Campa: ಮತ್ತೆ ಮಾರುಕಟ್ಟೆ ಬರ್ತಿದೆ 50 ವರ್ಷದ ಹಳೆಯ ಕೂಲ್​ ಡ್ರಿಂಕ್ಸ್​​​, ಇದಕ್ಕೆಲ್ಲಾ ಕಾರಣ ರಿಲಯನ್ಸ್​!

ಸದಾ ಹೊಸತನವನ್ನು ಬಯಸುವ ರಿಲಯನ್ಸ್​ ಕಂಪನಿ ಇದೀಗ ಮತ್ತೊಂದು ಸಿಹಿ ಸುದ್ದಿ ನೀಡಿದೆ. ಈ ಸಮ್ಮರ್​ ಸೀಸನ್​ನಲ್ಲಿ ಹೊಸ ತಂಪು -ಪಾನೀಯವನ್ನು ಮಾರುಕಟ್ಟೆ ತರುತ್ತಿದೆ.

ಹಾಗಂತ ರಿಲಯನ್ಸ್​ ಹೊಸ ಕಂಪನಿಯ ಹೆಸರಿನ ಕೂಲ್​ ಡ್ರಿಂಕ್ಸ್​ ತರುತ್ತಿಲ್ಲ. ಬದಲಾಗಿ 50 ವರ್ಷ ಹಳೆಯದ್ದಾದ ಕ್ಯಾಂಪಾ ಕೂಲ್​ ಡ್ರಿಂಕ್ಸ್​ ಅನ್ನು ಮತ್ತೆ ಮಾರುಕಟ್ಟೆಗೆ ತರಲು ಎಲ್ಲ ಸಿದ್ದತೆಗಳು ನಡೆದಿದೆ.

ರಿಲಯನ್ಸ್ ಕನ್ಸ್ಯೂಮರ್ ಪ್ರಾಡಕ್ಟ್ಸ್ ಲಿಮಿಟೆಡ್ (RCPL), FMCG ಆರ್ಮ್ ಮತ್ತು ರಿಲಯನ್ಸ್ ರೀಟೇಲ್ ವೆಂಚರ್ಸ್ ಲಿಮಿಟೆಡ್ (RRVL) ನ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆ, ಹೊಸ-ಯುಗದ ಭಾರತಕ್ಕಾಗಿ ಐಕಾನಿಕ್ ಪಾನೀಯ ಬ್ರ್ಯಾಂಡ್ ಕ್ಯಾಂಪಾವನ್ನು ಪ್ರಾರಂಭಿಸುವುದಾಗಿ ಘೋಷಿಸಿದೆ.

ಈ ಕ್ಯಾಂಪಾ ಕೂಲ್​ ಡ್ರಿಂಕ್ಸ್​ನಲ್ಲಿ ಮೊದಲಿಗೆ ಕ್ಯಾಂಪಾ ಕೋಲಾ, ಕ್ಯಾಂಪಾ ಲೆಮನ್​ ಮತ್ತು ಕ್ಯಾಂಪಾ ಆರೆಂಜ್​ ಫ್ಲೇವರ್​ನಲ್ಲಿ ಮಾರುಕಟ್ಟೆಗೆ ಮರಳಿ ತರುತ್ತಿದೆ.

ಈ ಬ್ರ್ಯಾಂಡ್‌ನ ಬಿಡುಗಡೆಯು ಶ್ರೀಮಂತ ಪರಂಪರೆಯನ್ನು ಹೊಂದಿರುವ ಸ್ವದೇಶಿ ಭಾರತೀಯ ಬ್ರಾಂಡ್‌ಗಳನ್ನು ಉತ್ತೇಜಿಸುವ ಕಂಪನಿಯ ಕಾರ್ಯತಂತ್ರಕ್ಕೆ ಅನುಗುಣವಾಗಿದೆ.

ಕ್ಯಾಂಪಾ ಕಂಪನಿಯ ಕೂಲ್​ ಡ್ರಿಂಕ್ಸ್​ಗಳು ಈ ಹಿಂದಿನಿಂದಲೂ ಜನರ ಅಚ್ಚು ಮೆಚ್ಚಿನ ಜ್ಯೂಸ್ ಆಗಿತ್ತು ಎಂದರೆ ತಪ್ಪಾಗಲ್ಲ. ಇದರ ಟೇಸ್ಟ್​ ಹಾಗೂ ಸುವಾಸನೆಯಿಂದ ಭಾರತೀಯ ಗ್ರಾಹಕರೊಂದಿಗೆ ಆಳವಾದ ಸಂಪರ್ಕವನ್ನು ಹೊಂದಿದೆ.

ಬಿಡುಗಡೆಯ ಕುರಿತು ಮಾತನಾಡಿದ ಆರ್‌ಸಿಪಿಎಲ್ ವಕ್ತಾರರು, “ಕ್ಯಾಂಪಾವನ್ನು ತನ್ನ ಹೊಸ ಅವತಾರದಲ್ಲಿ ಪ್ರಸ್ತುತಪಡಿಸುವ ಮೂಲಕ, ಈ ನಿಜವಾದ ಸಾಂಪ್ರದಾಯಿಕ ಬ್ರ್ಯಾಂಡ್ ಅನ್ನು ಸ್ವೀಕರಿಸಲು ಮತ್ತು ಪಾನೀಯ ವಿಭಾಗದಲ್ಲಿ ಹೊಸ ಉತ್ಸಾಹವನ್ನು ಪ್ರಚೋದಿಸಲು ಪೀಳಿಗೆಯಾದ್ಯಂತ ಗ್ರಾಹಕರನ್ನು ಪ್ರೇರೇಪಿಸಲು ನಾವು ಭಾವಿಸುತ್ತೇವೆ" ಎಂದು ಹೇಳಿದರು

ಕ್ಯಾಂಪಾವನ್ನು ಮರಳಿ ತರಲು ನಾವು ನಿಜವಾಗಿಯೂ ಉತ್ಸುಕರಾಗಿದ್ದೇವೆ, ಇದು ನಮ್ಮ ವಿಸ್ತರಿಸುತ್ತಿರುವ FMCG ವ್ಯವಹಾರಕ್ಕೆ ಮತ್ತೊಂದು ದಿಟ್ಟ ಹೆಜ್ಜೆಯಾಗಿದೆ ಎಂದು ಆರ್‌ಸಿಪಿಎಲ್ ವಕ್ತಾರರು ಹೇಳಿದರು