Big Auction: ಸ್ಟಾರ್​ ನಟ ತಿಂದು ಉಗುಳಿದ ಚೂಯಿಂಗ್ ಗಮ್ ಹರಾಜು, ಬೆಲೆ ಕೇಳಿದ್ರೆ ನೀವು ಕಂಗಾಲಾಗೋದು ಪಕ್ಕಾ!

ಹೆಡ್​ಲೈನ್ ಓದಿ ಇದೇನಪ್ಪಾ ಅಂತ ಕನ್ಫ್ಯೂಸ್​​ ಆಗಿ ಸ್ಟೋರಿ ಓದೋಣ ಅಂತ ಬಂದ್ರಾ? ಏನ್​ ಕಾಲ ಬಂತೂ ಗುರೂ ಅಂತೀರಾ?

ಹೌದು ನಟನೊಬ್ಬ ತಿಂದು ಎಸೆದ ಚೂಯಿಂಗ್​ ಗಮ್​ ಅನ್ನು ಹರಾಜಿಗೆ ಇಡಲಾಗಿದೆ. ಇದರ ಬೆಲೆ ಕೇಳಿದ್ರೆ ನಿಜಕ್ಕೂ ಶಾಕ್​ ಆಗ್ತೀರಾ.

ಹಾಲಿವುಡ್ ನಟ ರಾಬರ್ಟ್ ಡೌನಿ ಜೂನಿಯರ್ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಮಾರ್ವೆಲ್ ಚಲನಚಿತ್ರಗಳಲ್ಲಿ ಟೋನಿ ಸ್ಟಾರ್ಕ್ ಅಥವಾ ಐರನ್ ಮ್ಯಾನ್ ಪಾತ್ರಕ್ಕೆ ಈ ರಾಬರ್ಟ್ ಜೀವ ತುಂಬಿದ್ದರು.

ಇದೇ ರಾಬರ್ಟ್ ಡೌನಿ ಜೂನಿಯರ್​ ತಿಂದು ಉಗುಳಿದ ಚೂಯಿಂಗ್​ ಗಮ್​ ಅನ್ನು ಹರಾಜಿಗೆ ಇಡಲಾಗಿದೆ. ಕೇಳೋಕೆ ವಿಚಿತ್ರ ಅನಿಸಿದರೂ, ಇದು ಸತ್ಯ. ಈ ಬಗ್ಗೆ ಇಬೇ ವೆಬ್​ಸೈಟ್​ನಲ್ಲಿ ಚೂಯಿಂಗ್ ಗಮ್ ಮಾರಾಟ ಮಾಡುತ್ತಿರುವ ವ್ಯಕ್ತಿ ಹೇಳಿದ್ದಾನೆ.

ಸಿನಿಮಾ ಕಾರ್ಯಕ್ರಮವೊಂದರಲ್ಲಿ ನಟ ರಾಬರ್ಟ್ ಭಾಗವಹಿಸಿದ್ದರು. ಈ ವೇಳೆ ಐರನ್​ ಮ್ಯಾನ್ ಸಿನಿಮಾ ನಿರ್ದೇಶಕರಿಗೆ ಸನ್ಮಾನ ಮಾಡಿ ಸ್ಟಾರ್​ ಚಿತ್ರವಿರುದ ಚಿತ್ರಪಟವನ್ನು ನೀಡಲಾಯಿತು.

ಈ ವೇಳೆ ನಟ ರಾಬರ್ಟ್ ತಮ್ಮ ಬಾಯಲ್ಲಿದ್ದ ಚೂಯಿಂಗ್​ ಗಮ್​ ಅನ್ನು ಆ ಚಿತ್ರಪಟದ ಮೇಲೆ ಉಗುಳಿದ್ದಾರೆ. ಆ ಚೂಯಿಂಗ್ ಗಮ್ ಸದ್ಯ ಚಿತ್ರಪಟದಲ್ಲೇ ಇದೆ.

ಸದ್ಯಕ್ಕೆ ಈ ಚಿತ್ರಪಟದಲ್ಲಿರುವ ಚೂಯಿಂಗ್​ ಗಮ್​ ಅನ್ನು ಹರಾಜಿಗೆ ಇಡಲಾಗಿದೆ. $4000 ಸಾವಿರ ಅಂದ್ರೆ ಭಾರತದ ಕರೆನ್ಸಿ ಪ್ರಕಾರ 4 ಲಕ್ಷದಿಂದ ಈ ಬಿಡ್​ ಆರಂಭವಾಗಲಿದೆ ಎಂದು ಇಬೇ ಬಳಕೆದಾರ ಹೇಳಿದ್ದಾನೆ.

ಇದನ್ನು ಹೆಚ್ಚು ಬಿಡ್​ ಮಾಡಿದವರಿಗೆ ನೀಡಲಾಗುತ್ತೆ. ಈ ಚೂಯಿಂಗ್​ ಗಮ್​ ಅನ್ನು ಒಂದು ಸಿಲ್ವರ್​ ಕಂಟೇನರ್​ನಲ್ಲಿ ಹಾಕಿ ನೀಡಲಾಗುತ್ತಂತೆ. ಈ ಸುದ್ದಿ ನೆಟ್ಟಿಗರು ಕಕ್ಕಾಬಿಕ್ಕಿಯಾಗಿದ್ದಾರೆ.