Pani Puri: ಒಂದೇ ಗಂಟೆಯಲ್ಲಿ 40 ಸಾವಿರ ಪಾನಿಪುರಿ ತಯಾರಿಸುತ್ತೆ ಈ ಮಷಿನ್​! ಇದು ಹೇಗೆ ಕೆಲಸ ಮಾಡುತ್ತೆ? ಬೆಲೆ ಎಷ್ಟು? ಇಲ್ಲಿದೆ ಮಾಹಿತಿ

ಪಾನಿಪುರಿಗಳಿಗೆ ಬೇಡಿಕೆ ಉತ್ತುಂಗಕ್ಕೇರಿದೆ. ಮಕ್ಕಳಿಂದ ಹಿಡಿದು ವೃದ್ಧರವರೆಗೂ ಎಲ್ಲಾ ವರ್ಗದ ಜನರು ಇದನ್ನು ತಿನ್ನಲು ಇಷ್ಟಪಡುತ್ತಾರೆ. ಕೆಲವರಂತೂ ಸಂಜೆ ಪಾನಿಪುರಿ ತಿನ್ನದೆ ಮನೆಗೆ ಹೋಗುವುದಿಲ್ಲ ಎನ್ನುವರಿದ್ದಾರೆ.

ಆದರೆ ಪಾನಿಪುರಿ ಬಂಡಿ ಬಳಿ ಕಾಯುವ ಸಮಯ ಹೆಚ್ಚು. ಸರತಿ ಸಾಲಿನಲ್ಲಿ ನಿಂತ ಎಲ್ಲರಿಗೂ ಪಾನಿಪುರಿ ಬಡಿಸಲಾಗುತ್ತದೆ. ಕೆಲವು ಕಡೆ ರೆಡಿಮೇಡ್ ಮಾಡಿತಟ್ಟೆಯಲ್ಲಿ ಕೊಡಲಾಗುತ್ತದೆ.

ಅಹಮದಾಬಾದ್​ನ ಇಂಜಿನಿಯರ್ ಒಬ್ಬರು ಪವಾಡ ಸೃಷ್ಟಿಸಿ ಪಾನಿಪುರಿ ಮಾಡುವ ಯಂತ್ರವನ್ನು ತಯಾರಿಸಿದ್ದಾರೆ. ಇದು ಒಂದು ಗಂಟೆಯಲ್ಲಿ ಸುಮಾರು 40 ಸಾವಿರ ಪಾನಿಪುರಿಗಳನ್ನು ಮಾಡುತ್ತದೆ. ಇಂಜಿನಿಯರ್ ಆಕಾಶ್ ಗಜ್ಜರ್ ಪಾನಿಪುರಿ ಮಾಡಲು ಉತ್ತಮವಾದ, ಸ್ವಚ್ಛವಾದ ಮಾರ್ಗವನ್ನು ಕಂಡುಕೊಂಡಿದ್ದಾರೆ.

ನಾವು ಪಾನಿಪುರಿ ಮಾಡುವ ಸ್ಥಳವನ್ನು ನೋಡಿದರೆ ಪಾನಿಪುರಿ ಜೀವಮಾನದಲ್ಲಿ ತಿನ್ನುವಂತಿಲ್ಲ ಎಂಬ ಮಾತು ಕೇಳಿಬರುತ್ತದೆ. ಏಕೆಂದ್ರೆ ಪಾನಿಪುರಿ ತಯಾರಿಸುವಾಗ ಅದರ ಹಿಟ್ಟನ್ನು ಕಾಲಿನಿಂದ ತುಳಿಯಲಾಗುತ್ತದೆ. ಹಾಗಾಗಿ ಆಕಾಶ್ ಶುದ್ಧವಾದ ರೀತಿಯಲ್ಲಿ ಪಾನಿಪುರಿ ಯಂತ್ರ ಮಾಡಲು ನಿರ್ಧರಿಸಿದರು.

ಆಕಾಶ್ ಗಜ್ಜರ್ ಅವರು ಪಾನಿಪುರಿ ತಯಾರಿಸಲು ತಯಾರಿಸಿದ ಯಂತ್ರ 1 ಗಂಟೆಯಲ್ಲಿ 40,000 ಪಾನಿಪುರಿಗಳನ್ನು ತಯಾರಿಸಬಲ್ಲದು. ಆಕಾಶ್ ಗಜ್ಜರ್ ಅವರ ಯಂತ್ರವು ಒಂದೇ ಪಾತ್ರೆಯಲ್ಲಿ 40,000 ಪಾನಿ ಪುರಿಗಳನ್ನು ತಯಾರಿಸಲು ನಾಲ್ಕು ಬೆಲ್ಟ್‌ಗಳನ್ನು ಹೊಂದಿದೆ. ಹಿಟ್ಟು ಮತ್ತು ನೀರನ್ನು ಹಾಕಿದರೆ, ಸ್ವಯಂಚಾಲಿತವಾಗಿ ಕಲಸಿಕೊಳ್ಳುತ್ತದೆ.

