Fraud App: ಈ ಆ್ಯಪ್​ ಡೌನ್​ಲೋಡ್ ಮಾಡದಂತೆ IRCTC ವಾರ್ನಿಂಗ್!

ಇತ್ತೀಚಿನ ದಿನಗಳಲ್ಲಿ ಮೊಬೈಲ್ ಅಪ್ಲಿಕೇಶನ್‌ಗಳು ಮತ್ತು ವೆಬ್‌ಸೈಟ್‌ಗಳ ಯುಗದಲ್ಲಿ ಜನರು ಎಲ್ಲವನ್ನೂ ಪರಿಶೀಲಿಸಲು ಮೊಬೈಲ್ ಅನ್ನು ಬಳಸುತ್ತಾರೆ. ಈ ಉದ್ದೇಶಕ್ಕಾಗಿ ಪ್ಲೇ ಸ್ಟೋರ್‌ನಲ್ಲಿ ಹಲವಾರು ಅಪ್ಲಿಕೇಶನ್‌ಗಳು ಲಭ್ಯವಿದೆ.

ಆದರೆ ಕೆಲವೊಮ್ಮೆ ಜನರು ಸರಿ ಅಥವಾ ತಪ್ಪು ಅಪ್ಲಿಕೇಶನ್‌ಗಳ ಬಗ್ಗೆ ಜ್ಞಾನದ ಕೊರತೆಯಿಂದ ವಂಚನೆಗೆ ಒಳಗಾಗ್ತಾರೆ. ಅದೇ ರೀತಿ ಅಪ್ಲಿಕೇಶನ್ irctcconnect.apk ಆಗಿದೆ. IRCTC ಈ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡದಂತೆ ವಿನಂತಿಸಿದೆ. ಈ ಅಪ್ಲಿಕೇಶನ್ WhatsApp ಮತ್ತು ಟೆಲಿಗ್ರಾಮ್​ನಂತಹ ವೇದಿಕೆಗಳಲ್ಲಿ ಲಭ್ಯವಿದೆ.

ಭಾರತೀಯ ರೈಲ್ವೆ ಕ್ಯಾಟರಿಂಗ್ ಮತ್ತು ಪ್ರವಾಸೋದ್ಯಮ ನಿಗಮ (IRCTC) ಈ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡದಂತೆ ಸಾರ್ವಜನಿಕ ಸಲಹೆಯನ್ನು ನೀಡಿದೆ.

ಈ APK ಫೈಲ್ ಅನ್ನು ಡೌನ್‌ಲೋಡ್ ಮಾಡುವುದರಿಂದ ನಿಮಗೆ ದೊಡ್ಡ ಹಾನಿಯಾಗಬಹುದು ಎಂದು IRCTC ಎಚ್ಚರಿಸಿದೆ. ಇದು ನಿಮ್ಮ ಫೋನ್‌ನಲ್ಲಿ ವೈರಸ್ ದಾಳಿಯನ್ನು ಉಂಟುಮಾಡಬಹುದು. ಜೊತೆಗೆ ಅದು ನಿಮ್ಮ ಡೇಟಾವನ್ನು ಕದಿಯಬಹುದು.

ಈ ಅಪ್ಲಿಕೇಶನ್‌ನ ಹಿಂದಿರುವ ವಂಚಕರು IRCTC ಯಿಂದ ಬಂದವರಂತೆ ನಟಿಸುತ್ತಾರೆ ಮತ್ತು ನಿಮ್ಮ UPI ವಿವರಗಳು ಮತ್ತು ಇತರ ಪ್ರಮುಖ ಬ್ಯಾಂಕಿಂಗ್ ಮಾಹಿತಿಯಂತಹ ವೈಯಕ್ತಿಕ ಮಾಹಿತಿಯನ್ನು ಪಡೆಯಲು ಪ್ರಯತ್ನಿಸುತ್ತಾರೆ ಎಂದು IRCTC ಹೇಳಿದೆ.

ಅಂತಹ ಪರಿಸ್ಥಿತಿಯಲ್ಲಿ ಈ ಅಪ್ಲಿಕೇಶನ್ ಡೌನ್‌ಲೋಡ್ ಮಾಡುವುದನ್ನು ತಡೆಯಲು ಸಲಹೆ ನೀಡಲಾಗುತ್ತದೆ. ಮೊಬೈಲ್ ಫೋನ್ ಅಥವಾ ಇತರ ಯಾವುದೇ ಎಲೆಕ್ಟ್ರಾನಿಕ್ ಗ್ಯಾಜೆಟ್‌ನಲ್ಲಿ ಇಂಟರ್ನೆಟ್ ಬಳಸುವಾಗ, ಅಪರಿಚಿತ ಲಿಂಕ್‌ಗಳನ್ನು ಕ್ಲಿಕ್ ಮಾಡುವುದನ್ನು ತಪ್ಪಿಸಬೇಕು.

ಇತರ ಅಪ್ಲಿಕೇಶನ್‌ಗಳನ್ನು ಡೌನ್‌ಲೋಡ್ ಮಾಡುವುದನ್ನು ಯಾವಾಗಲೂ ತಪ್ಪಿಸಬೇಕು. ಇಲ್ಲವಾದಲ್ಲಿ ನಿಮ್ಮ ಪ್ರಮುಖ ಮಾಹಿತಿಗಳು ಕಳುವಾಗಬಹುದು. ಇಲ್ಲದಿದ್ರೆ ನೀವು ಸೈಬರ್ ದಾಳಿಗೆ ಬಲಿಯಾಗಬಹುದು.