Rich: ಶ್ರೀಮಂತರಾಗಲು ಇಲ್ಲಿದೆ ಒಂದಷ್ಟು ಟಿಪ್ಸ್​, ಪಕ್ಕಾ ಸಕ್ಸಸ್​ ಆಗ್ತೀರ!

ಭಾರತೀಯ ಮೂಲದ ಸ್ವಯಂ-ನಿರ್ಮಿತ ಮಿಲಿಯನೇರ್, ಆಗಿರುವ ರಮಿತ್ ಸೇಥಿ ತಮ್ಮ ಯಶಸ್ಸಿನ ಹಿಂದಿನ ಗುಟ್ಟನ್ನು ತಿಳಿಸಿದ್ದಾರೆ. ತಾವು ಯಶಸ್ಸನ್ನು ಹೊಂದುವುದು ಮಾತ್ರವಲ್ಲದೆ ಇತರರಿಗೂ ಅದನ್ನು ತಿಳಿಸುವ ಇರಾದೆಯಿಂದ ಐ ವಿಲ್ ಟೀಚ್ ಯು ಟು ಬಿ ರಿಚ್ ಎಂಬ ಪುಸ್ತಕವನ್ನು ರಮಿತ್ ಬರೆದಿದ್ದು ನೆಟ್‌ಫ್ಲಿಕ್ಸ್‌ನಲ್ಲಿ ಹೌ ಟು ಗೆಟ್ ರಿಚ್‌  ಎಂಬ ಶೋವನ್ನು ನಡೆಸಿಕೊಡಲಿದ್ದಾರೆ.

ಯಶಸ್ಸಿನ ಕುರಿತು ತಮ್ಮದೇ ಸೂತ್ರಗಳನ್ನು ಪಾಲಿಸುವ ರಮಿತ್ ಕೆಲವೊಂದು ಸಿದ್ಧಾಂತಗಳನ್ನು ಪಾಲಿಸುವವರು. ತ್ಯಾಗ ಮತ್ತು ಕಠಿಣ ನಿರ್ಧಾರಗಳು ಸಂಪತ್ತನ್ನು ನಿರ್ಮಿಸುವ ಪ್ರಕ್ರಿಯೆಯ ಒಂದು ಭಾಗವಾಗಿದೆ ಎಂಬುದನ್ನು ಅರ್ಥಮಾಡಿಕೊಂಡಿರುವೆ ಎಂದು ತಿಳಿಸಿರುವ ರಮಿತ್ ಇದನ್ನೇ ಯಶಸ್ಸನ್ನು ಬೆನ್ನಟ್ಟುವ ಜನರು ಪಾಲಿಸಬೇಕು ಎಂಬ ಸಲಹೆಯನ್ನು ನೀಡಿದ್ದಾರೆ.

ಯಶಸ್ಸಿಗೆ ಕಾರಣೀಕರ್ತವಾಗಿರುವ ಆಯ್ಕೆಗಳನ್ನು ತ್ವರಿತವಾಗಿ ಮಾಡಲು ಜನರಿಗೆ ಅನುಸರಿಸಲು ಸುಲಭವಾದ ಮಾರ್ಗಸೂಚಿಗಳಿವೆ ಎಂದು ಸೇಥಿ ಸಿಎನ್‌ಬಿಸಿ ಮೇಕ್ ಇಟ್‌ಗೆ ತಿಳಿಸಿದ್ದಾರೆ. ಸಂಪತ್ತನ್ನು ಹೇಗೆ ನಿರ್ಮಿಸಿಕೊಳ್ಳಬಹುದು ಹಾಗೂ ಯಶಸ್ಸನ್ನು ಹೇಗೆ ಗೆಲ್ಲಬಹುದು ಎಂಬ ಅಂಶಗಳನ್ನು ಅವರು ಹಂಚಿಕೊಂಡಿದ್ದಾರೆ.

ಆದಾಯದ ಒಂದು ಭಾಗವನ್ನು ಹೂಡಿಕೆ ಮಾಡಿ: ಸಾಮಾನ್ಯವಾಗಿ ಹಣಕಾಸಿನ ಕುರಿತು ಸಲಹೆ ನೀಡುವವರು ತಮ್ಮ ಗಳಿಕೆಗಳ ಒಂದು ಭಾಗವನ್ನು ಸೇವಿಂಗ್ ಮಾಡಲು ಇಲ್ಲವೇ ಹೂಡಿಕೆ ಮಾಡಲು ಸಲಹೆ ನೀಡುತ್ತಾರೆ. ಆದರೆ ಸೇಥಿಯವರು ಸಂಪತ್ತಿನಲ್ಲಿ 10% ಉಳಿಸಿ ಹಾಗೂ 20% ಹೂಡಿಕೆ ಮಾಡಿ ಎಂದಾಗಿದೆ. ನಿಮ್ಮ ಯೋಜನೆ ಹೇಗಿದೆ ಎಂಬುದನ್ನು ಆಧರಿಸಿ ಹೂಡಿಕೆಯನ್ನು ಯೋಜಿಸಬಹುದು ಎಂದು ಸೇಥಿ ಸಲಹೆ ನೀಡುತ್ತಾರೆ.

