Mango Rate: ಒಂದು ಕೆಜಿ ಮಾವಿನ ಹಣ್ಣಿಗೆ 2.70 ಲಕ್ಷ! ಎಲ್ಲಿ ಸಿಗುತ್ತೆ ಈ ಮಾವು?

ಮಾವಿನ ಸೀಸನ್​ಗೆ ಇನ್ನೇನು ದಿನಗಣನೆ. ಮಾವಿನ ಕಾಯಿಗಳು ಬಲಿತು ಹಣ್ಣಾಗಲು ಸಜ್ಜಾಗುತ್ತಿವೆ. ಮರದ ಕೊಂಬೆಗಳು ಮಾವಿನ ಭಾರ ತಾಳದೇ ಬಾಗುತ್ತಿವೆ. ಪೇಟೆಗಳಲ್ಲಿ ಮಾವಿನ ಹಣ್ಣಿನ ಮಾರಾಟ ಶುರುವಾಗಿ ಆಗಲೇ ತಿಂಗಳು ಕಳೆದಿವೆ. ಒಂದು ಮಾವಿನ ಹಣ್ಣಿಗೆ 100-200ರು ಕೊಟ್ಟು ಮನೆಗೆ ತಂದು ಸವಿದವರೂ ಇದ್ದಾರೆ. ಇನ್ನೂ ಹೆಚ್ಚು ತುಟ್ಟಿಯ ಮಾವಿನ ರುಚಿ ಸವಿದವರೂ ಇರಬಹುದು. ಆದರೆ ಇಲ್ಲೊಂದು ಮಾವಿನ ಹಣ್ಣಿನ ಪ್ರತಿ ಕೆಜೆ ಬೆಲೆ 2.70 ಲಕ್ಷ ಇದೆ ಎಂದರೆ ನೀವು ನಂಬುತ್ತೀರಾ? ನಂಬಲೇಬೇಕು!

ಮಿಯಾಝಾಕಿ ಮಾವು ವಿಶ್ವದಲ್ಲೇ ಅತ್ಯಂತ ದುಬಾರಿಯಾಗಿದ್ದು, ಕಳೆದ ವರ್ಷ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಪ್ರತಿ ಕಿಲೋಗ್ರಾಂಗೆ ₹2.70 ಲಕ್ಷಕ್ಕೆ ಮಾರಾಟವಾಗಿದೆ.

70 ರ ದಶಕದ ಉತ್ತರಾರ್ಧದಲ್ಲಿ ಮತ್ತು 80 ರ ದಶಕದ ಆರಂಭದಲ್ಲಿ ಮಿಯಾಜಾಕಿಯಲ್ಲಿ ಮಾವಿನ ಹಣ್ಣುಗಳ ಉತ್ಪಾದನೆಯು ಪ್ರಾರಂಭವಾಯಿತು. ಜಪಾನ್ನ ಬೆಚ್ಚನೆಯ ವಾತಾವರಣ, ದೀರ್ಘಾವಧಿಯ ಸೂರ್ಯನ ಬೆಳಕು ಮತ್ತು ಹೇರಳವಾದ ಮಳೆಯ ಮಿಯಾಜಾಕಿ ತಳಿಯ ಮಾವನ್ನು ಬೆಳೆಯಲು ಅನುಕೂಲ ಕಲ್ಪಿಸಿತು. (ಪ್ರಾತಿನಿಧಿಕ ಚಿತ್ರ))

ಪ್ರತಿ ಮಾವು ಸುಮಾರು 350 ಗ್ರಾಂ ತೂಗುತ್ತದೆ. ಸುಂದರವಾದ ಕೆಂಪು ಬಣ್ಣವನ್ನು ಹೊಂದಿರುತ್ತದೆ. ಇದು ನೋಟದಲ್ಲಿ ಡೈನೋಸಾರ್ ಮೊಟ್ಟೆಯನ್ನು ಹೋಲುತ್ತದೆ.

