Expensive Shoes: ಇದು ವಿಶ್ವದ ದುಬಾರಿ ಶೂ, ಈ ದುಡ್ಡಲ್ಲಿ ಚಿನ್ನದಲ್ಲೇ ಬೂಟ್​ ಮಾಡಿಸಬಹುದು ಗುರು!

ಜಗತ್ತಿನಲ್ಲಿ ಸಿಗುವ ಕಾಸ್ಟ್ಲಿ ವಸ್ತುಗಳ ಬಗ್ಗೆ ತಿಳಿದುಕೊಳ್ಳಲು ಜನರಿಗೆ ಹೆಚ್ಚಿನ ಇಂಟ್ರೆಸ್ಟ್​ ಇರುತ್ತೆ ಎಂದರೆ ತಪ್ಪಾಗಲ್ಲ. ನೀವು ಎಂದಾದರೂ ವಿಶ್ವದ ಅತ್ಯಂತ ದುಬಾರಿ ಶೂಗಳು ಯಾವುದು ಅಂತ ತಿಳಿದುಕೊಳ್ಳುವ ಪ್ರಯತ್ನ ಮಾಡಿದ್ದೀರಾ? ಹಾಗಿದ್ರೆ ಇಲ್ಲಿ ವಿಶ್ವದ ಅತ್ಯಂತ ದುಬಾರಿ ಶೂಗಳ ಬೆಲೆಗಳ ಬಗ್ಗೆ ಹೇಳಿದ್ದೇವೆ ನೋಡಿ. ಇದರ ಬೆಲೆ ಬಗ್ಗೆ ಕೇಳಿದ್ರೆ ನಿಜಕ್ಕೂ ನೀವೂ ಶಾಕ್​ ಆಗ್ತೀರಾ.

ಕೊಟ್ಯಂತರ ಬೆಲೆಯ ಶೂಗಳ ಬಗ್ಗೆ ನೀವು ಕೇಳಿದ್ದೀರಾ?ವಿಶ್ವದ ಅತ್ಯಂತ ದುಬಾರಿ ಶೂ 16 ಕೋಟಿ ರೂ.ಗೂ ಹೆಚ್ಚು ಬೆಲೆ ಬಾಳುತ್ತದೆ. ಘನ ಚಿನ್ನದ OVO x ಏರ್ ಜೋರ್ಡಾನ್ಸ್ ಶೂಗಳ ಬೆಲೆ $2 ಮಿಲಿಯನ್ (ಸುಮಾರು 16 ಕೋಟಿ ರೂ.).

ಇದು 2008ರ ಗ್ರ್ಯಾಮಿ ಪ್ರಶಸ್ತಿಗಳಲ್ಲಿ ಕಾನ್ಯೆ ವೆಸ್ಟ್ (USA) ಧರಿಸಿದ ನೈಕ್ ಏರ್ ಯೀಜಿ ಮಾದರಿ ಶೂಗಳು. ಈ ಜೋಡಿ ಶೂಗಳನ್ನು 2021ರ ಏಪ್ರಿಲ್ 26ರಂದು 1.8 ಮಿಲಿಯನ್ ಅಮೆರಿಕನ್ ಡಾಲರ್ (ಸುಮಾರು14.76 ಕೋಟಿ ರೂ.)ಗೆ ಮಾರಾಟ ಮಾಡಲಾಯಿತು.

ಮೈಕ್ ಜೋರ್ಡಾನ್ ಅವರ ಸ್ನೀಕರ್ಸ್ 1.47 ಮಿಲಿಯನ್ ಅಮೆರಿಕನ್ ಡಾಲರ್ (ಸುಮಾರು 12 ಕೋಟಿ)ಗೆ ಮಾರಾಟವಾಗಿದೆ. ಈ ಬೂಟುಗಳನ್ನು ಹರಾಜಿನ ಸಮಯದಲ್ಲಿ ಮಾರಾಟ ಮಾಡಲಾಗಿದೆ.

1985ರಲ್ಲಿ ಕ್ರೀಡಾ ಪ್ರದರ್ಶನದ ಸಂದರ್ಭದಲ್ಲಿ ಚಿಕಾಗೋ ಬುಲ್ಸ್ ತಾರೆ ಧರಿಸಿದ್ದ ಬೂಟುಗಳನ್ನು 'ಅಪರೂಪದಲ್ಲಿಯೇ ಅಪರೂಪ'ವೆಂದು ಹೆಸರಿಸಲಾಗಿದೆ. ಈ ಬೂಟುಗಳನ್ನು ಆಗಸ್ಟ್ 2020ರಲ್ಲಿ ಆನ್‌ಲೈನ್ ಹರಾಜಿನಲ್ಲಿ $615,000 (ಸುಮಾರು 5 ಕೋಟಿ ರೂ)ಗೆ ಮಾರಾಟ ಮಾಡಲಾಗಿದೆ.

ನೈಕ್ ಏರ್ ಜೋರ್ಡಾನ್ 1ನ್ನು 2020ರಲ್ಲಿ ನ್ಯೂಯಾರ್ಕ್‌ನಲ್ಲಿ ಸೋಥೆಬೈಸ್ ಹರಾಜಿನಲ್ಲಿ $0.5 ಮಿಲಿಯನ್‌ಗೆ ಮಾರಾಟ ಮಾಡಿತು. ಜೋರ್ಡಾನ್ ಸಹಿ ಮಾಡಿದ ಈ ಸ್ನೀಕರ್ಸ್ ಅನ್ನು 1985ರ ಆಟದಲ್ಲಿ ಧರಿಸಲಾಗಿತ್ತು.

ಮೈಕೆಲ್ ಜೋರ್ಡಾನ್ ಅವರ ಏರ್ ಜೋರ್ಡಾನ್ 11 'ಸ್ಪೇಸ್ ಜಾಮ್'ನ ಶೂ ಮಾದರಿಯನ್ನು ಸೋಥೆಬೈಸ್ ಜುಲೈ 2021ರಲ್ಲಿ $176,400ಗೆ ಹರಾಜಿನಲ್ಲಿ ಮಾರಾಟ ಮಾಡಿದೆ. 1996ರ ಚಲನಚಿತ್ರ ‘ಸ್ಪೇಸ್ ಜಾಮ್‌’ನಲ್ಲಿ ಮೈಕೆಲ್ ಜೋರ್ಡಾನ್ ಧರಿಸಲು ಈ ಸ್ನೀಕರ್‌ಗಳನ್ನು ತಯಾರಿಸಲಾಗಿತ್ತು.