Vote Without Voter Id: ವೋಟರ್ ಐಡಿ ಇಲ್ಲದಿದ್ರೂ ಮತದಾನ ಮಾಡ್ಬಹುದು, ಆಧಾರ್​​-ಪ್ಯಾನ್​ ಇದ್ರೆ ಸಾಕು!

ರಾಜ್ಯದಲ್ಲಿ ಚುನಾವಣೆ ಕಾವು ಜೋರಾಗಿದೆ. ಮತದಾನಕ್ಕೆ ಇನ್ನೊಂದೆ ದಿನ ಬಾಕಿ. 4 ದಿನದಲ್ಲಿ ಅಭ್ಯರ್ಥಿಗಳ ಭವಿಷ್ಯ ಗೊತ್ತಾಗಲಿದೆ. ನಾಳೆ ಯಾರೂ ಕೂಡ ಮಿಸ್​ ಮಾಡದೇ ಮತದಾನ ಮಾಡಬೇಕು. ಮತದಾನ ಮಾಡೋದು ನಮ್ಮ ಹಕ್ಕು, ಜೊತೆಗೆ ಕರ್ತವ್ಯ ಕೂಡಾ.

ಇನ್ನೂ ವೋಟ್​ ಮಾಡ್ಬೇಕು ಅಂದ್ರೆ ವೋಟರ್​ ಐಡಿ ಇರಲೇ ಬೇಕು. ವೋಟರ್​ ಲಿಸ್ಟ್​ನಲ್ಲಿ ನಿಮ್ಮ ಹೆಸರು ಇರಬೇಕು. ಒಂದು ವೇಳೆ ವೋಟರ್ ಐಡಿ ನಿಮ್ಮ ಬಳಿ ಇಲ್ಲ ಅಂದ್ರೆ ನಾಳೆ ಏನ್​ ಮಾಡ್ಬೇಕು? ವೋಟರ್​ ಐಡಿ ಇಲ್ಲದೆಯೂ ಮತದಾನ ಮಾಡಬಹುದಾ? ಇಲ್ಲಿದೆ ನೋಡಿ ಉತ್ತರ.

ವೋಟರ್ ಐಡಿ ಕಾರ್ಡ್ ಕಳೆದು ಹೋಗಿದ್ರೆ ಮತ ಹಾಕೋದು ಹೇಗೆ? ಖಂಡಿತ ನೀವು ಕೂಡ ಮತದಾನ ಮಾಡಬಹುದು. ವೋಟರ್​ ಐಡಿ ಇಲ್ಲದಿದ್ರೂ ಇತರೆ ದಾಖಲೆಗಳ ಮೂಲಕ ನೀವು ವೋಟ್​ ಮಾಡಬಹುದು.

ಪಾಸ್‌ಪೋರ್ಟ್, ಡ್ರೈವಿಂಗ್ ಲೈಸೆನ್ಸ್ ತೋರಿಸಿ ನೀವು ನಾಳೆ ವೋಟ್ ಹಾಕಬಹುದು. ಕೇಂದ್ರ ಹಾಗೂ ರಾಜ್ಯ ಸರ್ಕಾರಿ ನೌಕರರು ತಮ್ಮ ಐಡಿ ಕಾರ್ಡ್ ತೋರಿಸಿ ಮತ ಹಾಕಬಹುದು.

ಪೋಸ್ಟ್ ಆಫೀಸ್ ಹಾಗೂ ಬ್ಯಾಂಕ್‌ಗಳಲ್ಲಿ ಕೊಡುವ ಫೋಟೋ ಸಹಿತ ಪಾಸ್‌ ಬುಕ್ ತೋರಿಸಿ ನಾಳೆ ಮತದಾನ ಮಾಡಬಹುದು. ಕೇವಲ ವೋಟರ್​ ಐಡಿ ಇದ್ದರಷ್ಟೇ ಮತ ಹಾಕಬಹುದು ಅಂತ ಅಂದುಕೊಳ್ಳಬೇಡಿ.

ಅಷ್ಟೇ ಯಾಕೆ ನಿಮ್ಮ ಪ್ಯಾನ್​ ಕಾರ್ಡ್ ತೋರಿಸಿ ವೋಟ್​ ಹಾಕಬಹುದು. ನರೇಗಾ ಜಾಬ್ ಕಾರ್ಡ್‌ ಮೂಲಕವೂ ಮತ ಹಾಕಬಹುದು. ಕಾರ್ಮಿಕ ಇಲಾಖೆ ನೀಡುವ ಆರೋಗ್ಯ ವಿಮೆ ಸ್ಮಾರ್ಟ್ ಕಾರ್ಡ್ ಮೂಲಕವೂ ಮತ ಹಾಕಬಹುದು.

ಶಾಸಕರು ಹಾಗೂ ಸಂಸದರು ತಮಗೆ ನೀಡಲಾಗುವ ಅಧಿಕೃತ ಐಡಿ ಕಾರ್ಡ್ ಬಳಸಿ ಮತ ಹಾಕಬಹುದು. ನಿಮ್ಮ ಹತ್ರ ಆಧಾರ್​ ಕಾರ್ಡ್ ಇದ್ದರೂ ಸಾಕು ನೀವು ನಾಳೆ ವೋಟ್​ ಮಾಡಬಹುದು.

ಇನ್ನೂ ವೋಟರ್​ ಐಡಿ ಕಾರ್ಡ್ ಇಲ್ಲದಿದ್ರೂ ಓಕೆ. ಆದರೆ ವೋಟರ್​ ಲಿಸ್ಟ್​​ನಲ್ಲಿ ನಿಮ್ಮ ಹೆಸರು ಇರಬೇಕು. ಇಲ್ಲದಿದ್ರೆ ಮತದಾನ ಮಾಡೋಕೆ ಆಗಲ್ಲ. ನಿಮ್ಮ ಬಳಿ ವೋಟರ್ ಐಡಿ ಕಾರ್ಡ್ ಇದ್ದರೂ ಕೂಡಾ ವೋಟರ್ ಲಿಸ್ಟ್‌ನಲ್ಲಿ ನಿಮ್ಮ ಹೆಸರು ಇಲ್ಲವಾದ್ರೆ ಮತದಾನ ಮಾಡೋಕೆ ಸಾಧ್ಯವಿಲ್ಲ.