Credit Card, Debit Card ಬಳಸುವವರಿಗೆ ಕೇಂದ್ರ ಸರ್ಕಾರದಿಂದ ಬಿಗ್​ ರಿಲೀಫ್!

Tax Collection At Source:ಕ್ರೆಡಿಟ್ ಕಾರ್ಡ್ ಬಳಕೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಅಲ್ಲದೆ ಡೆಬಿಟ್ ಕಾರ್ಡ್ ಮೂಲಕ ವಹಿವಾಟು ನಡೆಸುವವರ ಸಂಖ್ಯೆಯೂ ಹೆಚ್ಚಿದೆ. ಈ ಬಗ್ಗೆ ಕೇಂದ್ರ ಸರ್ಕಾರ ಮಹತ್ವದ ಘೋಷಣೆ ಮಾಡಿದೆ. ಕ್ರೆಡಿಟ್ ಕಾರ್ಡ್ ಮತ್ತು ಡೆಬಿಟ್ ಕಾರ್ಡ್ ಬಳಕೆದಾರರು ಸಮಾಧಾನ ತರುವ ನಿರ್ಧಾರ ಕೈಗೊಂಡಿದ್ದಾರೆ.

ಕ್ರೆಡಿಟ್ ಕಾರ್ಡ್‌ಗಳ ಮೂಲಕ ವಿದೇಶದಲ್ಲಿ ನಡೆಸುವ ವಹಿವಾಟಿನ ಮೇಲೆ ಮೂಲದಲ್ಲಿ ತೆರಿಗೆ ಸಂಗ್ರಹ (TCS) ವಿಷಯದ ಕುರಿತು ಮಹತ್ವದ ಘೋಷಣೆ ಮಾಡಿದೆ. ಇತ್ತೀಚೆಗಷ್ಟೆ ಹಣಕಾಸು ಸಚಿವಾಲಯ ಒಂದು ಒಳ್ಳೆಯ ಸುದ್ದಿಯನ್ನು ನೀಡಿದೆ. ಅಂತಾರಾಷ್ಟ್ರೀಯ ಡೆಬಿಟ್ ಕಾರ್ಡ್ ಮತ್ತು ಕ್ರೆಡಿಟ್ ಕಾರ್ಡ್ ಮೂಲಕ ವಿದೇಶದಲ್ಲಿ ನಡೆಸುವ ವಹಿವಾಟಿಗೆ ಟಿಸಿಎಸ್ ಅನ್ವಯಿಸುವುದಿಲ್ಲ ಎಂದು ಸ್ಪಷ್ಟಪಡಿಸಲಾಗಿದೆ.

ಗರಿಷ್ಠ ರೂ. 7 ಲಕ್ಷದವರೆಗಿನ ವೆಚ್ಚದ ಮೇಲೆ ಯಾವುದೇ ಟಿಸಿಎಸ್ ಇರುವುದಿಲ್ಲ ಎಂದು ಸರ್ಕಾರ ಸ್ಪಷ್ಟಪಡಿಸಿದೆ. ಇದು ಜುಲೈ 1, 2023 ರಿಂದ ಅನ್ವಯವಾಗಲಿದೆ ಎಂದು ತಿಳಿದುಬಂದಿದೆ. ಇದರಿಂದ ವಿದೇಶಿ ಪ್ರಯಾಣಿಕರಿಗೆ ನೆಮ್ಮದಿ ಸಿಗಲಿದೆ. ವಿದೇಶದಲ್ಲಿ ವ್ಯಾಸಂಗ ಮಾಡುತ್ತಿರುವವರಿಗೂ ಲಾಭ ಸಿಗಲಿದೆ.

ಎಲ್‌ಆರ್‌ಎಸ್ ಅಡಿಯಲ್ಲಿ ಮೂಲದಲ್ಲಿ ತೆರಿಗೆ ಸಂಗ್ರಹದ (ಟಿಸಿಎಸ್) ಸಮಸ್ಯೆಯ ಬಗ್ಗೆ ಅನೇಕ ಜನರು ಕಳವಳ ವ್ಯಕ್ತಪಡಿಸಿದ್ದರು. ಅಂತಾರಾಷ್ಟ್ರೀಯ ಡೆಬಿಟ್ ಕಾರ್ಡ್ ಅಥವಾ ಕ್ರೆಡಿಟ್ ಕಾರ್ಡ್ ಮೂಲಕ ನಿರ್ವಹಿಸುವ ಹಣಕಾಸು ವರ್ಷದಲ್ಲಿ ರೂ. 7 ಲಕ್ಷದವರೆಗಿನ ವಹಿವಾಟಿನ ಮೇಲೆ ಟಿಸಿಎಸ್ ಇರುವುದಿಲ್ಲ ಎಂದು ಕೇಂದ್ರ ಸ್ಪಷ್ಟಪಡಿಸಿದೆ.

