Success Story: ರಜೆ ಕೇಳಿದ್ದಕ್ಕೆ ಕೊಡಲೊಪ್ಪದ ಕಂಪನಿ, ಕೆಲಸಕ್ಕೆ ಗುಡ್​ ಬೈ ಹೇಳಿ ಟೀ ಅಂಗಡಿ ನಡೆಸಿ ಯಶಸ್ಸು ಕಂಡ ದಂಪತಿ

ಇಂದಿನ ದಿನಗಳಲ್ಲಿ ಪ್ರತಿಯೊಬ್ಬರ ಗುರಿ ಹಣ ಸಂಪಾದನೆ ಮಾಡುವುದೇ ಆಗಿದೆ. ಅದನ್ನು ಹೇಗೆ ಗಳಿಸುತ್ತಾರೆ ಎಂಬುದು ಮುಖ್ಯವಾಗುವುದಿಲ್ಲ. ಕೆಲವರು ತಮ್ಮ ಕೆಲಸದ ಜೊತೆಗೆ ಸೈಡ್​  ಬ್ಯುಸಿನೆಸ್​ ಮಾಡುತ್ತಿರುತ್ತಾರೆ. ಇನ್ನೂ ಕೆಲವರು ಬಿಡುವಿನ ವೇಳೆಯಲ್ಲಿ ಮನೆಯಲ್ಲಿಯೇ ಟ್ಯೂಷನ್ ಮಾಡುವುದು, ಸೂಪರ್ ಮಾರ್ಕೆಟ್ ನಡೆಸುವುದು ಮುಂತಾದ ಕೆಲಸಗಳನ್ನು ಮಾಡುವ ಮೂಲಕ ಹಣ ಸಂಪಾದನೆ ಮಾಡುತ್ತಾರೆ.

  ಇನ್ನು ಕೆಲವರು ಹಣ ಸಂಪಾದನೆಗಾಗಿ ವಿದೇಶಗಳಿಗೂ ಹೋಗಿ ದುಡಿಯುತ್ತಾರೆ. ಕೆಲವರು ಇರುವ ಊರಿನಲ್ಲೇ ಯಾವುದಾದರೂ ವ್ಯಾಪಾರ ಮಾಡುತ್ತಿದ್ದಾರೆ. ಇಲ್ಲೊಂದು ದಂಪತಿ ಇದ್ದ ಕೆಲಸವನ್ನು ಬಿಟ್ಟು ತಮ್ಮ ಊರಲ್ಲೇ ಟೀ ಸ್ಟಾಲ್ ಹಾಕಿಕೊಂಡು ಸಾವಿರಾರು ರೂಪಾಯಿಗಳಿಸುತ್ತಿದ್ದಾರೆ.

ಉತ್ತರಾಖಂಡದ ಹರಿದ್ವಾರದ ಶಿವಾಲಿಕ್ ನಗರ ಚೌಕ್ ಬಳಿಯ ಟೀ ಸ್ಟಾಲ್‌ನಲ್ಲಿ ಜನರು ಬೆಳಿಗ್ಗೆಯಿಂದ ಸಂಜೆಯವರೆಗೆ ಚಹಾ ಕುಡಿಯುವುದನ್ನು ಕಾಣಬಹುದು. ಈ ಟೀ ಸ್ಟಾಲ್ ಅನ್ನು ಯುವತಿಯೊಬ್ಬಳು ತನ್ನ ಪತಿಯೊಂದಿಗೆ ನಡೆಸುತ್ತಿದ್ದಾಳೆ. ಶಿವಾಲಿಕ್ ನಗರದ ಚಿನ್ಮಯ ಪದವಿ ಕಾಲೇಜು ಎದುರಿನ ಖಾಲಿ ಜಾಗದಲ್ಲಿ ನಿಧಿ ಎಂಬ ಯುವತಿ ಮತ್ತು ಆಕೆಯ ಪತಿ ರೂಪೇಶ್ ಟೀ ಅಂಗಡಿ ನಡೆಸುತ್ತಿದ್ದಾರೆ. ಅವರ ಶಾಪ್​ನಲ್ಲಿ ನಾಲ್ಕು ವಿಧದ ಚಹಾ ಸಿಗುತ್ತದೆ.

