Virushka Net Worth: ವಿರಾಟ್ ಕೊಹ್ಲಿ-ಅನುಷ್ಕಾ ಶರ್ಮಾ ಜೋಡಿ ಎಷ್ಟು ಶ್ರೀಮಂತರು ಗೊತ್ತೇ?

ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಭಾರತದ ಶ್ರೀಮಂತ ಸೆಲೆಬ್ರಿಟಿಗಳಲ್ಲಿ ಒಬ್ಬರು. ಇವರಿಬ್ಬರ ನಿವ್ವಳ ಮೌಲ್ಯ 1250 ಕೋಟಿಗೂ ಹೆಚ್ಚು. ಇಬ್ಬರ ಹೆಸರನ್ನೂ ಸೇರಿಸಿ ವಿರುಷ್ಕಾ ಹೆಸರು ಸಾಕಷ್ಟು ಫೇಮಸ್ ಆಗಿದೆ. ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಪರಸ್ಪರ ಡೇಟಿಂಗ್ ಮಾಡುವಾಗ ತಮ್ಮ ಸಂಬಂಧವನ್ನು ಎಂದಿಗೂ ಬಹಿರಂಗಗೊಳಿಸಿರಲಿಲ್ಲ ಆದರೂ ಇಬ್ಬರೂ ಹಲವಾರು ಸಂದರ್ಭಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದರು.

ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಅವರ ವಿಶೇಷವೆಂದರೆ ಇಬ್ಬರೂ ಕೂಡ ಕಷ್ಟಪಟ್ಟು ಈ ಮಟ್ಟಿಗೆ ತಲುಪಿದ್ದಾರೆ. ಈ ಇಬ್ಬರ ಕುಟುಂಬದವರು ಯಾರೂ ಕ್ರಿಕೆಟ್ ಅಥವಾ ಚಿತ್ರರಂಗದವರಲ್ಲ.

ಫೋರ್ಬ್ಸ್ ಇಂಡಿಯಾ 2019 ರ ಶ್ರೀಮಂತ ವ್ಯಕ್ತಿಗಳ ಪಟ್ಟಿಯ ಪ್ರಕಾರ ಈ ದಂಪತಿಗಳು ಭಾರತದ ಶ್ರೀಮಂತ ದಂಪತಿಗಳಲ್ಲಿ ಒಬ್ಬರು. ಆಗ ವಿರಾಟ್ ಕೊಹ್ಲಿ ಅವರ ಆಸ್ತಿ ಇನ್ನೂರೈವತ್ತು ಕೋಟಿಯಷ್ಟಿತ್ತು. ಅಲ್ಲದೇ ಅವರು ಮೊದಲ ಸ್ಥಾನದಲ್ಲಿದ್ದರು. ಅನುಷ್ಕಾ 21 ನೇ ಸ್ಥಾನದಲ್ಲಿದ್ದರು. ಆದರೆ ಈಗ ವಿರಾಟ್ ಕೊಹ್ಲಿ ಅವರ ಆಸ್ತಿ 900 ಕೋಟಿ ರೂಪಾಯಿ ಎಂದು ಹೇಳಲಾಗುತ್ತದೆ!

ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮಾ ವಾಸಿಸುತ್ತಿರುವ ಮನೆ  34 ಕೋಟಿ ರೂ. ಬೆಲೆಬಾಳುತ್ತದೆಯಂತೆ! ವಿರಾಟ್ ಕೊಹ್ಲಿ ದೆಹಲಿಯ ಪಶ್ಚಿಮ ವಿಹಾರ್​ನಲ್ಲಿ ಐಷಾರಾಮಿ ಮನೆ ಹೊಂದಿದ್ದಾರೆ. ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಅವರ ಬಳಿ ಹಲವು ಐಷಾರಾಮಿ ಕಾರುಗಳಿವೆ.

ಅನುಷ್ಕಾ ಶರ್ಮಾ ಚಲನಚಿತ್ರಗಳು ಮತ್ತು ಜಾಹೀರಾತುಗಳ ಮೂಲಕ ಸಾಕಷ್ಟು ಹಣವನ್ನು ಗಳಿಸಿದ್ದಾರೆ. ಇದರಿಂದಾಗಿ ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಅವರ ಒಟ್ಟು ನಿವ್ವಳ ಮೌಲ್ಯ 12 ಬಿಲಿಯನ್ ರೂಪಾಯಿಗಳು ಎಂದು ಇನ್ನೊಂದು ವರದಿ ಉಲ್ಲೇಖಿಸಿದೆ.