ಇದು LRS ಮಿತಿಗಳಿಗೆ ಹೆಚ್ಚುವರಿಯಾಗಿದೆ. ಟಿಸಿಎಸ್ ಇರುವುದಿಲ್ಲ ಎಂದು ಹೇಳಿದೆ. ಹಣಕಾಸು ಸಚಿವಾಲಯವು ಇದುವರೆಗೆ ವಿದೇಶಿ ವಿನಿಮಯ ನಿರ್ವಹಣಾ ಕಾಯ್ದೆಗೆ (ಫೆಮಾ) ತಿದ್ದುಪಡಿ ತಂದಿದೆ. ಕ್ರೆಡಿಟ್ ಕಾರ್ಡ್ ವಹಿವಾಟುಗಳನ್ನೂ ಎಲ್ಆರ್​ಎಸ್​ ಅಡಿಯಲ್ಲಿ ತರಲಾಗಿದೆ.

ಕ್ರೆಡಿಟ್ ಕಾರ್ಡ್ ಮೂಲಕ ವಿದೇಶದಲ್ಲಿ ವಹಿವಾಟು ನಡೆಸಿದರೆ, ಅವು ಆರ್‌ಬಿಐ ಎಲ್‌ಆರ್‌ಎಸ್ ಯೋಜನೆಯಡಿ ಬರುತ್ತವೆ ಎಂದು ಹೇಳಿದೆ. LRS ಮಿತಿ ಪ್ರಸ್ತುತ $2,50,000 ಆಗಿದೆ.

ಮತ್ತೊಂದೆಡೆ, 2023 ರ ಕೇಂದ್ರ ಬಜೆಟ್‌ನಲ್ಲಿ ಎಲ್‌ಆರ್‌ಎಸ್ ಅಡಿಯಲ್ಲಿ ವಿದೇಶಿ ರವಾನೆಯ ಮೇಲಿನ ಟಿಸಿಎಸ್ ಅನ್ನು ಶೇಕಡಾ 5 ರಿಂದ 20 ಕ್ಕೆ ಹೆಚ್ಚಿಸಲಾಗಿದೆ ಎಂದು ತಿಳಿದಿದೆ. ಇದು ಶಿಕ್ಷಣ ಮತ್ತು ವೈದ್ಯಕೀಯ ವರ್ಗಗಳಿಗೆ ವಿನಾಯಿತಿಯಾಗಿದೆ. ಜುಲೈ 1ರಿಂದ ಈ ನಿಯಮ ಜಾರಿಗೆ ಬರಲಿದೆ ಎಂದು ಸರ್ಕಾರ ಹೇಳಿದೆ.

ಆದರೆ ಈಗ ಇತ್ತೀಚಿನ ಅಧಿಸೂಚನೆಯ ಪ್ರಕಾರ ಅಂತಾರಾಷ್ಟ್ರೀಯ ಡೆಬಿಟ್ ಕಾರ್ಡ್, ಕ್ರೆಡಿಟ್ ಕಾರ್ಡ್ ಮೂಲಕ ಆರ್ಥಿಕ ವರ್ಷದಲ್ಲಿ ರೂ. 7 ಲಕ್ಷದವರೆಗಿನ ವೆಚ್ಚದ ಮೇಲೆ ಯಾವುದೇ ಟಿಸಿಎಸ್ ವಿಧಿಸಲಾಗುವುದಿಲ್ಲ.

ನೇಪಾಳ ಮತ್ತು ಭೂತಾನ್ ಹೊರತುಪಡಿಸಿ ಇತರ ದೇಶಗಳಿಗೆ ಪ್ರಯಾಣ, ಉಡುಗೊರೆ ಅಥವಾ ದೇಣಿಗೆ, ವಲಸೆ, ಉದ್ಯೋಗಕ್ಕಾಗಿ ವಿದೇಶಕ್ಕೆ ಹೋಗುವುದು, ವಿದೇಶದಲ್ಲಿ ಸಂಬಂಧಿಕರ ನಿರ್ವಹಣೆ, ವ್ಯಾಪಾರ ಪ್ರಯಾಣ, ವೈದ್ಯಕೀಯ ಚಿಕಿತ್ಸೆ, ವಿದೇಶದಲ್ಲಿ ಅಧ್ಯಯನ ಮುಂತಾದ ವ್ಯವಹಾರಗಳು ಎಲ್ಆರ್​ಎಸ್​ ಯೋಜನೆಯಡಿಯಲ್ಲಿ ಬರುತ್ತವೆ.