಂದರೆ ಉತ್ಪಾದನೆಯನ್ನು ಹೆಚ್ಚಿಸುವುದು. ಆದರೆ ನೈಸರ್ಗಿಕ ಕೃಷಿಯು ಉತ್ಪಾದನೆಯನ್ನು ಹೆಚ್ಚಿಸಲು ಒತ್ತು ನೀಡುವುದಿಲ್ಲ.

ಭಾರತದಲ್ಲಿ ನೈಸರ್ಗಿಕ ಕೃಷಿಯನ್ನು ಜನಪ್ರಿಯಗೊಳಿಸಿದವರು ಸುಭಾಷ್ ಪಾಳೇಕರೆ. ಒಬ್ಬ ರೈತ ಹಾಗೂ ಕೃಷಿ ವಿಜ್ಞಾನಿ. 2016 ರಲ್ಲಿ, ಅವರ ಅಭೂತಪೂರ್ವ ಕೊಡುಗೆಗಾಗಿ ಅವರಿಗೆ ದೇಶದ ನಾಲ್ಕನೇ ಅತ್ಯುನ್ನತ ಗೌರವ ಪದ್ಮಶ್ರೀ ನೀಡಿ ಗೌರವಿಸಲಾಯಿತು. ಅವರು ಶೂನ್ಯ ಬಜೆಟ್ ಕೃಷಿಯ ಬಗ್ಗೆ ಸಾಕಷ್ಟು ಕೆಲಸ ಮಾಡಿದ್ದಾರೆ.

ಒಬ್ಬ ರೈತ ನೈಸರ್ಗಿಕ ಕೃಷಿಯನ್ನು ಅಳವಡಿಸಿಕೊಂಡರೆ, ಅವನ ಕೃಷಿ ವೆಚ್ಚ ಬಹುತೇಕ ಶೂನ್ಯವಾಗುತ್ತದೆ. ಇದಲ್ಲದೇ ಇದು ಬೆಳೆದ ಹಣ್ಣು ತರಕಾರಿಗಳು ರಾಸಾಯನಿಕ ಮುಕ್ತವಾಗಿರುವುದರಿಂದ ಅದರ ಬೆಲೆ ಹೆಚ್ಚಿರುತ್ತೆ.