Anushka Sharma- ವಿರಾಟ್ ಕೊಹ್ಲಿಯ ಹೆಂಡತಿ ಅನುಷ್ಕಾ ಶರ್ಮಾ ಬಾಲಿವುಡ್ ನಟಿ. ಕೊಹ್ಲಿಯನ್ನು ಕೈ ಹಿಡಿಯುವ ಮುನ್ನವೇ ಬಿಗ್ ಸ್ಟಾರ್ ಆಗಿದ್ದಳಾಕೆ. ಬಹಳಷ್ಟು ಓದಿಯೂ ಇದ್ದಾಳೆ. ಅನುಷ್ಕಾ ಶರ್ಮಾ ಬಿಎ ಹಾಗೂ ಎಕನಾಮಿಕ್ಸ್​ನಲ್ಲಿ ಎಂಎ ಮಾಡಿದ್ದಾರೆ. 2017ರ ಡಿಸೆಂಬರ್ 11ರಂದು ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಮದುವೆ ಆಗಿದ್ದು. ಇವರು ಹುಟ್ಟಿ ಬೆಳೆದ ಸ್ಥಳಗಳು ಇಂಟರೆಸ್ಟಿಂಗ್. ಇವರು ಹುಟ್ಟಿದ್ದು ರಾಮನ ನಾಡು ಅಯೋಧ್ಯೆಯಲ್ಲಿ. ಓದಿ ಬೆಳೆದದ್ದು ಬೆಂಗಳೂರಿನಲ್ಲಿ. ಮೌಂಟ್ ಕಾರ್ಮೆಲ್ ಕಾಲೇಜಿನಲ್ಲಿ ಪದವಿ ಪಡೆದು ನಂತರ ಕರೆಸ್ಪಾಂಡೆನ್ಸ್ ಕೋರ್ಸ್​ನಲ್ಲಿ ಎಂಎ ಮಾಡಿದ್ದಾರೆ.

ಚಿನ್ನದ ಚಮಚವನ್ನು ಬಾಯಲ್ಲಿ ಇಟ್ಟುಕೊಂಡು ಹುಟ್ಟಿಲ್ಲದಿದ್ದರೂ ಈ ಇಬ್ಬರೂ ತಮ್ಮ ಸ್ವಂತ ಪರಿಶ್ರಮದ ಮೂಲಕ ಚಿನ್ನದ ಬಟ್ಟಲಲ್ಲೇ ಊಟ ಮಾಡುವಷ್ಟು ಶ್ರೀಮಂತಿಕೆ ಗಳಿಸಿದ್ದಾರೆ.

ವಿರಾಟ್ ಐಸಿಸಿ ಬ್ಯಾಟಿಂಗ್ ಶ್ರೇಯಾಂಕದಲ್ಲಿ ಟೆಸ್ಟ್ ಮತ್ತು ಏಕದಿನ ಅಂತರಾಷ್ಟ್ರೀಯ ಎರಡರಲ್ಲೂ ಅಗ್ರಸ್ಥಾನದಲ್ಲಿದ್ದಾರೆ. ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ (ಐಪಿಎಲ್) ಅತಿ ಹೆಚ್ಚು ಸಂಭಾವನೆ ಪಡೆಯುವ ಆಟಗಾರ ವಿರಾಟ್ ಕೊಹ್ಲಿ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಜೊತೆಗೆ 17 ಕೋಟಿ ರೂ. ರಿಟೈನರ್ ಶುಲ್ಕವನ್ನು ಹೊಂದಿದ್ದಾರೆ.

ಈ ಜೋಡಿಯ ಅನ್ಯೋನ್ಯತೆಯನ್ನು ನಿಜಕ್ಕೂ ಮೆಚ್ಚುವಂತದ್ದು. ಅನುಷ್ಕಾ ಶರ್ಮಾ ಪ್ರತಿ ಚಿತ್ರಕ್ಕೆ 15 ಕೋಟಿ ಸಂಭಾವನೆ ಕೇಳುತ್ತಾರಂತೆ..

ಮತ್ತೊಂದೆಡೆ, ವಿರಾಟ್ ಅವರ ಒಟ್ಟಾರೆ ನಿವ್ವಳ ಮೌಲ್ಯ ಸುಮಾರು 900 ಕೋಟಿ ಎಂದು ಹೇಳಲಾಗುತ್ತದೆ.

ವಿರಾಟ್ Myntra, Uber, Audi, MRF, Manyavar ಮತ್ತು Tissot ಕಂಪನಿಗಳ ಜಾಹೀರಾತುಗಳಲ್ಲಿ ಪ್ರಚಾರ ಮಾಡುತ್ತಾರೆ. ಅನುಷ್ಕಾ ಶರ್ಮಾ ಸಹ ಹಲವು ಜಾಹೀರಾತುಗಳ ಮೂಲಕ ಕೋಟ್ಯಂತರ ಆದಾಯ ಗಳಿಸುತ್ತಾರೆ.