Bullet Train: ಸಮುದ್ರದೊಳಗೆ ರೈಲ್ವೆ ಸ್ಟೇಷನ್ ನಿರ್ಮಾಣ, ಇದು ಭಾರತದ ಮೊದಲ ಸಮುದ್ರ ಸುರಂಗ ಮಾರ್ಗ

ಮುಂಬೈ - ಅಹ್ಮದಾಬಾದ್ ಮಧ್ಯ ಹೈಸ್ಪೀಡ್ ರೈಲ್ ಕಾರಿಡಾರ್ ನಿರ್ಮಾಣ ಕಾರ್ಯ ನಡೆಯುತ್ತಿದೆ. ಇದರ ಭಾಗವಾಗಿರುವ ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್, ಥಾಣೆ, ವಿರಾರ್, ಬೋಯಿಸರ್​ಗಳಲ್ಲಿ ರೈಲ್ವೆ ಸ್ಟೇಷನ್​ಗಳ ವಿನ್ಯಾಸವನ್ನು ಮುಂಬೈನಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಬಹಿರಂಗಪಡಿಸಲಾಗಿದೆ. ಇದು ದೇಶದಲ್ಲೇ ಮೊದಲ ಬುಲೆಟ್ ರೈಲು ಯೋಜನೆ. ಇದನ್ನು ಮುಂಬೈ-ಅಹ್ಮದಾಬಾದ್ ಹೈ-ಸ್ಪೀಡ್ ರೈಲು ಕಾರಿಡಾರ್ (MAHSR) ಅಥವಾ ಮುಂಬೈ-ಅಹ್ಮದಾಬಾದ್ ಬುಲೆಟ್ ರೈಲು ಯೋಜನೆಗೆ ಕರೆಯಲಾಗುತ್ತಿದೆ. (ಚಿತ್ರ ಕೃಪೆ - Twitter - @TheMahaIndex)

ಬಾಂದ್ರಾ-ಕುರ್ಲಾ ಕಾಂಪ್ಲೆಕ್ಸ್ ಸ್ಟೇಷನ್ ವಿನ್ಯಾಸಕ್ಕೆ ಸಂಬಂಧಿಸಿದ ಕೆಲವು ಸ್ಲೈಡ್​ಗಳನ್ನು ಇದುವರೆಗೆ ಬಿಡುಗಡೆ ಮಾಡಲಾಗಿತ್ತು. ಈ ಬಾರಿ ಸಂಪೂರ್ಣ ಸ್ಲೈಡ್‌ಗಳ ಸೆಟ್ ಬಿಡುಗಡೆಯಾಗಿದೆ. ಕಾರಿಡಾರ್ ವ್ಯಾಪ್ತಿಯ ನಾಲ್ಕು ಸ್ಟೇಷನ್‌ಗಳ ವಿನ್ಯಾಸವನ್ನು ಮೋಡ, ಅರೇಬಿಯಾ ಸಮುದ್ರದ ಅಲೆಗಳಂತೆ ಮಾಡಲಾಗಿದೆ. ಆದ್ದರಿಂದ ಈ ನಿಲ್ದಾಣಗಳನ್ನು ನೋಡಿದರೆ ಮೇಘಗಳು, ಅಲೆಗಳು ನೆನಪಿಗೆ ಬರಲಿದೆ. (ಚಿತ್ರ ಕೃಪೆ - Twitter - @TheMahaIndex)

ಮುಂಬೈ-ಅಹ್ಮದಾಬಾದ್ ಬುಲೆಟ್ ರೈಲು ಯೋಜನೆಯಲ್ಲಿ ಬಾಂದ್ರಾ-ಕುರ್ಲಾ ಕಾಂಪ್ಲೆಕ್ಸ್ ಎಂಬ ರೈಲ್ವೆ ನಿಲ್ದಾಣವನ್ನು ಸಮುದ್ರಗರ್ಭದಲ್ಲಿ ನಿರ್ಮಿಸಲಾಗುತ್ತಿದೆ. ಭಾರತದಲ್ಲೇ ನಿರ್ಮಾಣವಾಗುವ ಮೊದಲ ಸಮುದ್ರದೊಳಗಿನ ರೈಲ್ವೇ ಸ್ಟೇಷನ್ ಇದಾಗಲಿದೆ. ವಿಶೇಷ ತಂತ್ರಜ್ಞಾನವನ್ನು ಬಳಸಿ ಇದನ್ನು ನಿರ್ಮಿಸಲಾಗುತ್ತಿದೆ. (ಚಿತ್ರ ಕೃಪೆ - ANI)