ಇವುಗಳಲ್ಲಿ ವಿಶೇಷವಾದವುಗಳೆಂದರೆ ಮಸಾಲಾ ಟೀ, ಕುಲ್ಹಾದ್ ಟೀ, ಚಾಕೊಲೇಟ್ ಟೀ, ಏಲಕ್ಕಿ ಟೀ. ಇಲ್ಲಿ ಲಭ್ಯವಿರುವ ಟೀಗಳ ಬೆಲೆಗಳು ವಿಭಿನ್ನವಾಗಿರುತ್ತವೆ. ಈ ಚಿಕ್ಕ ಟೀ ಸ್ಟಾಲ್ ಮೂಲಕ ಹಾದು ಹೋಗುವ ಜನರು, ಸಮೀಪದಲ್ಲಿ ವಾಸಿಸುವ ಜನರು ಚಹಾ ಕುಡಿಯಲು ಬರುತ್ತಾರೆ. ಕೆಲವೊಮ್ಮೆ ಇಲ್ಲಿ ಚಹಾಕ್ಕಾಗಿ ಸರದಿಯಲ್ಲಿ ಕಾಯಬೇಕಾದ ಪರಿಸ್ಥಿತಿ ಉಂಟಾಗುತ್ತದೆ.

ಇದಕ್ಕೂ ಮೊದಲು ನಿಧಿ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದರು. ಮನೆಯಲ್ಲಿ ತುರ್ತು ಕೆಲಸದ ಕಾರಣ  15 ದಿನ ರಜೆ ಕೇಳಿದಾಗ ಕಂಪನಿ ನಿರಾಕರಿಸಿತು. ಇದಾದ ನಂತರ ನಿಧಿ ಕಂಪನಿಯನ್ನು ತೊರೆದು ತನ್ನದೇ ಆದ ಚಹಾ ವ್ಯಾಪಾರವನ್ನು ಪ್ರಾರಂಭಿಸಿದ್ದಾರೆ. ಈ ಚಹಾ ಅಂಗಡಿ ಫೇಮಸ್​ ಆಗಿದೆ. ತಮ್ಮ ಚಹಾದ ರುಚಿ ಹರಿದ್ವಾರದಲ್ಲಿ ಲಭ್ಯವಿರುವ ಇತರ ಚಹಾಗಳಿಗಿಂತ ಭಿನ್ನವಾಗಿದೆ ಎಂದು ನಿಧಿ ಹೇಳುತ್ತಾರೆ. ಕುಲ್ಹಾದ್ ಟೀ, ಏಲಕ್ಕಿ ಟೀ, ಚಾಕೊಲೇಟ್ ಟೀ ಮತ್ತು ಮಸಾಲಾ ಟೀ ಸೇರಿದಂತೆ ನಾಲ್ಕು ವಿಧದ ಟೀಗಳನ್ನು ನಿಧಿ ತಯಾರಿಸುತ್ತಿದ್ದಾರೆ.

ಅವರು ಕಡಿಮೆ ಬಜೆಟ್‌ನಲ್ಲಿ ಚಿಕ್ಕ ಟೀ ಸ್ಟಾಲ್ ಹಾಕಿಕೊಂಡಿದ್ದಾರೆ. ಅವರು ದಿನಕ್ಕೆ 250 ರಿಂದ 300 ಕಪ್ ಚಹಾವನ್ನು ಮಾರಾಟ ಮಾಡುವ ಮೂಲಕ  ಕಡಿಮೆ ಅಂದರೂ ಪ್ರತಿದಿನ 2500ಯಿಂದ  3000 ಸಾವಿರ ರೂಪಾಯಿ ಸಂಪಾದಿಸುತ್ತಿದ್ದಾರೆ. ನಿಧಿ ತಯಾರಿಸಿದ ಚಹಾವನ್ನು ಜನರು ಇಷ್ಟಪಡಲು ಮುಖ್ಯ ಕಾರಣವೆಂದರೆ ಅವರ ಮಸಾಲೆ ಟೀ. ಅದಕ್ಕೆ ಈ ಶಾಪ್​ನಲ್ಲಿ ಹೆಚ್ಚಿನ ಬೇಡಿಕೆಯಿದೆ.

ಇಲ್ಲಿನ ಟೀ ತುಂಬಾ ಚೆನ್ನಾಗಿದೆ, ಬೇರೆ ಕಡೆ ಸಿಗುವ ಟೀಗಿಂತ ರುಚಿಯೇ ಬೇರೆ ಎಂದು ನಿಧಿ ಅವರ ಸ್ಟಾಲ್‌ಗೆ ಬಂದಿದ್ದ ಗ್ರಾಹಕರ ಅಭಿಪ್ರಾಯವಾಗಿದೆ.  ಹರಿದ್ವಾರದಲ್ಲಿ ಬೇರೆಯವರು ಟೀ ಮಾಡುತ್ತಾರೆ, ಆದರೆ ಇಲ್ಲಿನ ಚಹಾ ಅವರಿಗಿಂತ ಭಿನ್ನವಾಗಿದೆ . ಚಹಾ ಕುಡಿದು ಇಲ್ಲಿಗೆ ಹೋದವರು ಮತ್ತೊಮ್ಮೆ ಚಹಾ ಕುಡಿಯಲು ಬರುತ್ತಾರೆ ಎಂದು ಗ್ರಾಹಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.