Jandhan Account: ಜನ್​ಧನ್ ಖಾತೆ ಇದ್ದರೆ ನಿಮ್ಮ ಅಕೌಂಟ್​​ಗೆ ಬರಲಿದೆ 10 ಸಾವಿರ ಹಣ!

ಜನಧನ್ ಖಾತೆ ಹೊಂದಿರುವವರಿಗೆ ಇಲ್ಲೊಂದು ಸಿಹಿ ಸುದ್ದಿ ಇದೆ. ಪ್ರಧಾನ ಮಂತ್ರಿ ಜನಧನ್ ಯೋಜನೆ (PMJDY ಪ್ರಧಾನಮಂತ್ರಿ ಜನ್ ಧನ್ ಯೋಜನೆ) ಬಡವರಿಗಾಗಿ ಸರ್ಕಾರ ಪ್ರಾರಂಭಿಸಿದ ಹಣಕಾಸು ಕಾರ್ಯಕ್ರಮವಾಗಿದೆ. ಬ್ಯಾಂಕ್​ಗಳು, ಅಂಚೆ ಕಚೇರಿಗಳು, ರಾಷ್ಟ್ರೀಕೃತ ಬ್ಯಾಂಕುಗಳಲ್ಲಿ ಶೂನ್ಯ ಬ್ಯಾಲೆನ್ಸ್​​ನೊಂದಿಗೆ ದೇಶದ ಬಡವರಿಗಾಗಿ ಖಾತೆ ತೆರೆಯುವ ಯೋಜನೆಯೇ ಈ ಜನಧನ್ ಯೋಜನೆ. ಬಡವನೂ ಸಹ ಸುಲಭವಾಗಿ ತನ್ನ ಬ್ಯಾಂಕ್​ ಖಾತೆಯನ್ನು ತೆರೆಯಬಹುದು.

ಈ ಜನಧನ್ ಯೋಜನೆಯ ಅಡಿಯಲ್ಲಿ ಖಾತೆದಾರರಿಗೆ ಅಪಘಾತ ವಿಮೆ, ಓವರ್​ ಡ್ರಾಫ್ಟ್​ ಸೌಲಭ್ಯ, ಚೆಕ್​ ಬುಕ್ ಸೇರಿದಂತೆ ಅನೇಕ ಸೌಲಭ್ಯಗಳು ದೊರೆಯಲಿವೆ. ಈಗ ಜನಧನ್ ಖಾತೆ ಹೊಂದಿರುವವರು ಸರ್ಕಾರದಿಂದ 10,000 ಹಣವನ್ನು ಪಡೆಯಬಹುದು.

ಹೌದು, ನಿಮ್ಮ ಖಾತೆಯಲ್ಲಿ ಯಾವುದೇ ಬ್ಯಾಲೆನ್ಸ್​ ಇಲ್ಲದಿದ್ದರೂ ಸಹ, ನೀವು 10,000 ರೂಪಾಯಿಗಳವರೆಗಿನ ಓವರ್​ಡ್ರಾಫ್ಟ್​ ಸೌಲಭ್ಯವನ್ನು ಪಡೆಯಬಹುದು. ಈ ಸೌಲಭ್ಯವು ಅಲ್ಪಾವಧಿ ಸಾಲದಂತಿದೆ. ಮೊದಲು ಈ ಮೊತ್ತ 5 ಸಾವಿರ ರೂ. ಇತ್ತು. ಸರ್ಕಾರವು ಈಗ 10 ಸಾವಿರಕ್ಕೆ ಹೆಚ್ಚಿಸಿದೆ.

ನಿಯಮವೇನು? ಜನಧನ್ ಖಾತೆಯ ಓವರ್​​ಡ್ರಾಫ್ಟ್​ ಸೌಲಭ್ಯ ಪಡೆಯಬೇಕಾದರೆ, ವ್ಯಕ್ತಿಯ ವಯಸ್ಸು 65 ವರ್ಷ ಇರಬೇಕು. ಓವರ್‌ಡ್ರಾಫ್ಟ್ ಸೌಲಭ್ಯವನ್ನು ಪಡೆಯಲು ನಿಮ್ಮ ಜನ್ ಧನ್ ಖಾತೆಯು ಕನಿಷ್ಠ 6 ತಿಂಗಳ ಹಳೆಯದಾಗಿರಬೇಕು.

ಜನಧನ್ ಖಾತೆ ಎಂದರೇನು? ಪ್ರಧಾನ ಮಂತ್ರಿ ಜನಧನ್ ಯೋಜನೆಯು ಅತ್ಯಂತ ಮಹತ್ವಾಕಾಂಕ್ಷೆಯ ಹಣಕಾಸು ಕಾರ್ಯಕ್ರಮವಾಗಿದೆ. ಇದು ಬ್ಯಾಂಕಿಂಗ್/ಉಳಿತಾಯ ಮತ್ತು ಠೇವಣಿ ಖಾತೆಗಳು, ಹಣ ರವಾನೆ, ಕ್ರೆಡಿಟ್ ವಿಮೆ, ಪಿಂಚಣಿಗಳಿಗೆ ಪ್ರವೇಶವನ್ನು ಖಚಿತಪಡಿಸುತ್ತದೆ. ಈ ಖಾತೆಗಳನ್ನು ಯಾವುದೇ ಬ್ಯಾಂಕ್ ಶಾಖೆ ಅಥವಾ ವ್ಯಾಪಾರ ಪ್ರತಿನಿಧಿ ಔಟ್​ಲೆಟ್​​ನಲ್ಲಿ ತೆರೆಯಬಹುದು. PMJDY ಖಾತೆಯನ್ನು ಶೂನ್ಯ ಬ್ಯಾಲೆನ್ಸ್‌ನೊಂದಿಗೆ ತೆರೆಯಲಾಗುತ್ತದೆ.

ಖಾತೆ ತೆರೆಯುವುದು ಹೇಗೆ ? ಪ್ರಧಾನ ಮಂತ್ರಿ ಜನಧನ್ ಯೋಜನೆ ಅಡಿಯಲ್ಲಿ ಖಾತೆಗಳನ್ನು ಹೆಚ್ಚಾಗಿ ಸಾರ್ವಜನಿಕ ವಲಯದ ಬ್ಯಾಂಕುಗಳಲ್ಲಿ ತೆರೆಯಲಾಗುತ್ತದೆ. ಆದರೆ ನೀವು ಬಯಸಿದರೆ, ಖಾಸಗಿ ಬ್ಯಾಂಕ್‌ನಲ್ಲಿ ಸಹ ನಿಮ್ಮ ಜನಧನ್ ಖಾತೆಯನ್ನು ತೆರೆಯಬಹುದು.

ನಿಮ್ಮ ಹತ್ತಿರ ಬೇರೆ ಯಾವುದೇ ಉಳಿತಾಯ ಖಾತೆ ಇದ್ದರೆ, ನೀವು ಅದನ್ನು ಜನಧನ್ ಖಾತೆಗೆ ಪರಿವರ್ತಿಸಬಹುದು. 10 ವರ್ಷ ಅಥವಾ ಅದಕ್ಕಿಂತ ಮೇಲ್ಪಟ್ಟ ವಯಸ್ಸಿನ ಭಾರತದಲ್ಲಿ ವಾಸಿಸುವ ಯಾವುದೇ ನಾಗರಿಕ ಜನಧನ್ ಖಾತೆ ತೆರೆಯಬಹುದು.