Bengaluru Mysuru Expressway: ಇನ್ಮುಂದೆ ದಶಪಥ ಹೆದ್ದಾರಿಯಲ್ಲಿ ಸಂಚರಿಸುವವರಿಗೆ ನಿರಾಳ!

ಬೆಂಗಳೂರು ಮೈಸೂರು ಹೊಸ ಹೆದ್ದಾರಿಯಲ್ಲಿ ಏಪ್ರಿಲ್ 1 ರಿಂದ ಹೊಸ ಟೋಲ್ ದರ ಜಾರಿಗೆ ಮುಂದಾಗಿತ್ತು. ಇದಕ್ಕೆ ತೀವ್ರ ಆಕ್ರೋಶ ವ್ಯಕ್ತವಾಗಿತ್ತು. ಇದೀಗ ತೀವ್ರ ವಿರೋಧದ ಬಳಿಕ ಹೆದ್ದಾರಿ ಪ್ರಾಧಿಕಾರ ದರ ಹೆಚ್ಚಳ ಕೈಬಿಟ್ಟಿದೆ.

ಹಳೆಯ ದರವನ್ನೇ ಮುಂದುವರೆಸಲು ನಿರ್ಧಾರ ಮಾಡಲಾಗಿದೆ. ಈ ಬಗ್ಗೆ ಹೆದ್ದಾರಿ ಪ್ರಾಧಿಕಾರದಿಂದ ಪ್ರಕಟಣೆ ಹೊರಡಿಸಿದೆ. ಟೋಲ್ ಆರಂಭವಾದ 17ದಿನಕ್ಕೆ ದರ ಏರಿಕೆ ಮಾಡಿರೋದಕ್ಕೆ ಸಾರ್ವಜನಿಕ ಆಕ್ಷೇಪ ವ್ಯಕ್ತಪಡಿಸಿದ್ದರು.

ಇದೀಗ ಸಾರ್ವಜನಿಕರ ಒತ್ತಡಕ್ಕೆ ಮಣಿದು ದರ ಹೆಚ್ಚಳ ವಾಪಸ್ಸ್ ಪಡೆದುಕೊಂಡಿದೆಈ ಕುರಿತು ಟೋಲ್ ಗೇಟ್ ಬಳಿ ಬೋರ್ಡ್ ಅಳವಡಿಸಲಾಗಿದೆ.(ಸಾಂದರ್ಭಿಕ ಚಿತ್ರ)

ದೇಶಾದ್ಯಂತ ಏಕಕಾಲದಲ್ಲಿ ಹೆದ್ದಾರಿ ಟೋಲ್​ ದರ ಹೆಚ್ಚಳ ಮಾಡಲಾಗಿದ್ದು, ಅದರ ಭಾಗವಾಗಿ ಬೆಂಗಳೂರು-ಮೈಸೂರು ಹೆದ್ದಾರಿಯ ಟೋಲ್​ ಕೂಡಾ ಏರಿಸಲಾಗಿತ್ತು.

ಆದರೆ ಕೇವಲ 17 ದಿನದ ಹಿಂದಷ್ಟೇ ಟೋಲ್​ ಆರಂಭವಾಗಿರುವುದರಿಂದ ಕಡಿಮೆ ಅವಧಿಯಲ್ಲೇ ಹೆಚ್ಚಳ ಮಾಡಿದಂತಾಗುತ್ತೆ ಅಂತ ಜನ ಆಕ್ರೋಶ ವ್ಯಕ್ತಪಡಿಸಿದ್ದರು.

ಹೆದ್ದಾರಿ ನಿಗದಿಪಡಿಸಿದ್ದ ದರ ಹೀಗಿತ್ತು. ಕಾರು/ವ್ಯಾನ್/ಜೀಪ್: ಏಕಮುಖ ಸಂಚಾರ 165 ರೂ. ದ್ವಿಮುಖ ಸಂಚಾರಕ್ಕೆ 250 ರೂ. ಲಘು ವಾಹನಗಳು/ಮಿನಿ ಬಸ್​ಗೆ ಟೋಲ್ 270 ರೂ. ದ್ವಿಮುಖ ಸಂಚಾರ ಟೋಲ್ ದರ 405 ರೂ.(ಸಾಂದರ್ಭಿಕ ಚಿತ್ರ)

ಹೆದ್ದಾರಿ ನಿಗದಿಪಡಿಸಿದ್ದ ದರ ಹೀಗಿತ್ತು. ಕಾರು/ವ್ಯಾನ್/ಜೀಪ್: ಏಕಮುಖ ಸಂಚಾರ 165 ರೂ. ದ್ವಿಮುಖ ಸಂಚಾರಕ್ಕೆ 250 ರೂ. ಲಘು ವಾಹನಗಳು/ಮಿನಿ ಬಸ್​ಗೆ ಟೋಲ್ 270 ರೂ. ದ್ವಿಮುಖ ಸಂಚಾರ ಟೋಲ್ ದರ 405 ರೂ.(ಸಾಂದರ್ಭಿಕ ಚಿತ್ರ)

ಟ್ರಕ್/ ಬಸ್/ಎರಡು ಆಕ್ಸೆಲ್ ವಾಹನದ ಟೋಲ್ ದರ 565 ರೂ. ದ್ವಿಮುಖ ಸಂಚಾರಕ್ಕೆ 850 ರೂ. ಟ್ರಕ್/ ಬಸ್/ಎರಡು ಆಕ್ಸೆಲ್ ವಾಹನದ ಟೋಲ್ ದರ 565 ರೂ. ದ್ವಿಮುಖ ಸಂಚಾರಕ್ಕೆ 850 ರೂ. (ಸಾಂದರ್ಭಿಕ ಚಿತ್ರ)

ಭಾರೀ ಕಟ್ಟಡ ನಿರ್ಮಾಣ ವಾಹನಗಳಿಗೆ/ಅರ್ಥ್ ಮೂವರ್ಸ್/4-6 ಆಕ್ಸೆಲ್ ವಾಹನಗಳು 885 ರೂ. ದ್ವಿಮುಖ ಸಂಚಾರಕ್ಕೆ 1,330 ರೂ. 7 ಅಥವಾ ಅದಕ್ಕಿಂತ ಹೆಚ್ಚಿನ ಎಕ್ಸೆಲ್ ವಾಹನಗಳಿಗೆ ಏಕಮುಖ ಸಂಚಾರಕ್ಕೆ 1,080 ರೂ. ದ್ವಿಮುಖ ಸಂಚಾರಕ್ಕೆ 1,620 ರೂ. ನಿಗದಿಪಡಿಸಲಾಗಿತ್ತು. ಆದರೆ ಈ ಆದೇಶ ಹಿಂಪಡೆಯಲಾಗಿದೆ.