Savings Tips: ನೀವು ಶ್ರೀಮಂತರಾಗಬೇಕೆ? ಹಾಗಿದ್ರೆ ಸ್ವಂತ ಮನೆಗಿಂತ ಬಾಡಿಗೆ ಮನೆಯಲ್ಲಿ ಇರೋದು ಬೆಸ್ಟ್‌

ಸ್ವಂತ ಮನೆಯ ಕನಸು ಯಾರಿಗೆ ಇರೋದಿಲ್ಲ ಹೇಳಿ? ಬಾಡಿಗೆ ಮನೆಯಲ್ಲಿ ವಾಸ ಮಾಡುತ್ತಿರುವವರ ಅತಿ ದೊಡ್ಡ ಕನಸೆಂದರೆ ಅದುವೇ ಸ್ವಂತ ಮನೆ ಹೊಂದುವುದು. ಸ್ವಂತ ಮನೆ ಎನ್ನೋದು ಒಂದು ಸ್ಥಿರ ಆಸ್ತಿ ಇದ್ದ ಆಗೆ ಎನ್ನುವುದು ಬಹುತೇಕರ ಅಭಿಪ್ರಾಯ. ಇನ್ನು ಕೆಲವರಿಗೆ ಬಾಡಿಗೆ ಮನೆಯೇ ಬೆಸ್ಟ್‌. ಅದರಿಂದ ನಾವು ಬೇಗನೆ ಶ್ರೀಮಂತರಾಗಬಹುದು ಎಂದು ತಮ್ಮ ಜೀವಿತಾವಧಿಯ ಆಲ್‌ಮೋಸ್ಟ್‌ ಜೀವನವನ್ನು ಬಾಡಿಗೆ ಮನೆಯಲ್ಲಿಯೇ ಕಳೆಯುವವರು ಇದ್ದಾರೆ.

ಸ್ವಂತ ಮನೆ ಮಾಡಿಕೊಳ್ಳಬೇಕಾ ಅಥವಾ ಬಾಡಿಗೆ ಮನೆಯಲ್ಲಿ ಇರಬೇಕಾ ? ಅನ್ನೋದು ಹಲವರ ಡೌಟ್‌. ಇದರ ಕುರಿತು ಭಾರತೀಯ ಮೂಲದ ಮಿಲಿಯನೇರ್‌ ಒಬ್ಬರು ಏನ್‌ ಹೇಳ್ತಿದಾರೆ? ಕೇಳೋಣ ಬನ್ನಿ.

ಇದರ ಕುರಿತು ಭಾರತೀಯ ಮೂಲದ ಮಿಲಿಯನೇರ್‌ ರಮಿತ್‌ ಸೇಥಿ ಅವರು ಏನ್‌ ಹೇಳ್ತಿದಾರೆ? “ನೀವು ಬಾಡಿಗೆ ಮನೆಯಲ್ಲಿ ವಾಸ ಮಾಡುತ್ತಿದ್ದರೆ, ಅದರಿಂದ ಯಾವುದೇ ನಷ್ಟವಿಲ್ಲ. ಬಾಡಿಗೆ ಮನೆಯಲ್ಲಿ ಇರುವುದರಿಂದ ನಾವು ಬಡವರು ಎಂದುಕೊಳ್ಳುವ ಅವಶ್ಯಕತೆಯು ಕೂಡ ಇಲ್ಲ. ಇಂದಿನ ಆಧುನಿಕ ಕಾಲದಲ್ಲಿ ಮನೆಯನ್ನು ಹೊಂದುವುದು ಒಂದು ಗ್ರೇಟ್‌ ವಿಷಯವಾಗಿದೆ ಎಂದು ಹಲವರು ಅಂದುಕೊಳ್ಳುತ್ತಾರೆ.

"ನಾನು ಅಮೆರಿಕದಲ್ಲಿರುವ ಮನೆಮಾಲೀಕತ್ವದ ಕುರುಡು ಗೀಳಿನಿಂದ ಸಾಕಷ್ಟು ಬೇಸತ್ತಿದ್ದೇನೆ. ಏಕೆಂದರೆ ಅಮೇರಿಕಾದಲ್ಲಿ ಮನೆಯನ್ನು ಹೊಂದಿ ಮನೆ ಮಾಲೀಕತ್ವ ಪಡೆಯುವುದು ದುಬಾರಿ ಹೂಡಿಕೆ ಎಂದ್ರೂ ತಪ್ಪಾಗಲಾರದು.

ಆದರೆ ಇದನ್ನು ಲಘುವಾಗಿ ಕೂಡ ಪರಿಗಣಿಸಲು ಸಾಧ್ಯವಿಲ್ಲ. ಆದರೆ ಸ್ವಂತ ಮನೆ ಉತ್ತಮ ಆಸ್ತಿ ಎಂಬುದು ಅಮೇರಿಕನ್ನರ ಒಂದು ಹುಚ್ಚು ಕಲ್ಪನೆಯಾಗಿದೆ” ಎಂದು ರಮಿತ್‌ ಸೇಥಿ ಸುದ್ದಿ ಮಾಧ್ಯಮವಾದ ಸಿಎನ್‌ಬಿಸಿ ಮೇಕ್ ಇಟ್‌ಗೆ ತಿಳಿಸಿದ್ದಾರೆ.

