Aadhaar Card: ಇನ್ಮುಂದೆ ಯಾವುದೇ ದಾಖಲೆ ಇಲ್ಲದೇ ಆಧಾರ್​ ಕಾರ್ಡ್ ಮಾಡಿಸಬಹುದು!

ಇನ್ನೂ ಕೆಲವರು ಆಧಾರ್​ ಕಾರ್ಡ್ ಮಾಡಿಸಿಲ್ಲ. ಆಧಾರ್​ ಕಾರ್ಡ್ ಪ್ರತಿಯೊಬ್ಬರು ಮಾಡಿಸಲೇಬೇಕು. ಇನ್ನೂ ಮಾಡಿಸಿಲ್ಲ ಅಂತ ಟೆನ್ಶನ್​ ಮಾಡ್ಕೋಬೇಡಿ. ಆಧಾರ್​ ಕಾರ್ಡ್ ಮಾಡಿಸೋಕೆ ಸರಿಯಾದ ವಿಳಾಸದ ಪುರಾವೆ ಇಲ್ವಾ?

ಇನ್ಮುಂದೆ ಯಾವುದೇ ದಾಖಲೆಗಳಿಲ್ಲದೆಯೂ ನೀವು ಆಧಾರ್ ಕಾರ್ಡ್ ಮಾಡಿಸಬಹುದು. ಹೌದು, ನಿಮ್ಮ ಬಳಿ ವಿಳಾಸದ ಯಾವುದೇ ಪುರಾವೆ ಇಲ್ಲದಿದ್ದರೂ ಕೂಡ ನೀವು ಸುಲಭವಾಗಿ ಆಧಾರ್ ಕಾರ್ಡ್ ಅನ್ನು ಪಡೆಯಬಹುದು.

ಏಕೆಂದರೆ ದಾಖಲೆಗಳಿಲ್ಲದೆ ಆಧಾರ್ ಕಾರ್ಡ್‌ಗೆ ಅರ್ಜಿ ಸಲ್ಲಿಸುವ ವ್ಯಕ್ತಿಗಳಿಗೆ ಸಹಾಯ ಮಾಡಲು ಯುಐಡಿಎಐ ಪ್ರಮಾಣಿತ ಪ್ರಮಾಣಪತ್ರವನ್ನು ನೀಡುತ್ತದೆ.

ಇದನ್ನು ಪಡೆಯಲು ನೀವು ಕೆಲವು ನಿಯಮಗಳನ್ನು ಅನುಸರಿಸುವುದರ ಜೊತೆಗೆ ಕೆಲವು ಪ್ರಮುಖ ವಿಷಯಗಳ ಬಗ್ಗೆ ನಿಗಾವಹಿಸಬೇಕಾಗುತ್ತದೆ.

ಯುಐಡಿಎಐ ಸುತ್ತೋಲೆಯ ಪ್ರಕಾರ, ಆಧಾರ್ ಮಾಡಲು ಸಂಸದರು, ಶಾಸಕರು, ಗೆಜೆಟೆಡ್ ಅಧಿಕಾರಿಗಳು ಅಥವಾ ತಹಸೀಲ್ದಾರ್ ಅವರಂತಹ ವಿವಿಧ ಕಾರ್ಯನಿರ್ವಾಹಕರಿಂದ ಪ್ರಮಾಣಿತ ಪ್ರಮಾಣಪತ್ರಗಳನ್ನು ಪಡೆಯಬಹುದು.

ನೀವು ಶಿಕ್ಷಣ ಸಂಸ್ಥೆಯ ಮುಖ್ಯಸ್ಥರು, ಕೌನ್ಸಿಲರ್, ಅನಾಥಾಶ್ರಮದ ಮುಖ್ಯಸ್ಥರು ಅಥವಾ ಗ್ರಾಮ ಪಂಚಾಯತ್ ಮುಖ್ಯಸ್ಥರಿಂದಲೂ ಸಹ ಪ್ರಮಾಣಿತ ಪ್ರಮಾಣಪತ್ರವನ್ನು ಪಡೆಯಬಹುದು.

ಈ ಅರ್ಜಿಗಳ ಮೂಲಕವೇ ಆಧಾರ್ ಕಾರ್ಡ್ ಪಡೆಯಲು ಯುಐಡಿಐ ಆದೇಶ ಹೊರಡಿಸಿದ್ದು, ಫೆಬ್ರವರಿ 15ರಿಂದ ಅರ್ಜಿಗಳು ಲಭ್ಯವಾಗಿವೆ. ಎಲ್ಲಾ ಭಾಷೆಗಳಲ್ಲಿಯೂ ಅರ್ಜಿಗಳು ಸಿಗಲಿವೆ. (ಸಾಂದರ್ಭಿಕ ಚಿತ್ರ)

ಈ ಪ್ರಮಾಣಪತ್ರವು ವಿಶೇಷವಾಗಿ ವಿಳಾಸದ ಪುರಾವೆಗಾಗಿ ಯಾವುದೇ ದಾಖಲೆಯನ್ನು ಹೊಂದಿಲ್ಲದವರಿಗೆ ತುಂಬಾ ಪ್ರಯೋಜನಕಾರಿ ಆಗಿದೆ. ಇದು ಆಧಾರ್ ಕಾರ್ಡ್ ಪಡೆಯಲು ನಿಮಗೆ ಸಹಾಯ ಮಾಡುತ್ತದೆ.