ATM Withdrawal: ಬ್ಯಾಂಕ್​ ಅಕೌಂಟ್​ನಲ್ಲಿ ಹಣ ಕಟ್​ ಆಯ್ತು, ಆದ್ರೆ ATM ನಿಂದ ಬರಲಿಲ್ವಾ? ಹೀಗೆ​ ಮಾಡಿ ಸಾಕು

ನೀವು ಎಟಿಎಂಗೆ ಹೋದಾಗ, ಏನಾದರೂ ತೊಂದರೆಯಾದ್ರೆ ಏನ್​ ಮಾಡ್ಬೇಕು ಅಂತ ಗೊತ್ತಿದ್ಯಾ? ಹಣ ಎಟಿಎಮ್​ ಮಿಷನ್​ನಲ್ಲಿ ಸಿಕ್ಕಿಹಾಕಿಕೊಂಡರೇ ಗಾಬರಿಯಾಗಬೇಡಿ. ಹೀಗೆ ಮಾಡಿ ಸಾಕು. ನಿಮ್ಮ ಹಣ ನಿಮ್ಮ ಖಾತೆ ಸೇರುತ್ತೆ.

ಮೊದಲನೆಯದಾಗಿ, ನೀವು ಹಣವನ್ನು ಹಿಂಪಡೆಯಲು ಪ್ರಯತ್ನಿಸಿದ ಎಟಿಎಂನ ಸಂಖ್ಯೆ ಮತ್ತು ಸ್ಥಳವನ್ನು ನೋಟ್​ ಮಾಡಿಕೊಳ್ಳಿ.

ಇದರ ನಂತರ ಎಟಿಎಂ ಸುತ್ತಮುತ್ತ ಇರುವ ಬ್ಯಾಂಕ್ ಶಾಖೆಯನ್ನು ಸಂಪರ್ಕಿಸಿ. ಹಣ ಸಿಕ್ಕಿಹಾಕಿಕೊಂಡಿದ್ದರ ಬಗ್ಗೆ ಅಧಿಕೃತ ಅಧಿಕಾರಿಗೆ ವಿಷಯವನ್ನು ವರದಿ ಮಾಡಿ.

ಆರ್‌ಬಿಐ ನಿಯಮಗಳ ಪ್ರಕಾರ, ನಿಮ್ಮ ಖಾತೆಯಿಂದ ಹಣವನ್ನು ಕಡಿತಗೊಳಿಸಲಾಗಿದೆ, ಆದರೆ ಎಟಿಎಂನಿಂದ ಹಣ ಬಂದಿಲ್ಲ ಅಂದ್ರೆ, ನಿಮ್ಮ ಹತ್ತಿರದ ಬ್ಯಾಂಕ್ ಶಾಖೆಯನ್ನು ಸಂಪರ್ಕಿಸಿ.

ಸಾಧ್ಯವಾದರೆ ನಿಮ್ಮ ಬ್ಯಾಂಕಿನ ಗ್ರಾಹಕ ಸೇವಾ ಸಂಖ್ಯೆಗೆ ಕರೆ ಮಾಡುವ ಮೂಲಕ ನೀವು ಬ್ಯಾಂಕ್‌ಗೆ ತಿಳಿಸಬಹುದು. ಇದರ ನಂತರ, ಬ್ಯಾಂಕ್ ಒಂದು ವಾರದೊಳಗೆ ವಿಷಯವನ್ನು ಪ್ರಕ್ರಿಯೆಗೊಳಿಸುತ್ತದೆ. ಎಟಿಎಂನಲ್ಲಿ ಲಾಕ್​ ಹಾಕಿರುವ ಮೊತ್ತವನ್ನು ನಿಮ್ಮ ಖಾತೆಗೆ ಹಿಂತಿರುಗಿಸುತ್ತದೆ.

ಎಟಿಎಂನಿಂದ ಹಣವನ್ನು ಹಿಂಪಡೆಯುವಾಗ ನೀವು ಹಣವನ್ನು ಸ್ವೀಕರಿಸದಿದ್ದರೆ, ವಹಿವಾಟಿನ ರಸೀದಿಯನ್ನು ನಿಮ್ಮ ಬಳಿ ಇಟ್ಟುಕೊಳ್ಳಿ. ಇದನ್ನು ಎಟಿಎಂ ವಹಿವಾಟಿನ ಪುರಾವೆಯಾಗಿ ಪರಿಗಣಿಸಬಹುದು. ಇದಲ್ಲದೇ ಸಂದೇಶಗಳನ್ನೂ ಮೊಬೈಲ್ ನಲ್ಲಿ ಇಟ್ಟುಕೊಳ್ಳಬೇಕು. ಇದರ ಹೊರತಾಗಿ ನೀವು ಬ್ಯಾಂಕ್ ಸ್ಟೇಟ್‌ಮೆಂಟ್ ಅನ್ನು ಸಹ ತೋರಿಸಬಹುದು.

ನಿಯಮಗಳ ಪ್ರಕಾರ ಈ ಹಣವನ್ನು 7 ದಿನಗಳಲ್ಲಿ ನಿಮ್ಮ ಖಾತೆಗೆ ಜಮಾ ಮಾಡಬೇಕು. ಇಲ್ಲದಿದ್ದರೆ, ಬ್ಯಾಂಕ್ ನಿಮಗೆ ದಿನಕ್ಕೆ 100 ರೂ ಹೆಚ್ಚುವರಿ ದಂಡವನ್ನು ಪಾವತಿಸಬೇಕಾಗುತ್ತದೆ. ಹಾಗಾಗಿ 7 ದಿನಗಳಲ್ಲಿ ನಿಮ್ಮ ಖಾತೆಗೆ ಹಣ ಬಂದಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಸಹ ನೀವು ಪರಿಶೀಲಿಸಬೇಕು.