“ಈಗ ಎಲ್ಲ ಕಡೆ ವಸತಿ ಬೆಲೆಗಳು ಏರಿದಾಗ ಅದರ ಪರಿಣಾಮವಾಗಿ ಸ್ವಂತ ಮನೆ ಕನಸನ್ನು ಹೊಂದಿರುವ ಸಾಕಷ್ಟು ಯುವಕರು, ಬಡವರು ಅದರ ಕನಸನ್ನೆ ಕೈ ಬಿಡುತ್ತಿದ್ದಾರೆ. ಇರೋವಷ್ಟು ದಿನ ಬಾಡಿಗೆ ಮನೆಯಲ್ಲಿ ಇರೋದು ಒಳ್ಳೆದು ಅನ್ನೊ ಭಾವನೆ ಈಗ ಬಹುತೇಕರದ್ದು” ಎನ್ನುತ್ತಾರೆ ರಮೀತ್‌.

ನಾನು ಅಂತಹ ನಗರಗಳಲ್ಲಿ ಬಾಡಿಗೆಗೆ ಹೆಚ್ಚು ಹಣವನ್ನು ವ್ಯಯ ಮಾಡಿದ್ದೇನೆ. ಮೇಲ್ನೋಟಕ್ಕೆ ಸ್ವಂತ ಮನೆ ಉತ್ತಮ ಆಸ್ತಿ ಎನಿಸಿದ್ರೂ ಸಹ ಅದನ್ನು ನಿರ್ವಹಣೆ ಬಹಳ ಕಷ್ಟದ ಕೆಲಸವಾಗಿದೆ” ಎಂದು ಸಿಎನ್‌ಬಿಸಿ ಮೇಕ್ ಇಟ್‌ಗೆ ತಿಳಿಸಿದರು.

ಆದ್ದರಿಂದ ಸ್ವಂತ ಮನೆ ಹೊಂದಿ, ಆಸ್ತಿಯನ್ನು ಮಾಡಿಕೊಳ್ಳಬಹುದಲ್ಲವೇ? ಎಂಬ ಪ್ರಶ್ನೆಯನ್ನು ನಮ್ಮ ಮುಂದಿಡುತ್ತಾರೆ. ನಿಮ್ಮ ದುಡಿಮೆಯ ಹೆಚ್ಚಿನ ಬಾಡಿಗೆ ಮನೆಗೆ ಹೋಗುತ್ತದೆ” ಎಂದು ಸಹ ಸೇರಿಸುತ್ತಾರೆ.

ಸೇಥಿ ಅವರು ಈ ಬಗ್ಗೆ ಮಾತನಾಡುತ್ತ “ನಾನು ಮ್ಯಾನ್‌ಹ್ಯಾಟನ್‌ನಲ್ಲಿ ಅಪಾರ್ಟ್ಮೆಂಟ್ ಒಂದನ್ನು ಬಾಡಿಗೆಗೆ ಪಡೆದಿದ್ದೆ. ಅದರ ಪಕ್ಕದಲ್ಲಿಯೇ ಮಾರಾಟಕ್ಕೆ ಇಟ್ಟಿದ್ದ ಒಂದು ಅಪಾರ್ಟ್ಮೆಂಟ್ ಅನ್ನು ಹುಡುಕಿದೆ. ಇವೆರಡು ಒಂದೇ ವಿಸ್ತಿರ್ಣದ ಮನೆಗಳು ಆಗಿವೆ.

ರಮಿತ್‌ ಸೇಥಿ ಅವರ ಬಗ್ಗೆ ಒಂದಿಷ್ಟು ಮಾಹಿತಿ: ರಮಿತ್‌ ಸೇಥಿ ಅವರ ನಿವ್ವಳ ಮೌಲ್ಯವು ಸುಮಾರು $20 ರಿಂದ $25 ಮಿಲಿಯನ್ (ಭಾರತೀಯ ರೂಪಾಯಿಯಲ್ಲಿ ಒಟ್ಟು ರೂ. 16 ಕೋಟಿಯಷ್ಟು ) ಎಂದು ಅಂದಾಜಿಸಲಾಗಿದೆ. ಇವರು ನ್ಯೂಯಾರ್ಕ್ ಟೈಮ್ಸ್ ಬೆಸ್ಟ್ ಸೆಲ್ಲರ್, ಐ ವಿಲ್ ಟೀಚ್ ಯು ಟು ಬಿ ರಿಚ್ ನ ಲೇಖಕರೂ ಆಗಿದ್ದಾರೆ.