Electric Scooter Offer: ಈ ಎಲೆಕ್ಟ್ರಿಕ್ ಸ್ಕೂಟರ್​ ಖರೀದಿಸಿದ್ರೆ 30 ಸಾವಿರ ಮೌಲ್ಯದ ಎಲೆಕ್ಟ್ರಿಕ್ ಸೈಕಲ್ ಫ್ರೀ! ಈ ಆಫರ್ ಮತ್ತೆ ಬರಲಿಕ್ಕಿಲ್ಲ!

ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ಖರೀದಿಸಲು ಯೋಚಿಸುತ್ತಿದ್ದವರಿಗೇ ಇದೀಗ ಗುಡ್​ ನ್ಯೂಸ್​. ಇದೀಗ ಎಲೆಕ್ಟ್ರಿಕ್​​ ಸ್ಕೂಟರ್​ ಖರೀದಿಸುವವರಿಗೆ ಕಂಪೆನಿಯೊಂದು ಅದ್ಭುತ ಕೊಡುಗೆ ನೀಡಿದೆ. 

ಈ ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ಖರೀದಿಸಿದ್ರೆ ಉಚಿತ ರೂ. 30 ಸಾವಿರ ಮೌಲ್ಯದ ಎಲೆಕ್ಟ್ರಿಕ್ ಬೈಸಿಕಲ್ (ಇವಿ) ಗೆಲ್ಲಲು ಒಂದು ಅವಕಾಶ ಲಭ್ಯವಿದೆ. ಇದು ಹೇಗೆ ಎಂಬ ಕುತೂಹಲ ನಿಮಗೂ ಇದ್ರೆ ಈ ಲೇಖನವನ್ನೊಮ್ಮೆ ಓದಿ.

ಗ್ರೀವ್ಸ್ ಕಾಟನ್ ಒಡೆತನದ ಗ್ರೀವ್ಸ್ ರಿಟೇಲ್ ತನ್ನ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನದ ಖರೀದಿಯ ಮೇಲೆ ಗಮನ ಸೆಳೆಯುವ ಕೊಡುಗೆಯನ್ನು ಘೋಷಿಸಿದೆ. ಗ್ರೀವ್ಸ್ ರಿಟೇಲ್ ಶೋರೂಮ್‌ಗೆ ಭೇಟಿ ನೀಡುವ ಮೂಲಕ ಈ ಕೊಡುಗೆಯನ್ನು ನೀವು ಪಡೆಯಬಹುದು. ಇದು ಸೀಮಿತ ಅವಧಿಯ ಕೊಡುಗೆಯಾಗಿದೆ.

ಆದ್ದರಿಂದ, ಒಂದು ವೇಳೆ ಲೇಟಾದರೆ ಆಫರ್ ಲಭ್ಯವಾಗದಿರಬಹುದು. ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ಅಥವಾ ಇತರ ಎಲೆಕ್ಟ್ರಿಕ್ ಬೈಕ್ ಖರೀದಿಸಲು ಯೋಚಿಸುತ್ತಿರುವವರು ಈ ಸ್ಕೂಟರ್​ ಅನ್ನು ಪರಿಶೀಲಿಸಬಹುದು. ಕಂಪೆನಿಯು ಫೇಸ್‌ಬುಕ್ ಮೂಲಕ ಈ ಕೊಡುಗೆಯ ಮಾಹಿತಿಯನ್ನು ಪ್ರಕಟಿಸಿದೆ.

ಈ ಕೊಡುಗೆಯು ಪ್ರಾದೇಶಿಕ ಆಧಾರದ ಮೇಲೆ ಬದಲಾಗಬಹುದು. ಆದ್ದರಿಂದ ಆಫರ್‌ನ ಸಂಪೂರ್ಣ ವಿವರಗಳನ್ನು ತಿಳಿದುಕೊಳ್ಳಲು ನಿಮ್ಮ ಹತ್ತಿರದ ಗ್ರೀವ್ಸ್ ಕಾಟನ್ ರಿಟೇಲ್ ಶೋರೂಮ್‌ಗೆ ಭೇಟಿ ನೀಡುವುದು ಉತ್ತಮ.

ಈ ಮಧ್ಯೆ, ಗ್ರೀವ್ಸ್ ಕಾಟನ್ ಕಂಪೆನಿಯು ಮಾರುಕಟ್ಟೆಯಲ್ಲಿ ಹಲವಾರು ಎಲೆಕ್ಟ್ರಿಕ್ ಸ್ಕೂಟರ್‌ಗಳನ್ನು ಮಾರಾಟ ಮಾಡುತ್ತಿದೆ ಅವುಗಳೆಂದರೆ Zeal EX, Magnus, Primus. ಆಂಪಿಯರ್ ಬ್ರಾಂಡ್ ಅಡಿಯಲ್ಲಿ ಎಲೆಕ್ಟ್ರಿಕ್ ಸ್ಕೂಟರ್‌ಗಳು ಲಭ್ಯವಿದೆ.

