Purity of Milk: ಜಸ್ಟ್​ 30 ಸೆಕೆಂಡ್​ನಲ್ಲಿ ಹಾಲು ಕಲಬೆರೆಕೆನಾ ಅಂತ ಹೀಗೆ ಚೆಕ್​ ಮಾಡಿ!

ನಾವು ನಮ್ಮ ದಿನವನ್ನು ಹಾಲಿನಿಂದ ಆರಂಭಿಸುತ್ತೇವೆ. ಕೆಲವರಂತೂ ಕಾಫಿ, ಟೀ ಕುಡಿಯದೇ ಬೆಡ್​ ಬಿಟ್ಟು ಬರುವುದಿಲ್ಲ. ಹೀಗಾಗಿ ಹಾಲು ಪ್ರತಿ ದಿನ ಬೇಕೆ ಬೇಕು. ಮಕ್ಕಳಿಂದ ವಯಸ್ಸಾದವರೂ ಕೂಡ ಹಾಲು ಕುಡಿಯುತ್ತಾರೆ.

ಆದರೆ ಈ ಹಾಲಿನಲ್ಲಿ ಕಲಬೆರಕೆ ಹೆಚ್ಚಾಗಿ ಕಂಡು ಬರುತ್ತಿದೆ. ಮದ್ರಾಸ್‌ನ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯ ಸಂಶೋಧಕರು ಹಾಲಿನ ಶುದ್ಧತೆಯನ್ನು ಪರೀಕ್ಷಿಸಲು ವಿಶಿಷ್ಟವಾದ ಸಂಶೋಧನೆಯನ್ನು ಮಾಡಿದ್ದಾರೆ.

ಐಐಟಿ ಮದ್ರಾಸ್ ಮೂರು ಆಯಾಮದ ಕಾಗದವನ್ನು ಆಧರಿಸಿ ಪೋರ್ಟಬಲ್ ಸಾಧನವನ್ನು ಕಂಡುಹಿಡಿದಿದೆ. ಇದು ಹಾಲಿನಲ್ಲಿ ಕಲಬೆರಕೆಯನ್ನು 30 ಸೆಕೆಂಡುಗಳಲ್ಲಿ ಪತ್ತೆ ಮಾಡುತ್ತದೆ.

ಸಂಶೋಧಕರ ಪ್ರಕಾರ, 'ಹಾಲು ಕಲಬೆರಕೆಯಾಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಮನೆಯಲ್ಲಿಯೇ ಪರಿಶೀಲಿಸಬಹುದು. ಈ ಸಾಧನವು ಹಾಲಿನಲ್ಲಿರುವ ಯೂರಿಯಾ, ಡಿಟರ್ಜೆಂಟ್, ಸಾಬೂನು, ಪಿಷ್ಟ, ಹೈಡ್ರೋಜನ್ ಪೆರಾಕ್ಸೈಡ್, ಸೋಡಿಯಂ-ಹೈಡ್ರೋಜನ್-ಕಾರ್ಬೊನೇಟ್, ಉಪ್ಪು ಮತ್ತು ಇತರ ಕಲಬೆರಕೆಗಳನ್ನು ಪತ್ತೆ ಮಾಡುತ್ತದೆ.

ದೇಶದಲ್ಲಿ ಕಲಬೆರಕೆ ಹಾಲಿನ ಪ್ರಕರಣಗಳು ವೇಗವಾಗಿ ಹೆಚ್ಚುತ್ತಿವೆ. ಇಂತಹ ಪರಿಸ್ಥಿತಿಯಲ್ಲಿ ಸಾಮಾನ್ಯ ಗ್ರಾಹಕರು ಈ ಸಾಧನದಿಂದ ದೊಡ್ಡ ಪರಿಹಾರವನ್ನು ಪಡೆಯಬಹುದು.ಹಾಲು ಎಲ್ಲರಿಗೂ ಆರೋಗ್ಯಕರವೆಂದು ಪರಿಗಣಿಸಲಾಗಿದೆ. ಇದು ಜೀವಸತ್ವಗಳು, ಕ್ಯಾಲ್ಸಿಯಂ, ಪ್ರೋಟೀನ್, ರಂಜಕ ಮತ್ತು ಪೊಟ್ಯಾಸಿಯಮ್ಗಳಲ್ಲಿ ಸಮೃದ್ಧವಾಗಿದೆ.

ಆದರೆ, ಹಾಲಿನ ಶುದ್ಧತೆಯ ಬಗ್ಗೆ ಜನರಲ್ಲಿ ನಾನಾ ಪ್ರಶ್ನೆಗಳಿವೆ. ಏಕೆಂದರೆ ಹಾಲಿನ ಕಲಬೆರಕೆ ಪ್ರಸ್ತುತ ಕಾಲದಲ್ಲಿ ಹೆಚ್ಚಾಗಿದೆ. ದೆಹಲಿ, ಮುಂಬೈ, ಬೆಂಗಳೂರು ಸೇರಿದಂತೆ ಹಲವು ದೊಡ್ಡ ನಗರಗಳಲ್ಲಿ ಹಾಲು ಬೇಡಿಕೆಗಿಂತ ಕಡಿಮೆ ಇದೆ.

ಅಂತಹ ಸಮಯದಲ್ಲಿ ಜನರು ಅದರಲ್ಲಿ ಕಲಬೆರಕೆ ಮಾಡುತ್ತಾರೆ. ಹಾಲಿನಲ್ಲಿನ ಈ ಕಲಬೆರಕೆಯನ್ನು ಜನಸಾಮಾನ್ಯರು ಗುರುತಿಸದಿರುವುದರಿಂದ ಅದರ ಪೌಷ್ಟಿಕಾಂಶದ ಮೇಲೆ ದುಷ್ಪರಿಣಾಮ ಬೀರುವುದಲ್ಲದೆ, ಜನರ ಆರೋಗ್ಯದ ಜೊತೆಗೆ ಆಟವಾಡುತ್ತಿದೆ.

ಐಐಟಿ ಮದ್ರಾಸ್ 3ಡಿ ಪೇಪರ್ ಆಧಾರಿತ ಪೋರ್ಟಬಲ್ ಸಾಧನವನ್ನು ಕಂಡುಹಿಡಿದಿದೆ. ಇದು ಕೇವಲ 30 ಸೆಕೆಂಡುಗಳಲ್ಲಿ ಹಾಲಿನಲ್ಲಿರುವ ಕಲಬೆರಕೆಯನ್ನು ಪತ್ತೆ ಮಾಡುತ್ತದೆ. ನೀವು ಮನೆಯಲ್ಲಿಯೂ ಈ ಪರೀಕ್ಷೆಯನ್ನು ಮಾಡಬಹುದು. ಮುಂದಿನ ದಿನಗಳಲ್ಲಿ ಸರ್ಕಾರದ ಅನುಮೋದನೆಯ ನಂತರ ಸಾಧನವು ಎಲ್ಲಾ ಜನರಿಗೆ ಲಭ್ಯವಿರಬಹುದು.