Love Failure: ಪ್ರೀತಿಯಲ್ಲಿ ಮೋಸ ಹೋದವರಿಗೆ ಗುಡ್ ನ್ಯೂಸ್, ಇಲ್ಲಿ ಸಿಗುತ್ತೆ ಭರ್ಜರಿ ಡಿಸ್ಕೌಂಟ್!

ಬೆಳಗ್ಗೆ ಲವ್ವು, ಮಧ್ಯಾಹ್ನ ನೋವು, ಸಂಜೆ ಕಿವಿಯಲ್ಲಿ ದಾಸಾವಾಳ ಹೂವು ಅಂತ ಪರಮಾತ್ಮ ಸಿನಿಮಾದಲ್ಲಿ ಅಪ್ಪು ಡೈಲಾಗ್​ ಹೇಳಿದ್ದಾರೆ. ಈಗಿನ ಕಾಲದಲ್ಲಿ ಪ್ರೀತಿ ಅಂದ್ರೆ ಇದೇ ಆಗಿ ಹೋಗಿದೆ. ಪ್ರೀತಿಯಲ್ಲಿ ಸೋತವರ ಸಂಖ್ಯೆ ಹೆಚ್ಚೇ ಇದೆ.

ಅನೇಕರಿಗೆ ಕಾರಣಾಂತರಗಳಿಂದ ಪ್ರೇಮಿಗಳ ನಡುವೆ ಭಿನ್ನಾಭಿಪ್ರಾಯ ಉಂಟಾಗುತ್ತಿದೆ. ನಿಮಗೂ ಕೂಡ ಬೇಕಪ್​ ಆಗಿದ್ಯಾ? ಹಾಗಿದ್ದರೆ ಇಲ್ಲಿ ನಿಮಗೆ ಭಾರೀ ಡಿಸ್ಕೌಂಟ್​ ಸಿಗುತ್ತೆ. ಏನ್​ ಮ್ಯಾಟರ್ ಅಂತೀರಾ? ಇಲ್ಲಿದೆ ನೋಡಿ.

ಬಿಹಾರದ ಗೋಪಾಲ್​ ಗಂಜ್​ನ ಸುನೀಲ್​ ಕುಮಾರ್​ ಸಾಹ್​ ಎಂಬಾತ ಬೇಕಪ್​ ಆಗಿರುವವರಿಗೆ ಬಂಪರ್​ ಆಫರ್​ ಕೊಡುತ್ತಿದ್ದಾರೆ. ಡಿಗ್ರಿ ವರೆಗೆ ಓದಿದ ಯುವಕನೊಬ್ಬ ತನ್ನ ಕೆಲವು ಸ್ನೇಹಿತರು ಪ್ರೀತಿಸಿ ಮೋಸ ಹೋಗಿರುವುದು ಗಮನಕ್ಕೆ ಬಂದಿದೆ. ಸಮಾಜದಲ್ಲಿ ವಯಸ್ಸಾದವರಿಗೆ, ವಿಶೇಷ ಚೇತನರಿಗೆ, ಹೆಣ್ಣು ಮಕ್ಕಳಿಗೆ ವಿಶೇಷ ಆಫರ್​ ಕೊಡುವುದು ಸಹಜ,

ಆದರೆ ಈ ಸುನೀಲ್​ ಕುಮಾರ್​ ಸಾಹ್​ ಒಂದು ಸೂಪರ್​ ಐಡಿಯಾ ಮಾಡಿದ್ದಾರೆ. ಪ್ರೀತಿಸಿ ಮೋಸ ಹೋದವರಿಗಾಗಿ ಗೋಪಾಲ್ ಗಂಜ್ ನ ಚೌಕದಲ್ಲಿ ವಿಶೇಷ ಸಟ್ಟು ಸ್ಟಾಲ್ ಸ್ಥಾಪಿಸಿದ್ದಾರೆ. ಸಟ್ಟು ಎಂದರೆ ಬೇರೆ ಏನೂ ಅಲ್ಲ. ಸಟ್ಟು ಒಂದು ಪ್ರೊಟೀನ್-ಸಮೃದ್ಧವಾದ ಹಿಟ್ಟು, ಪುಡಿ ಮಾಡಿದ ಚನಾ ಅಥವಾ ಇತರ ಕಾಳುಗಳು ಮತ್ತು ಧಾನ್ಯಗಳಿಂದ ತಯಾರಿಸಲಾಗುತ್ತದೆ. ಇದು ಜಾರ್ಖಂಡ್, ಬಿಹಾರ, ಪಂಜಾಬ್, ಉತ್ತರಾಖಂಡ ಮತ್ತು ಯುಪಿಯಂತಹ ಭಾರತದ ಹಲವು ಭಾಗಗಳಲ್ಲಿ ಸಾಕಷ್ಟು ಜನಪ್ರಿಯವಾಗಿದೆ.

