Moving House: ಕೇವಲ 2,50,000ಕ್ಕೆ ಮನೆ ಕಟ್ಟಿ, ಎಲ್ಲಿ ಬೇಕಾದ್ರೂ ಎತ್ಕೊಂಡೋಗಿ!

ಇದು ಚಲಿಸುವ ಮನೆ ಕಣ್ರೀ! ಈ ಮನೆಯನ್ನ ನೀವು ಎಲ್ಲಿ ಬೇಕಾದ್ರೂ ಎತ್ಕೊಂಡು ಹೋಗಬಹುದು! ಹೌದು, ಇಂತಹ ವಿಶೇಷ ಮನೆಗಳು ಇದೀಗ ಭಾರೀ ಫೇಮಸ್ ಆಗ್ತಿವೆ.

ಇಲ್ಲಿಯವರೆಗೆ ಸಣ್ಣ ಅಂಗಡಿಗಳು ಮತ್ತು ರೆಡಿಮೇಡ್ ಕಚೇರಿಗಳಿಗೆ ಸೀಮಿತವಾಗಿದ್ದ ಇಂತಹ ಚಲಿಸುವ ಕಟ್ಟಡಗಳನ್ನು ಇದೀಗ ಮನೆಯನ್ನಾಗಿಯೂ ಬಳಸಲಾಗ್ತಿದೆ. ಆಂಧ್ರ ಪ್ರದೇಶದ ಗುಂಟೂರು ವಿಜಯವಾಡದಲ್ಲಿ ಈ ಜಂಗಮ ಮನೆಗಳನ್ನು ತಯಾರಿಸಲಾಗ್ತಿದೆ.

ಮಲಗುವ ಕೋಣೆ, ಅಡುಗೆ ಕೋಣೆ, ಶೌಚಾಲಯ ಮತ್ತು ಹಾಲ್ ಇರುವ ಈ ಮನೆಗಳು 200 ಅಡಿಯಿಂದ 360 ಚದರ ಅಡಿಯವರೆಗೂ ವಿಸ್ತೀರ್ಣ ಹೊಂದಿರುತ್ತವೆ. ಹೀಗಾಗಿ ಮನೆಯೊಳಗೆ ಜಾಗಕ್ಕೇನೂ ಕಡಿಮೆಯಾಗುವುದಿಲ್ಲ.

ಇಂತಹ ಚಲಿಸುವ ಮನೆಗಳನ್ನು ಸುಮಾರು 2.5 ರಿಂದ 4 ಲಕ್ಷದವರೆಗೂ ಮಾರಾಟ ಮಾಡಲಾಗುತ್ತೆ. ಈ ಮನೆಗಳ ಒಳಭಾಗವನ್ನು ಫ್ಲೈವುಡ್​ನಿಂದ ಮಾಡಲಾಗುತ್ತೆ. ಇದರಿಂದ ಮನೆಯೊಳಗೆ ಸೆಕೆ ಆಗೋದಿಲ್ಲ

ಅಲ್ಲದೇ,  ಈ ಮನೆಯ ಹೊರಗೆ ಎಷ್ಟೇ ಗಲಾಟೆಯಾದ್ರೂ ಈ ಮನೆಯೊಳಗೆ ಸೈಲೆಂಟ್ ಆಗಿರುತ್ತೆ. ನಿಮಗೆ ಮನೆಯ ಅವಶ್ಯಕತೆ ಇಲ್ಲದಿರುವಾಗ ಇದೇ ಕಂಪನಿಗೇ ಮರಳಿ ಮನೆಯನ್ನು ಮಾರಾಟ ಮಾಡಬಹುದಾಗಿದೆ.

ಸಾಮಾನ್ಯವಾಗಿ ಸಿಮೆಂಟ್, ಮರಳು, ಇಟ್ಟಿಗೆ ಮತ್ತು ಉಕ್ಕಿನಿಂದ ಮಾಡಿದ ಮನೆ ರಚನೆಗಳನ್ನು ಬೇರೆ ಪ್ರದೇಶಕ್ಕೆ ಸ್ಥಳಾಂತರಿಸಲಾಗುವುದಿಲ್ಲ. ಒಮ್ಮೆ ನಿರ್ಮಿಸಿದ ನಂತರ ಬದಲಾವಣೆಗಳನ್ನು ಮಾಡಲು ಸಾಕಷ್ಟು ಖರ್ಚಾಗುತ್ತೆ.

ಆದರೆ ಈ ಮನೆಗಳನ್ನು ಎಲ್ಲಿ ಬೇಕಾದರೂ ಸ್ಥಳಾಂತರಿಸಬಹುದು. ಮರು ಮಾರಾಟ ಮೌಲ್ಯವೂ ಇದೆ. ಸ್ವತಃ ಮನೆ ತಯಾರಿಸಿದ ಕಂಪನಿಯೇ ಈ ಮನೆಗಳನ್ನು ಖರೀದಿಯನ್ನೂ ಮಾಡುತ್ತೆ! ಈ ಕಾರಣಕ್ಕೆ ಈ ಚಲಿಸುವ ಮನೆಗಳು ಭಾರೀ ಡಿಮ್ಯಾಂಡ್ ಪಡೆಯುತ್ತಿವೆ.

ಒಟ್ಟಾರೆ ಖಾಯಂ ಆಗಿ ಒಂದೇ ಕಡೆ ಮನೆ ಕಟ್ಟಿ ವಾಸಿಸುವುದಕ್ಕಿಂತ ಇಂತಹ ಎಲ್ಲಿಂದ ಎಲ್ಲಿಗೆ ಬೇಕಾದ್ರೂ ಕೊಂಡೊಯ್ಯಬಹುದಾದ ಮನೆಗಳು ಇನ್ನಷ್ಟು ಮುನ್ನೆಲೆಗೆ ಬರುವ ಸಾಧ್ಯತೆ ಹೆಚ್ಚಾಗಿದೆ.