Multibagger Stock: ಒಂದು ಕಾಲದಲ್ಲಿ 1 ರೂಪಾಯಿ ಇದ್ದ ಶೇರಿನ ಬೆಲೆ ಈಗ ಲಕ್ಷ ; ಶೇರುದಾರರಿಗೆ 21 ಕೋಟಿ ಲಾಭ

ಶೇರುಪೇಟೆಯಲ್ಲಿ ಹೂಡಿಕೆ ಮಾಡುವವರು ತಾಳ್ಮೆ ಹೊಂದಿರಬೇಕು. ಇಲ್ಲಿ ಹೂಡಿಕೆ ಮಾಡಿದ ಕೂಡಲೇ ದೊಡ್ಡ ಮೊತ್ತದ ಲಾಭ ಸಿಗಲ್ಲ. ಇದಕ್ಕಾಗಿ ಕೆಲವು ವರ್ಷಗಳ ಕಾಲ ತಾಳ್ಮೆಯಿಂದ ಇರಬೇಕಾಗುತ್ತದೆ. ನಿಮ್ಮ ಹೂಡಿಕೆ ಸರಿಯಾಗಿದ್ದಲ್ಲಿ ನೀವು ಲಕ್ಷಾಧಿಪತಿ ಯಾಕೆ ಕೋಟ್ಯಧಿಪತಿ ಸಹ ಆಗಬಹುದು. (ಸಾಂದರ್ಭಿಕ ಚಿತ್ರ)

ಪ್ರಸ್ತುತ ಶೇರು ಮಾರುಕಟ್ಟೆಯ ಪರಿಸ್ಥಿತಿ ಚೆನ್ನಾಗಿಲ್ಲ. ಆದರೂ ಕೆಲವು ಶೇರುಗಳು ಹೂಡಿಕೆದಾರರಿಗೆ ಉತ್ತಮ ಆದಾಯ ನೀಡುತ್ತಿರುತ್ತವೆ. ಇಲ್ಲಿ ಅದೃಷ್ಟ ಚೆನ್ನಾಗಿದ್ರೆ ಹೂಡಿಕೆದಾರರ ಮೇಲೆ ಹಣದ ಸುರಿಮಳೆ ಆಗುತ್ತದೆ. ಕಳೆದ ಕೆಲ ವರ್ಷಗಳಲ್ಲಿ ಹೂಡಿಕೆದಾರರು ಶೇ.2 ಸಾವಿರರಷ್ಟು ಹೆಚ್ಚು ಆದಾಯ ಪಡೆದುಕೊಂಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಈ ಕಂಪನಿಯ ಹೆಸರು ಬಾಲಕೃಷ್ಣ ಇಂಡಸ್ಟ್ರೀಸ್ ಲಿಮಿಟೆಡ್ (Balkrishna Industries).ಇದು ಟೈರ್ ಉತ್ಪಾದನೆ ಮಾಡುತ್ತದೆ. ಬಾಲಕೃಷ್ಣ ಇಂಡಸ್ಟ್ರೀಸ್ ಮಾರುಕಟ್ಟೆಯಲ್ಲಿ ಉತ್ತಮ ಹಿಡಿತ ಹೊಂದಿದೆ. ಇದರಿಂದಲೇ 1 ರೂ.ಗಿದ್ದ ಶೇರುಗಳು 2,100 ರೂ.ವರೆಗೆ ತಲುಪಿವೆ. ಈ ಕಂಪನಿ ಒಂದು ವರ್ಷದಲ್ಲಿ ಗರಿಷ್ಠ 2724.40 ರೂ ಮತ್ತು ಕನಿಷ್ಠ 1681.95 ರೂ. ಮುಖಬೆಲೆಯನ್ನು ಹೊಂದಿತ್ತು. (ಸಾಂದರ್ಭಿಕ ಚಿತ್ರ)

ಜೂನ್ 7 2002 ರಂದು ಬಾಂಬೆ ಷೇರು ವಿನಿಮಯ ಕೇಂದ್ರಕ್ಕೆ ಬಂದ ಬಾಲಕೃಷ್ಣ ಇಂಡಸ್ಟ್ರೀಸ್ ಕಂಪನಿ ಶೇರುಗಳು ಜೂನ್ 24, 2022ರಂದು 2,131 ರೂ.ಗೆ ಕೊನೆಗೊಂಡಿವೆ. ಕಳೆದ 20 ವರ್ಷಗಳಲ್ಲಿ ಹೂಡಿಕೆದಾರರಿಗೆ ಶೇ.2,00,000ಕ್ಕಿಂತ ಹೆಚ್ಚಿನ ಲಾಭವನ್ನು ನೀಡಿದೆ. (ಸಾಂದರ್ಭಿಕ ಚಿತ್ರ)

ಈ ಕಂಪನಿಯಲ್ಲಿ ಒಬ್ಬ ಹೂಡಿಕೆದಾರ ಕನಿಷ್ಠ 10 ಸಾವಿರ ಹಣ ಹೂಡಿಕೆ ಮಾಡಿದ್ರೆ, ಅದರ ಇಂದಿನ ಮೌಲ್ಯ 21 ಕೋಟಿ ರೂ. ದಾಟಿರುತ್ತದೆ. (ಸಾಂದರ್ಭಿಕ ಚಿತ್ರ)

ಬಾಲಕೃಷ್ಣ ಇಂಡಸ್ಟ್ರೀಸ್ ಕಳೆದ ಹತ್ತು ವರ್ಷಗಳಲ್ಲಿ 17 ಪಟ್ಟು ಹೆಚ್ಚು ಹಣವನ್ನು ಗಳಿಸಿದೆ. 2012 ರಲ್ಲಿ ಹೂಡಿಕೆದಾರರು ರೂ. 1 ಲಕ್ಷ ಹೂಡಿಕೆ ಮಾಡಿ ಹೂಡಿಕೆ ಮುಂದುವರಿಸಿದ್ರೆ ಈ ಮೊತ್ತ 17.11 ಲಕ್ಷ ರೂ.ಗಳಷ್ಟು ಏರಿಕೆ ಆಗಿರುತ್ತದೆ. . ಕಳೆದ ಐದು ವರ್ಷಗಳಲ್ಲಿ ಬಾಲಕೃಷ್ಣ ಇಂಡಸ್ಟ್ರೀಸ್ ಶೇರುಗಳು ಸುಮಾರು 157 ಪ್ರತಿಶತದಷ್ಟು ಏರಿಕೆ ಕಂಡಿವೆ. (ಸಾಂದರ್ಭಿಕ ಚಿತ್ರ)

(Disclaimer: ಶೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡುವುದು ಅಪಾಯಕಾರಿ. ಮೇಲಿನ ಶೇರುಗಳು ಬ್ರೋಕರೇಜ್ ಹೌಸ್‌ಗಳ ಸಲಹೆಯನ್ನು ಆಧರಿಸಿವೆ. ಇವುಗಳಲ್ಲಿ ಯಾವುದಾದರೂ ಹೂಡಿಕೆ ಮಾಡಲು ನೀವು ಬಯಸಿದರೆ, ಮುಂಚಿತವಾಗಿ ಪ್ರಮಾಣೀಕೃತ ಹೂಡಿಕೆ ಸಲಹೆಗಾರರನ್ನು ಸಂಪರ್ಕಿಸಿ. ಯಾವುದೇ ಲಾಭ ಅಥವಾ ನಷ್ಟಕ್ಕೆ News18 ಜವಾಬ್ದಾರರಾಗಿಲ್ಲ.)