ನೆಲದ ಮಟ್ಟದಿಂದ ಸುಮಾರು 24 ಮೀಟರ್ ಆಳದಲ್ಲಿ ನಿರ್ಮಾಣವಾಗುತ್ತಿದೆ. ಇದು  ಪ್ಲಾಟ್‌ಫಾರಂ, ಕಾನ್‌ಕೋರ್ಸ್, ಸರ್ವೀಸ್​ ಫ್ಲೋರ್  ಹಂತಗಳನ್ನು ಹೊಂದಿರುತ್ತದೆ. ವಿಕ್ರೋಲಿಯಲ್ಲಿ ಈ ಸ್ಟೇಷನ್ ನಿರ್ಮಾಣ ಕಾರ್ಯಗಳು ನಡೆಯುತ್ತಿವೆ. (ಚಿತ್ರ ಕ್ರೆಡಿಟ್ - Twitter - @TheMahaIndex)

ಪ್ರಾಜೆಕ್ಟ್ ಮ್ಯಾನೇಜರ್ ಯುಪಿ ಸಿಂಗ್ ಈ ಬಗ್ಗೆ ಪ್ರತಿಕ್ರಿಯಿಸಿದ್ದು, " ನಾವು ಭೂಮಿಯ ಮಟ್ಟದಿಂದ  24 ಮೀಟರ್‌ ಕೆಳಗೆ 6 ಪ್ಲಾಟ್‌ಫಾರ್ಮ್‌ಗಳನ್ನು ನಿರ್ಮಿಸಲಿದ್ದೇವೆ. ಸ್ಟೇಷನ್‌ಗಳಲ್ಲಿ 3 ಹಂತಗಳು ಇವೆ. ಇವುಗಳಲ್ಲಿ ನಿಲ್ದಾಣದ ಸೌಲಭ್ಯ, ಪ್ರಯಾಣಿಕರ ಸೌಲಭ್ಯಗಳು ಇರಲಿವೆ " ಎಂದು ಹೇಳಿದ್ದಾರೆ (ಚಿತ್ರ ಕೃಪೆ - ANI)

ಈ ಸ್ಟೇಷನ್‌ನಲ್ಲಿ ಎರಡು ಪ್ರವೇಶದ್ವಾರ, ಎರಡು ನಿರ್ಗಮನದ ಪಾಯಿಂಟ್‌ಗಳಿವೆ, ಒಂದು ಹತ್ತಿರದ ಮೆಟ್ರೋಸ್ಟೇಶನ್ ಕಡೆಗೆ, ಮತ್ತೊಂದು MTNL ಕಟ್ಟಡದ ಕಡೆಗೆ ಇರುತ್ತದೆ. ಪ್ಲಾಟ್‌ಫಾಮ್​ಗಳಿಗೆ ಪ್ರಯಾಣಿಕರ ಹೋಗಿಬರುವುದಕ್ಕೆ ಸೌಲಭ್ಯಗಳಿಗೆ ಸೂಕ್ತವಾದ ಸ್ಥಳದ ವಿನ್ಯಾಸವನ್ನು ರಚಿಸಲಾಗಿದೆ. (ಚಿತ್ರ ಕೃಪೆ - Twitter - @TheMahaIndex)

ಬುಲೆಟ್ ರೈಲಿಗಾಗಿ ಮಹಾರಾಷ್ಟ್ರವು ಒಟ್ಟು ನಾಲ್ಕು ನಿಲ್ದಾಣಗಳನ್ನು ಇರಲಿವೆ. ಈ ನಾಲ್ಕು ನಿಲ್ದಾಣಗಳಲ್ಲಿ ಒಂದು ನಿಲ್ದಾಣ ಮುಂಬೈ ನಗರದಲ್ಲಿ ಇರಲಿದೆ. ಮುಂಬೈನಲ್ಲಿ ಬಾಂದ್ರಾ-ಕುರ್ಲಾ ಕಾಂಪ್ಲೆಕ್ಸ್‌ನಲ್ಲಿ ಉನ್ನತ ಮಟ್ಟದ ವ್ಯಾಪಾರ ಜಿಲ್ಲೆಯಾಗಿದೆ. ಮುಂಬೈನಲ್ಲಿನ ನಿಲ್ದಾಣದ ಜೊತೆಗೆ, ಮಹಾರಾಷ್ಟ್ರವು ವಿರಾರ್, ಥಾಣೆ ಮತ್ತು ಬೋಯಿಸರ್‌ಗಳಲ್ಲಿ ಮೂರು ನಿಲ್ದಾಣಗಳನ್ನು ಹೊಂದಿದೆ.