UMANG App ಮೂಲಕ ಸುಲಭವಾಗಿ ನಿಮ್ಮ ಪಿಎಫ್​ ಖಾತೆಯಿಂದ ಹೀಗೆ ಹಣ ಡ್ರಾ ಮಾಡಿ!

ಉದ್ಯೋಗಿಗಳ ತಿಂಗಳ ವೇತನದ ಒಂದು ಭಾಗವನ್ನು ಉದ್ಯೋಗಿಗಳ ಭವಿಷ್ಯ ನಿಧಿ ಠೇವಣಿ ಇಡಲಾಗುತ್ತದೆ. ಇಪಿಎಫ್ ಖಾತೆದಾರರು ನಿವೃತ್ತಿ ಬಳಿಕ ಇಪಿಎಫ್ಒನಲ್ಲಿರುವ ಸಂಪೂರ್ಣ ಹಣವನ್ನು ವಿತ್ ಡ್ರಾ ಮಾಡಬಹುದು.

ತುರ್ತು ಸಂದರ್ಭಗಳಲ್ಲಿ ಇಪಿಎಫ್ ಖಾತೆದಾರರು ತಮ್ಮ ಪಿಎಫ್ ಖಾತೆಯಲ್ಲಿರುವ ಹಣವನ್ನು ವಿತ್ ಡ್ರಾ ಮಾಡಬಹುದು. ಇಪಿಎಫ್​ ಅಧಿಕೃತ ವೆಬ್​ಸೈಟ್​ಗೆ ಹೋಗಿ ನೀವು ಹಣವನ್ನು ವಿತ್​ ಡ್ರಾ ಮಾಡಬಹುದು.

ಇಲ್ಲದಿದ್ರೆ ಸರ್ಕಾರದ ಉಮಂಗ್ ಆ್ಯಪ್​ನಲ್ಲಿಯೂ ನೀವು ಹಣ ಡ್ರಾ ಮಾಡಬಹುದು. ಎಲ್ಲೂ ಹೋಗದೇ ಮನೆಯಲ್ಲೇ ಕೂತು ನೀವು ಆ್ಯಪ್​ ಮೂಲಕ ಹಣವನ್ನು ಡ್ರಾ ಮಾಡಬಹುದು.

ಸಾಮಾನ್ಯವಾಗಿ ಜನರು ಮದುವೆ ಖರ್ಚು, ಕುಟುಂಬ ಸದಸ್ಯರ ವೈದ್ಯಕೀಯ ವೆಚ್ಚಗಳಿಗಾಗಿ ಪಿಎಫ್ ಖಾತೆಯಿಂದ ಹಣ ವಿತ್ ಡ್ರಾ ಮಾಡುತ್ತಾರೆ. ಈಗ ಉಮಂಗ್ ಆ್ಯಪ್​ ಮೂಲಕ ಹಣ ಹೇಗೆ ಡ್ರಾ ಮಾಡ್ಬೇಕು ಅಂತ ಹಂತ ಹಂತಬವಾಗಿ ಇಲ್ಲಿ ತೋರಿಸಲಾಗಿದೆ.

ಈ ಆ್ಯಪ್​ನಲ್ಲಿ ಹಣ ಮಾಡಲು ನಿಮ್ಮ ಯುನಿವರ್ಸಲ್ ಖಾತೆ ಸಂಖ್ಯೆ (ಯುಎಎನ್) ಅನ್ನು ಆಧಾರ್ ಸಂಖ್ಯೆ ಜೊತೆಗೆ ಲಿಂಕ್ ಮಾಡೋದು ಅಗತ್ಯ. ಇದು ಆಗದಿದ್ದರೆ, ನೀವು ಹಣ ವಿತ್​ ಡ್ರಾ ಮಾಡುವುದು ಅಸಾಧ್ಯ.

ಮೊದಲಿಗೆ ಉಮಂಗ್ ಆ್ಯಪ್‌ ಡೌನ್ ಲೋಡ್ ಮಾಡಿಕೊಳ್ಳಿ. ಆ ಬಳಿಕ ನಿಮ್ಮ ಮೊಬೈಲ್ ಸಂಖ್ಯೆ ಬಳಸಿ ನೋಂದಣಿ ಮಾಡಿ.ಆ್ಯಪ್‌ ನಲ್ಲಿ ಲಭ್ಯವಿರುವ ಅನೇಕ ಆಯ್ಕೆಗಳಲ್ಲಿ ಇಪಿಎಫ್​ಒ ಆಯ್ಕೆಯನ್ನು ಕ್ಲಿಕ್ ಮಾಡಿ.

ಕ್ಲೇಮ್ ಆಯ್ಕೆ ಆರಿಸಿ ನಿಮ್ಮ ಯುಎಎನ್ ಸಂಖ್ಯೆ ಭರ್ತಿ ಮಾಡಿ.ಬಳಿಕ ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಬಂದಿರುವ ಒಟಿಪಿಯನ್ನು ಇಪಿಎಫ್ಒ ನಲ್ಲಿ ನಮೂದಿಸಿ.

ನಿಮ್ಮ ಪಿಎಫ್ ಖಾತೆಯಿಂದ ವಿತ್ ಡ್ರಾ ವಿಧಾನ ಆಯ್ಕೆ ಮಾಡಿ ಹಾಗೂ ಅರ್ಜಿಯಲ್ಲಿ ಭರ್ತಿ ಮಾಡಿ. ಅರ್ಜಿಯನ್ನು ಸಲ್ಲಿಕೆ ಮಾಡಿ ಹಾಗೂ ವಿತ್ ಡ್ರಾ ಮನವಿಗೆ ರೆಫರೆನ್ಸ್ ಸಂಖ್ಯೆ ಸ್ವೀಕರಿಸಿ.ಈ ರೆಫರೆನ್ಸ್ ಸಂಖ್ಯೆ ಬಳಸಿಕೊಂಡು ವಿತ್ ಡ್ರಾ ಮನವಿ ಟ್ರ್ಯಾಕ್ ಮಾಡಿ. 5 ರಿಂದ 6 ದಿನದೊಳಗೆ ಹಣ ನಿಮ್ಮ ಖಾತೆ ಸೇರುತ್ತೆ.