New Rule: ಇನ್ಮುಂದೆ ಫೋನ್ನಲ್ಲಿ ನಂಬರ್ ಸೇವ್ ಮಾಡದಿದ್ದರೂ, ಸ್ಕ್ರೀನ್ ಮೇಲೆ ಹೆಸರು ಬರುತ್ತೆ! ಇದಕ್ಕೆ ಯಾವ ಆ್ಯಪ್ ಬೇಕಾಗಿಲ್ಲ
TRAI: ಟೆಲಿಕಾಂ ನಿಯಂತ್ರಕ ಟ್ರಾಯ್ ವಂಚನೆಯ ಕರೆಗಳನ್ನು ತಡೆಯುವಲ್ಲಿ ಸಹಾಯ ಮಾಡುವ ಕುರಿತು ಸಮಾಲೋಚನಾ ಪತ್ರವನ್ನು ಬಿಡುಗಡೆ ಮಾಡಿದೆ. ಈ ಹಂತದ ನಂತರ, ಸ್ಪ್ಯಾಮ್ ಮತ್ತು ವಂಚನೆಯ ಪ್ರಕರಣಗಳು ಕಡಿಮೆಯಾಗುತ್ತವೆ ಎಂದು TRAI ನಂಬುತ್ತದೆ.
ಪದೇ ಪದೇ ಕಿರುಕುಳ ನೀಡುವ ಸ್ಪ್ಯಾಮ್ ಫೋನ್ ಕರೆಗಳನ್ನು ತಡೆಯಲು TRAI ಉಪಕ್ರಮವನ್ನು ತೆಗೆದುಕೊಂಡಿದೆ. ಭಾರತೀಯ ಟೆಲಿಕಾಂ ನಿಯಂತ್ರಣ ಪ್ರಾಧಿಕಾರವು ಮೊಬೈಲ್‌ಗಳಲ್ಲಿ ಕರೆ ಮಾಡುವವರ ಹೆಸರಿನ ಪ್ರದರ್ಶನವನ್ನು ಪರಿಚಯಿಸುವ ಕುರಿತು ಸಾರ್ವಜನಿಕ ಸಮಾಲೋಚನೆಯನ್ನು ಪ್ರಾರಂಭಿಸಿದೆ. ಟೆಲಿಕಾಂ ನೆಟ್‌ವರ್ಕ್‌ನಲ್ಲಿ ಕಾಲರ್ ನೇಮ್ ಡಿಸ್‌ಪ್ಲೇ ಸಿಸ್ಟಮ್ (ಸಿಎನ್‌ಎಪಿ) ಅನುಷ್ಠಾನಕ್ಕೆ ಸಂಬಂಧಿಸಿದಂತೆ ಸಮಾಲೋಚನಾ ಪತ್ರವನ್ನು ಬಿಡುಗಡೆ ಮಾಡಿದೆ ಎಂದು ಟ್ರಾಯ್ ಮಂಗಳವಾರ ಹೇಳಿಕೆಯಲ್ಲಿ ತಿಳಿಸಿದೆ. (ಗ್ರಾಫಿಕ್ ಚಿತ್ರ)
ಈ ಕುರಿತು ಡಿಸೆಂಬರ್ 27 ರವರೆಗೆ ಸಂಬಂಧಪಟ್ಟ ಗುಂಪುಗಳಿಂದ ಅಭಿಪ್ರಾಯಗಳನ್ನು ಆಹ್ವಾನಿಸಲಾಗಿದೆ. ಆ ಸಲಹೆಗಳಿಗೆ ಜನವರಿ 10, 2023 ರೊಳಗೆ ಉತ್ತರಿಸಬಹುದು. ಇಲ್ಲಿಯವರೆಗೆ ಮೊಬೈಲ್ ಫೋನ್ ಬಳಕೆದಾರರು ಟ್ರೂಕಾಲರ್, ಭಾರತ್ ಕಾಲರ್ ಐಡಿ ಮತ್ತು ಆಂಟಿ-ಸ್ಪ್ಯಾಮ್‌ನಂತಹ ಮೊಬೈಲ್ ಅಪ್ಲಿಕೇಶನ್‌ಗಳ ಸಹಾಯದಿಂದ ಕರೆ ಮಾಡುವವರ ಗುರುತನ್ನು ತಿಳಿದುಕೊಳ್ಳಬಹುದು. ಆದರೆ ಈ ಅಪ್ಲಿಕೇಶನ್‌ಗಳಲ್ಲಿ ಕಾಣಿಸಿಕೊಳ್ಳುವ ಹೆಸರುಗಳು ಸಂಪೂರ್ಣವಾಗಿ ವಿಶ್ವಾಸಾರ್ಹ ಮೂಲಗಳನ್ನು ಆಧರಿಸಿಲ್ಲ.