ಸಾಮಾನ್ಯವಾಗಿ ಇಲ್ಲಿ 15 ರೂಪಾಯಿ ಸಟ್ಟು ಮಾರಾಟ ಮಾಡಲಾಗುತ್ತೆ. ಆದೆ ಬ್ರೇಕಪ್​ ಆದು ಬಂದವರಿಗೆ ಕೇವಲ 10 ರೂಪಾಯಿ ಈ ಜ್ಯೂಸ್​ ಸಿಗುತ್ತೆ. ಈ ಆಫರ್ ಎಲ್ಲಾ ವಯೋಮಾನದವರಿಗೂ ಅನ್ವಯಿಸುತ್ತದೆ ಎಂದು ಸುನೀಲ್ ಕುಮಾರ್ ಹೇಳಿದ್ದಾರೆ. ಇಲ್ಲಿ ಬೇಳೆಯಿಂದ ಮಾಡಿದ ಸಟ್ಟು ತಿನ್ನಲು ಅನೇಕರು ಇಷ್ಟಪಡುತ್ತಾರೆ. ಈ ಸ್ಟಾಲ್‌ನಲ್ಲಿ ಊಟ ಮಾಡಲು ದೂರದ ಊರುಗಳಿಂದ ಜನ ಬರುತ್ತಾರೆ.

ಬಾಡಿಗೆ ಕೊಠಡಿಯಲ್ಲಿ ವಾಸವಿದ್ದು, ಪ್ರತಿದಿನ ಗೋಪಾಲಗಂಜ್ ಬಸ್ ನಿಲ್ದಾಣದ ಬಳಿ ಬೇವಫ ಸಟ್ಟು ಎಂಬ ಸ್ಟಾಲ್ ಹಾಕಿಕೊಳ್ಳುತ್ತಿದ್ದೆ ಎಂದು ಸುನೀಲ್ ತಿಳಿಸಿದ್ದಾರೆ. ಪ್ರೀತಿಯಲ್ಲಿರುವ ಜೋಡಿಗಳು ಮಾತ್ರ ಸಟ್ಟು ಕುಡಿಯಲು ತಮ್ಮ ಸ್ಟಾಲ್‌ಗೆ ಬರುತ್ತಾರೆ ಎನ್ನುತ್ತಾರೆ ಸುನೀಲ್. ಪ್ರೇಮ ದಂಪತಿಗಳಿಗೆ ವಿಶೇಷ ರಿಯಾಯಿತಿಯನ್ನೂ ನೀಡಲಾಗುತ್ತದೆ.

ಕೆಲವೇ ದಿನಗಳಲ್ಲಿ ಗೋಪಾಲಗಂಜ್ ನಲ್ಲೂ ಇದು ಚರ್ಚೆಯ ವಿಷಯವಾಯಿತು. ಸ್ಟಾಲ್ ಅನ್ನು ನೋಡಿದವರು ಇಲ್ಲಿಗೆ ಮರಳಿ ಮರಳಿ ಬರುತ್ತಿದ್ದಾರೆ. ಸ್ಟಾಲ್​ನ ಹೆಸರೇ ವಿಚಿತ್ರವಾಗಿದೆ.

ಬೆಳಗ್ಗೆಯಿಂದ ಸಂಜೆಯವರೆಗೂ ಈ ಸಟ್ಟು ಕುಡಿಯಲು ಜನ ಮುಗಿಬೀಳುತ್ತಿದ್ದಾರೆ. ಅದರಲ್ಲೂ ಸಂಜೆ ವೇಳೆ ಸಟ್ಟು ಕುಡಿಯಲು ಪ್ರೇಮಿಗಳ ದಂಡೇ ಇರುತ್ತದೆ. ಎಲ್ಲಾ ಖರ್ಚುಗಳನ್ನು ಕಳೆದ ನಂತರ, ದಿನಕ್ಕೆ 1000 ದುಡಿಯುತ್ತಿದ್ದಾನೆ ಸುನೀಲ್​. ಬ್ಯುಸಿನೆಸ್​ ಜೊತೆಗೆ ಮಾಸ್ಟರ್ ಪ್ಲ್ಯಾನ್​ ಇರೋದು ಕೂಡ ಇದಕ್ಕೆ ಮುಖ್ಯ ಅನ್ನೋದು.