Driverless Solar Powered Bus: ಚಾಲಕನಿಲ್ಲದೆ ಸೌರಶಕ್ತಿಯಿಂದಲೇ ಚಲಿಸುತ್ತೆ ಈ ಬಸ್,! ಭಾರತದಲ್ಲೇ ತಯಾರಾಗಿದೆ ಈ ಪರಿಸರ ಸ್ನೇಹಿ ವಾಹನ

ವಿಶ್ವದಾದ್ಯಂತ ತಂತ್ರಜ್ಞಾನದಲ್ಲಿ ವ್ಯಾಪಕವಾದ ಬೆಳವಣಿಗೆಯಾಗುತ್ತಿದ್ದು, ಇದು ಹೊಸ ಹೊಸ ಆವಿಷ್ಕಾರಗಳಿಗೆ ನಾಂದಿಯಾಡುತ್ತಿದೆ. ಈ ವಿಚಾರದಲ್ಲಿ ಭಾರತ ಕೂಡ ಹಿಂದೆ ಬಿದ್ದಿಲ್ಲ. ಇಲ್ಲಿನ ಇಂಜಿನಿಯರ್‌ಗಳು ಮತ್ತು ಯುವ ತಂತ್ರಜ್ಞರು ಲಭ್ಯವಿರುವ ಅತ್ಯಾಧುನಿಕ ತಂತ್ರಜ್ಞಾನವನ್ನು ಬಳಸಿಕೊಂಡು ಅದಕ್ಕೆ ತಮ್ಮ ಬುದ್ಧಿವಂತಿಕೆಯನ್ನು ಸೇರಿಸುವ ಮೂಲಕ ಹೊಸ ಆವಿಷ್ಕಾರಗಳನ್ನು ಮಾಡುತ್ತಿದ್ದಾರೆ.

ಪಂಜಾಬ್‌ನ ಜಲಂಧರ್‌ನಲ್ಲಿರುವ ಲವ್ಲಿ ಪ್ರೊಫೆಷನಲ್ ಯೂನಿವರ್ಸಿಟಿಯ ವಿದ್ಯಾರ್ಥಿಗಳು ಆಲೋಚನಾ ಕ್ರಮದಲ್ಲಿ ಬದಲಾವಣೆಯೊಂದಿಗೆ ಹೊಸದನ್ನು ರಚಿಸಲು ಸಾಧ್ಯ ಎಂದು ಸಾಬೀತುಪಡಿಸಿದ್ದಾರೆ. ತಮ್ಮ ಜಾಣ್ಮೆಯಿಂದ ಚಾಲಕ ರಹಿತ ಸೌರಶಕ್ತಿ ಚಾಲಿತ ಬಸ್ ವಿನ್ಯಾಸಗೊಳಿಸಿದ್ದಾರೆ.(Photo:Twitter)

ಜನರಿಗೆ ಉಪಯುಕ್ತವಾದ ವಾಹನಗಳು ಮತ್ತು ವಸ್ತುಗಳನ್ನು ತಯಾರಿಸುವುದು ದೊಡ್ಡ ವಿಷಯವಲ್ಲ, ಆದರೆ ಎಲ್‌ಪಿಯು ವಿದ್ಯಾರ್ಥಿಗಳು ಪರಿಸರಕ್ಕೆ ಯಾವುದೇ ಅಪಾಯವನ್ನುಂಟುಮಾಡಬಾರದೆಂಬ ಆಲೋಚನೆಯೊಂದಿಗೆ ಸೌರಶಕ್ತಿಯಿಂದ ಚಲಿಸುವ ಮಿನಿ ಬಸ್ ಅನ್ನು ವಿನ್ಯಾಸಗೊಳಿಸಿದ್ದಾರೆ. (Photo:Twitter)

