Family Finance: ತಿಂಗಳ ಕೊನೇಲಿ ಕೈಯಲ್ಲಿ ದುಡ್ಡಿರಬೇಕಂದ್ರೆ ಹೀಗಿರಲಿ ಪ್ಲ್ಯಾನ್​!

ಹೆಚ್ಚಾಗಿ ಗಂಡ-ಹೆಂಡ್ತಿ ನಡುವೆ ಜಗಳ ಶುರುವಾಗೋದು ದುಡ್ಡಿನ ವಿಚಾರಕ್ಕೆ ಅಂದ್ರೆ ತಪ್ಪಾಗಲ್ಲ. ಸಂಬಳ ಬಂದಾಗ ಕೈಯಲ್ಲಿ ಹಣ ಹೆಚ್ಚಿದ್ದಾಗ ಚೆನ್ನಾಗಿ ಖರ್ಚು ಮಾಡ್ತೀರಾ. ಆದರೆ ತಿಂಗಳ ಕೊನೆಯಲ್ಲಿ ಒಂದ್​ ಒಂದು ರೂಪಾಯಿಗೆ ಕಷ್ಟ ಪಡಬೇಕಾದ ಸ್ಥಿತಿ ನಿರ್ಮಾಣವಾಗುತ್ತೆ.

ಮನೆಯ ಇಬ್ಬರೂ ದುಡಿಯಬೇಕು. ಒಬ್ಬರೇ ದುಡಿಯುವುದು ಅನಿವಾರ್ಯವೆಂದಾಗ ಖರ್ಚಿನ ಬಗ್ಗೆ ಹೆಚ್ಚು ಗಮನ ನೀಡಬೇಕಾಗುತ್ತದೆ. ಅನೇಕ ದಂಪತಿ (Couple) ಮಧ್ಯೆ ಗಲಾಟೆಗೆ ಇದೇ ಹಣ ಕಾರಣವಾಗುತ್ತದೆ.

ಹಣದ ವಿಷ್ಯ ದಂಪತಿ ಕಲಹಕ್ಕೆ ಕಾರಣವಾಗಬಾರದು ಎಂದಾದ್ರೆ ಕೆಲವು ಸಲಹೆಗಳನ್ನು ಗಂಡ-ಹೆಂಡತಿ ಫಾಲೋ ಮಾಡಬೇಕಾಗುತ್ತದೆ. ಆಗ ಮಾತ್ರ ಇಬ್ಬರೂ ನೆಮ್ಮದಿಯಾಗಿರಬಹುದು.

ಬಜೆಟ್​ ತುಂಬಾ ಮುಖ್ಯ: ತಿಂಗಳ ಆರಂಭದಲ್ಲಿ ಬಜೆಟ್ ಸಿದ್ಧಪಡಿಸಬೇಕು. ಈ ತಿಂಗಳು (Month) ಯಾವುದಕ್ಕೆ ಎಷ್ಟು ಖರ್ಚಾಗುತ್ತದೆ ಎಂಬ ಪಟ್ಟಿ ನಿಮ್ಮ ಕೈನಲ್ಲಿರಬೇಕು. ಹಾಗೆ ಉಳಿತಾಯ ಎಷ್ಟು ಮಾಡ್ಬೇಕು ಎನ್ನುವ ನಿರ್ಧಾರ ಮಾಡಿರ್ಬೇಕು. ಬಜೆಟ್ ತಯಾರಿಸಿದ್ರೆ ಸಾಲದು. ಅದರಂತೆ ನೀವು ನಡೆದುಕೊಳ್ಳಬೇಕಾಗುತ್ತದೆ.

ಪ್ರಯಾಣದ ವೆಚ್ಚ : ವಾರಪೂರ್ತಿ ಕೆಲಸ ಮಾಡಿ ಸುಸ್ತಾಗಿರುವ ಜನರು ವೀಕೆಂಡ್ ನಲ್ಲಿ ಹೊರಗೆ ಹೋಗ್ತಾರೆ. ಆಗ ಮಿತಿ ಮೀರಿ ಹಣ ಖರ್ಚಾಗಿರುತ್ತದೆ. ಇದು ತಿಂಗಳ ಕೊನೆಯಲ್ಲಿ ಸಾಲ ಮಾಡುವ ಹಂತಕ್ಕೆ ತಂದು ನಿಲ್ಲಿಸುತ್ತದೆ. ಹೀಗಾಗಿ ವಿಕೇಂಡ್​ಗೆ ಅಂತ ತಿಂಗಳ ಮೊದಲಲ್ಲೇ ಹಣ ಫಿಕ್ಸ್ ಮಾಡಿ

ಅನವಶ್ಯಕ ಖರ್ಚು ಬೇಡ: ದುಡಿಯುವುದೇ ಆರಾಮಾಗಿ ಕಣ್ಣಿಗೆ ಕಾಣಿಸಿದ್ದನ್ನೆಲ್ಲಾ ಕೊಂಡುಕೊಳ್ಳೋಕೆ ಅಂತ ಖರ್ಚು ಮಾಡಬೇಡಿ. ನಿಮ್ಮ ಭವಿಷ್ಯಕ್ಕೂ ದುಡ್ಡು ಬೇಕು. ಮೀತಿಯಲ್ಲಿ ಹಣ ಖರ್ಚು ಮಾಡಿದ್ರೆ ತಿಂಗಳ ಕೊನೆಯಲ್ಲಿ ನೆಮ್ಮದಿಯಿಂದ ಇರಬಹುದು.

ಆದಾಯದಲ್ಲಿ ಭಾಗ ಮಾಡಿಕೊಳ್ಳಿ: ಇಬ್ಬರೂ ದುಡಿಯುತ್ತಿದ್ದರೆ ಒಬ್ಬರ ಆದಾಯವನ್ನು ಉಳಿತಾಯಕ್ಕೆ ಹಾಗೂ ಇನ್ನೊಬ್ಬರ ಆದಾಯ (Income) ವನ್ನು ಖರ್ಚಿಗೆ ಬಳಸಬಹುದು. ಅದು ಸಾಧ್ಯವಿಲ್ಲವೆಂದ್ರೆ ಇಬ್ಬರೂ ಖರ್ಚಿನಲ್ಲಿ ಪಾಲು ಪಡೆಯಬಹುದು.

ಹಣ ಸೇವ್ ಮಾಡೋದು ಮುಖ್ಯ; ಬಂದ ಸಂಬಳದಲ್ಲಿ ಕೊಂಚ ಹಣ ಸೇವ್ ಮಾಡಿದರೂ ಸಾಕು. ಆ ಹಣ ನಿಮಗೆ ತಿಂಗಳ ಕೊನೆಯಲ್ಲಿ ಸಹಾಯಕ್ಕೆ ಬರುತ್ತೆ. ಹಾಗಂತ ಜಿಪುಣತನ ಜೀವನ ಮಾಡಿ ಅಂತಲ್ಲ. ಫೈನಲ್​ ಆಗಿ ಕಷ್ಟ ಪಟ್ಟು ದುಡಿಯುವುದು ನೆಮ್ಮದಿಯಾಗಿ ಇರೋಕೆ ಅಲ್ವಾ?