ಕಂಪೆನಿಯು ಇತ್ತೀಚೆಗೆ ಆಂಪಿಯರ್ ಪ್ರೈಮಸ್ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಬಿಡುಗಡೆ ಮಾಡಿದೆ. ಇದರ ಗರಿಷ್ಠ ವೇಗ ಗಂಟೆಗೆ 77 ಕಿಲೋಮೀಟರ್. ಕೇವಲ 4.2 ಸೆಕೆಂಡುಗಳಲ್ಲಿ 0 ರಿಂದ 40 kmph ವೇಗವನ್ನು ಹೆಚ್ಚಿಸುತ್ತದೆ. ಒಂದು ಬಾರಿ ಚಾರ್ಜ್ ಮಾಡಿದರೆ 107 ಕಿಲೋಮೀಟರ್​ವರೆಗೆ ಹೋಗಬಹುದು.

ಇನ್ನು ಈ ವಾಹನದಲ್ಲಿ 48V 3KW ಲಿಥಿಯಂ ಐಯಾನ್ ಬ್ಯಾಟರಿಯನ್ನು ಅಳವಡಿಸಲಾಗಿದೆ. ಬ್ಯಾಟರಿಯನ್ನು ಸಂಪೂರ್ಣವಾಗಿ ಚಾರ್ಜ್ ಮಾಡಲು 5 ಗಂಟೆ ತೆಗೆದುಕೊಳ್ಳುತ್ತದೆ. ಇನ್ನು ಈ ಸ್ಕೂಟರ್​ನಲ್ಲಿ ವಿಶೇಷವಾಗಿ ರೈಡಿಂಗ್ ಮೋಡ್‌ಗಳು ಇಕೋ, ಸಿಟಿ, ಪಿಡಬ್ಲ್ಯೂಆರ್ ಮತ್ತು ರಿವರ್ಸ್ ಆಯ್ಕೆಗಳೂ ಇವೆ. ಕಾಂಬಿ ಬ್ರೇಕಿಂಗ್ ಸಿಸ್ಟಂ ಸಹ ಇದೆ. ಇದರ ಬೆಲೆ 1,09,900 ರೂಪಾಯಿ.

ಝೀಲ್​ ಎಲೆಕ್ಟ್ರಿಕ್ ಸ್ಕೂಟರ್ ಬಗ್ಗೆ ಹೇಳುವುದಾದ್ರೆ, ಅದರ ವ್ಯಾಪ್ತಿಯು 80 ರಿಂದ 100 ಕಿಲೋಮೀಟರ್ ಆಗಿದೆ. ಬ್ಯಾಟರಿ ಚಾರ್ಜ್ ಮಾಡಲು ಸುಮಾರು 5 ಗಂಟೆ ತೆಗೆದುಕೊಳ್ಳುತ್ತದೆ. ಇದರ ಬೆಲೆ ರೂ. 69,900. ಇದರ ಗರಿಷ್ಠ ವೇಗ ಗಂಟೆಗೆ 55 ಕಿ.ಮೀ.

ಇನ್ನು ಮ್ಯಾಗ್ನಸ್ ಎಲೆಕ್ಟ್ರಿಕ್ ಸ್ಕೂಟರ್ ಬೆಲೆ ರೂ. 82 ಸಾವಿರ. ಈ ಎಲೆಕ್ಟ್ರಿಕ್ ಸ್ಕೂಟರ್ ಖರೀದಿಯ ಮೇಲೆ ನೀವು ಅಗ್ಗದ ಬಡ್ಡಿ ದರದಲ್ಲಿ ಸಾಲವನ್ನು ಸಹ ಪಡೆಯಬಹುದು. ಬಡ್ಡಿ ದರವು 8.99 ಪ್ರತಿಶತದಿಂದ ಪ್ರಾರಂಭವಾಗುತ್ತದೆ.

ಆದರೆ ವಿಶೇಷವಾಗಿ ಗ್ರೀವ್ಸ್ ಕಾಟನ್ ರಿಟೇಲ್ ಕಂಪೆನಿಯು ಬಹು-ಬ್ರಾಂಡ್ EV ಪ್ಲಾಟ್‌ಫಾರ್ಮ್ ಆಗಿದೆ. ಎಲೆಕ್ಟ್ರಿಕ್ ಸ್ಕೂಟರ್‌ಗಳು, ಎಲೆಕ್ಟ್ರಿಕ್ ಬೈಕ್‌ಗಳು, ಎಲೆಕ್ಟ್ರಿಕ್ ಬೈಸಿಕಲ್‌ಗಳು ಮತ್ತು ವಿವಿಧ ಕಂಪೆನಿಗಳ ಎಲೆಕ್ಟ್ರಿಕ್ ಆಟೋಗಳು ಈ ಶೋ ರೂಂನಲ್ಲಿ ಲಭ್ಯವಿದೆ.