ಯಾವುದಾದರೂ ಒಂದು ವರ್ಗದಲ್ಲಿ ಅನಿಯಮಿತ ಖರ್ಚಿನ ಸೂತ್ರ ಅಳವಡಿಸಿ: ಸೇಥಿಯವರು ತಾವು ಸ್ವಯಂ ಆಗಿ ಅನುಸರಿಸುವ ಸಲಹೆಯನ್ನು ನೀಡಿದ್ದು, ಆರೋಗ್ಯ, ಪುಸ್ತಕಗಳು ಹಾಗೂ ಒಬ್ಬ ಉತ್ತಮ ಸ್ನೇಹಿತ ಹಾಗೂ ನಿಧಿಸಂಗ್ರಹಣೆಯನ್ನು ಸಂಪಾದಿಸುವುದು ಎಂದಾಗಿ ತಿಳಿಸಿದ್ದಾರೆ. ಈ ಅಂಶಗಳು ನನಗೆ ಮುಖ್ಯ ಎಂಬುದಾಗಿ ಸೇಥ್ ತಿಳಿಸಿದ್ದಾರೆ.

ನಾಲ್ಕು ಗಂಟೆಗಳಿಗಿಂತ ಹೆಚ್ಚಿನ ವಿಮಾನ ಪ್ರಯಾಣಕ್ಕಾಗಿ ಸೇಥಿ ಯಾವಾಗಲೂ ಬ್ಯುಸಿನೆಸ್ ಕ್ಲಾಸ್ ಅನ್ನೇ ಬುಕ್ ಮಾಡುತ್ತಾರೆ. ಈ ನಿಯಮ ನಿರ್ಬಂಧಿತವಾಗಿಲ್ಲ ಬದಲಿಗೆ ಸಬಲೀಕರಣವಾಗಿದೆ ಎಂದು ಸೇಥಿ ಸಂದರ್ಶನದಲ್ಲಿ ತಿಳಿಸುತ್ತಾರೆ. ನೀವು ಜೀವನದಲ್ಲಿ ಸಾಧಿಸಬಹುದು ಎಂದು ನಿಮಗನ್ನಿಸುವ ಅಂಶವೇನಾದರೂ ಇದ್ದರೆ ಅದನ್ನು ಪಡೆಯುವಷ್ಟು ಆರ್ಥಿಕತೆ ನಿಮ್ಮಲ್ಲಿದೆ ಎಂಬುದನ್ನು ಅರ್ಥಮಾಡಿಕೊಳ್ಳಿ ಎಂದು ಸೇಥಿ ತಿಳಿಸುತ್ತಾರೆ.

ವೈಯಕ್ತಿಕ ನಿರ್ಧಾರಗಳ ಹಣಕಾಸಿನ ಅಗತ್ಯತೆಗಳನ್ನು ಮರೆಯದಿರಿ: ವಿವಾಹವೆಂಬುದು ಅತಿದೊಡ್ಡ ಆರ್ಥಿಕ ನಿರ್ಧಾರ ಎಂದು ತಿಳಿಸುವ ಸೇಥಿ, ಇದಕ್ಕಾಗಿ ಖರ್ಚುಮಾಡುವ ಸಮಯದಲ್ಲಿ ಚಿಂತನಾಶೀಲರಾಗಿರಬೇಕು ಎಂದು ಸಲಹೆ ನೀಡುತ್ತಾರೆ. ಹಣದ ನಿಯಮಗಳು ಕೇವಲ ಹಣಕಾಸಿನ ಬಗ್ಗೆ ಅಲ್ಲ.

ಕೆಲವು ಚಟುವಟಿಕೆಗಳು ಮತ್ತು ಸಂಬಂಧಗಳಲ್ಲಿ ಸಮಯ ಮತ್ತು ಶಕ್ತಿಯನ್ನು ಹೂಡಿಕೆ ಮಾಡುವುದು ಹಣದ ನಿಯಮಗಳೂ ಆಗಿರುತ್ತವೆ ಎಂದು ತಿಳಿಸುತ್ತಾರೆ. ವಿವಾಹದ ವಿಷಯದಲ್ಲಿ ಸರಿಯಾದ ಅರ್ಥಮಾಡಿಕೊಳ್ಳುವ ಸಂಗಾತಿಯನ್ನು ಹೊಂದುವುದೂ ಮುಖ್ಯವಾಗಿದೆ ಎಂದು ಸೇಥಿ ತಮ್ಮ ಅಭಿಪ್ರಾಯವನ್ನು ತಿಳಿಸಿದ್ದಾರೆ.

ನಿಮ್ಮ ವೈಯಕ್ತಿಕ ಕೆಲಸಗಳನ್ನು ಮಾಡಲು ನಿಮ್ಮ ಕೆಲಸ, ದುಡಿಮೆ ಅಡ್ಡಿಯಾಗಬಾರದು ಅಷ್ಟು ಸಮರ್ಥರಾಗಿ ನೀವು ಜೀವನದಲ್ಲಿ ಮುಂದುವರಿದಿರಬೇಕು ಇದುವೇ ನಾನು ಜನರಿಗೆ ನೀಡುವ ಸಲಹೆಯಾಗಿದೆ ಎಂದು ಸೇಥಿ ತಿಳಿಸುತ್ತಾರೆ.

ನಿಮ್ಮವರೊಂದಿಗೆ ಸಮಯ ಕಳೆಯಬೇಕು ಎಂದರೆ ಆರ್ಥಿಕವಾಗಿ ನೀವು ಸಬಲರಾಗಿರಬೇಕು ಹಾಗೂ ಅವರಿಗಾಗಿ ಸಮಯ ಮೀಸಲಿಡುವಷ್ಟು ನೀವು ಸಂಪತ್ತನ್ನು ಹೊಂದಿರಬೇಕು ಎಂದು ಸೇಥಿ ತಿಳಿಸುತ್ತಾರೆ.