ಮೊದಲನೆಯದಾಗಿ, ಮಿಶ್ರಣ ಯಂತ್ರದಲ್ಲಿ ಹಿಟ್ಟು ಮತ್ತು ನೀರನ್ನು ಹಾಕಲಾಗುತ್ತದೆ. ಹಿಟ್ಟನ್ನು ಸ್ವಯಂಚಾಲಿತವಾಗಿ ಕಲಸಿಕೊಳ್ಳುತ್ತದೆ. ನಂತರ ಚಪಾತಿಯಂತೆ ಹಾಳೆಯಾಗುತ್ತದೆ. ಅದರ ನಂತರ ಪುರಿಯ ಹಾಳೆಯನ್ನು ಕತ್ತರಿಸುವ ಯಂತ್ರಕ್ಕೆ ವರ್ಗಾಯಿಸಲಾಗುತ್ತದೆ. ಇಲ್ಲಿ ಆ ಹಾಳೆಯಲ್ಲಿ ಪಾನಿಪುರಿಯ ಆಕಾರಕ್ಕೆ ಮಷಿನ್​ ಕತ್ತರಿಸುತ್ತದೆ. ಕೊನೆಯ ಹಂತದಲ್ಲಿ ಪುರಿಗಳನ್ನು ಯಂತ್ರದಲ್ಲಿಯೇ ಎಣ್ಣೆಯಲ್ಲಿ ಕರಿಯಲಾಗುತ್ತದೆ.

ಮೊದಲನೆಯದಾಗಿ, ಮಿಶ್ರಣ ಯಂತ್ರದಲ್ಲಿ ಹಿಟ್ಟು ಮತ್ತು ನೀರನ್ನು ಹಾಕಲಾಗುತ್ತದೆ. ಹಿಟ್ಟನ್ನು ಸ್ವಯಂಚಾಲಿತವಾಗಿ ಕಲಸಿಕೊಳ್ಳುತ್ತದೆ. ನಂತರ ಚಪಾತಿಯಂತೆ ಹಾಳೆಯಾಗುತ್ತದೆ. ಅದರ ನಂತರ ಪುರಿಯ ಹಾಳೆಯನ್ನು ಕತ್ತರಿಸುವ ಯಂತ್ರಕ್ಕೆ ವರ್ಗಾಯಿಸಲಾಗುತ್ತದೆ. ಇಲ್ಲಿ ಆ ಹಾಳೆಯಲ್ಲಿ ಪಾನಿಪುರಿಯ ಆಕಾರಕ್ಕೆ ಮಷಿನ್​ ಕತ್ತರಿಸುತ್ತದೆ. ಕೊನೆಯ ಹಂತದಲ್ಲಿ ಪುರಿಗಳನ್ನು ಯಂತ್ರದಲ್ಲಿಯೇ ಎಣ್ಣೆಯಲ್ಲಿ ಕರಿಯಲಾಗುತ್ತದೆ. 

ಈ ಯಂತ್ರದಲ್ಲಿ ಸಮೋಸ, ಪಾಪಡ್ ಸೇರಿ ಇನ್ನೂ ಹಲವು ತಿನಿಸುಗಳನ್ನು ತಯಾರಿಸಬಹುದು. ಇದು ವಿಶೇಷವಾಗಿ ಅಮೇರಿಕಾದಲ್ಲಿ ವಾಸಿಸುವ ಗುಜರಾತಿಗಳಿಗೆ ಉಪಯುಕ್ತವಾದ ಯಂತ್ರವಾಗಿದೆ. ಅವರಿಗೆ ಉತ್ತಮ ಪುರಿಗಳು ದೊರೆಯುತ್ತಿಲ್ಲ. ಹಾಗಾಗಿ ಇದು ಅವರಿಗೆ ನೆರವಾಗುತ್ತದೆ. 2022 ರಲ್ಲಿ ಅಕಾಶ್ 7 ಲಕ್ಷ 85 ಸಾವಿರ ವೆಚ್ಚದಲ್ಲಿ ಈ ಯಂತ್ರವನ್ನು ತಯಾರಿಸಿದ್ದಾರೆ. ಇದು ಇಂದಿಗೂ ಮಾರುಕಟ್ಟೆಯಲ್ಲಿ ಟ್ರೆಂಡಿಂಗ್ ಆಗಿದೆ.