ಜಲಂಧರ್‌ನಲ್ಲಿರುವ ಲವ್ಲಿ ಪ್ರೊಫೆಷನಲ್ ಯೂನಿವರ್ಸಿಟಿಯ ವಿದ್ಯಾರ್ಥಿಗಳು ಭಾರತದ ಮೊದಲ ಚಾಲಕರಹಿತ ಸೌರಶಕ್ತಿ ಚಾಲಿತ ಬಸ್ ಅನ್ನು ತಯಾರು ಮಾಡಿದ ಗೌರವಕ್ಕೆ ಪಾತ್ರರಾಗಿದ್ದಾರೆ. (Photo:Twitter)

ಜಲಂಧರ್‌ನಲ್ಲಿರುವ ಲವ್ಲಿ ಪ್ರೊಫೆಷನಲ್ ಯೂನಿವರ್ಸಿಟಿಯ ವಿದ್ಯಾರ್ಥಿಗಳು ಭಾರತದ ಮೊದಲ ಚಾಲಕರಹಿತ ಸೌರಶಕ್ತಿ ಚಾಲಿತ ಬಸ್ ಅನ್ನು ತಯಾರು ಮಾಡಿದ ಗೌರವಕ್ಕೆ ಪಾತ್ರರಾಗಿದ್ದಾರೆ. (Photo:Twitter)

ಇದನ್ನು 10 ಮೀಟರ್ ತ್ರಿಜ್ಯದಲ್ಲಿ ನಿಯಂತ್ರಿಸಬಹುದು. ಈ ಬಸ್ ಗಂಟೆಗೆ ಗರಿಷ್ಠ 30 ಕಿ.ಮೀ ವೇಗದಲ್ಲಿ ಚಲಿಸುತ್ತದೆ. ಈ ಡ್ರೈವರ್​ಲೆಸ್​ ಸೋಲರ್​ ಪವರ್​ನಲ್ಲಿ ಓಡುವ ಬಸ್‌ನಲ್ಲಿ ಸಂಯೋಜನೆಗೆ ಅನುಗುಣವಾಗಿ 10 ರಿಂದ 30 ಜನರು ಕುಳಿತುಕೊಳ್ಳಬಹುದು. (Photo:Twitter)

ವಾರ್ಟೋಸ್​ ವಿನ್ಯಾಸಗೊಳಿಸಿದ LPUವಿದ್ಯಾರ್ಥಿಗಳ ಮಾರ್ಗದರ್ಶನದಲ್ಲಿ ತಯಾರಾಗಿರುವ ಈ ಬಸ್​ ನಾವೀನ್ಯತೆಗೆ ಸಾಕ್ಷಿಯಾಗಿದ್ದು, ಈ ಚಾಲಕರಹಿತ ಸೌರಶಕ್ತಿ ಚಾಲಿತ ಬಸ್ ಹಲವು ವೈಶಿಷ್ಟ್ಯಗಳು, ಸಾಮರ್ಥ್ಯಗಳು ಮತ್ತು ಪ್ರಯೋಜನಗಳನ್ನು ಹೊಂದಿದ್ದು, ಪ್ರಪಂಚದಾದ್ಯಂತ ಜನರನ್ನು ಬೆರಗುಗೊಳಿಸುತ್ತಿದೆ. (Photo:Twitter)

2019ರಲ್ಲಿಯೇ ಈ ಬಸ್ ರಚಿಸಲು ಕಸರತ್ತು ಆರಂಭವಾಗಿತ್ತು. ಜಲಂಧರ್‌ನ ಲವ್ಲಿ ಪ್ರೊಫೆಷನಲ್ ಯೂನಿವರ್ಸಿಟಿಯ ವಿದ್ಯಾರ್ಥಿಗಳ ಬುದ್ಧಿವಂತಿಕೆ ಮತ್ತು ಚಿಂತನೆಯನ್ನು ಅಂದಿನ ಕೇಂದ್ರ ಸಚಿವ ಪ್ರಕಾಶ್ ಜಾವಡೇಕರ್ ಶ್ಲಾಘಿಸಿ ಸಂತಸ ವ್ಯಕ್ತಪಡಿಸಿದ್ದರು. (Photo:Twitter)