ಮಿಯಾಝಾಕಿ ಮಾವು ಆಗ್ನೇಯ ಏಷ್ಯಾದಲ್ಲಿ ಬೆಳೆಯುವ ಹಳದಿ 'ಪೆಲಿಕನ್ ಮಾವು' ಗಿಂತ ಭಿನ್ನವಾಗಿರುವ ಇರ್ವಿನ್ ಮಾವಿನ ಒಂದು ವಿಧವಾಗಿದೆ. (ಪ್ರಾತಿನಿಧಿಕ ಚಿತ್ರ))

ಮಿಯಾಜಾಕಿ ಮಾವಿನ ಉರಿಯುತ್ತಿರುವ ಕೆಂಪು ಬಣ್ಣದಿಂದಾಗಿ, ಮಿಯಾಝಾಕಿಯನ್ನು ಡ್ರ್ಯಾಗನ್ ಮೊಟ್ಟೆ ಎಂದೂ ಕರೆಯುತ್ತಾರೆ. (ಪ್ರಾತಿನಿಧಿಕ ಚಿತ್ರ)

ಮಧ್ಯಪ್ರದೇಶದಲ್ಲಿ ಸಂಕಲ್ಪ್ ಪರಿಹಾರ್ ಮತ್ತು ರಾಣಿ ಎಂಬ ದಂಪತಿ ಜಬಲ್ಪುರದ ತಮ್ಮ ತೋಟದಲ್ಲಿ 2 ಮಿಯಾಜಾಕಿ ಮಾವಿನ ಮರಗಳನ್ನು ನೆಟ್ಟಿದ್ದಾರೆ ಎಂದು ಈಮುನ್ನ ವರದಿಯಾಗಿತ್ತು. ಅವರು 2020 ರಲ್ಲಿ ತಮ್ಮ ರೈಲು ಪ್ರಯಾಣದ ಸಮಯದಲ್ಲಿ ಚೆನ್ನೈಗೆ ಪ್ರಯಾಣಿಸುತ್ತಿದ್ದ ವ್ಯಕ್ತಿಯಿಂದ ಮಾವಿನ ಸಸಿಗಳನ್ನು ಪಡೆದಿದ್ದರು.

ಕಳ್ಳರು ಮಾವಿನ ಹಣ್ಣನ್ನು ಕದಿಯಲು ಪ್ರಯತ್ನಿಸಿದ್ದಕ್ಕಾಗಿ ಮಾವನ್ನು ರಕ್ಷಿಸಲು ದಂಪತಿ ಈ ಅಪರೂಪದ ತಳಿಯನ್ನು ರಕ್ಷಿಸಲು ತೋಟದಲ್ಲಿ 4 ಭದ್ರತಾ ಸಿಬ್ಬಂದಿ ಮತ್ತು ಆರು ನಾಯಿಗಳನ್ನು ಕಾವಲಿಗೆ ಇಟ್ಟಿದ್ದರು.

ಉದ್ಯಮಿಯೊಬ್ಬರು ರುಚಿಕರವಾದ ಮಿಯಾಝಾಕಿ ಮಾವಿನ ಹಣ್ಣಿಗೆ ಕೆಜಿಗೆ  21000 ರೂ ನೀಡಿದ್ದರು. ಆದರೆ ಅವರು ಮೊದಲ ಮಾವನ್ನು ದೇವರಿಗೆ ಅರ್ಪಿಸಲು ಉದ್ದೇಶಿಸಿದ್ದರಿಂದ ಉದ್ಯಮಿಗೆ ಮಿಯಾಜಾಕಿ ಮಾವನ್ನು ಮಾರಾಟ ಮಾಡಲು ನಿರಾಕರಿಸಿದ್ದರು. ಅಷ್ಟು ಮೌಲ್ಯ ಹೊಂದಿದೆ ಮಿಜಾಝಾಕಿ ಮಾವು!