Gold Silver Price Today: ಬರೋಬ್ಬರಿ ₹ 2,200 ಏರಿಕೆ ಕಂಡ ಬೆಳ್ಳಿ: ಬಂಗಾರವೂ ತುಸು ಭಾರ

ಆಭರಣ ಪ್ರಿಯರಿಗೆ ಇಂದಿನ ಚಿನ್ನ-ಬೆಳ್ಳಿ ಬೆಲೆ ತುಸು ಭಾರವೇ ಆಗಿದೆ. ಅದರಲ್ಲೂ ಬೆಳ್ಳಿಯಂತೂ ದಿಢೀರನೇ ಗಗನಕ್ಕೇರಿದ್ದು, ಗಗನಕುಸುಮವಾಗಿದೆ. ಬಂಗಾರ-ಬೆಳ್ಳಿ ದರದಲ್ಲಿ ಏರಿಳಿತ ಸಹಜ. ಒಮ್ಮೊಮ್ಮೆ ಬಂಗಾರದ ಬೆಲೆ ಯಥಾಸ್ಥಿತಿಯಲ್ಲಿ ಸಾಗುತ್ತಿದ್ದರೂ ಸಹ ಬೆಳ್ಳಿ ತಾನೇನೂ ಕಮ್ಮಿ ಇಲ್ಲ ಅಂತ ಬೆಲೆಯನ್ನು ಒಂದೇ ಬಾರಿ ಏರಿಸಿಕೊಂಡಿರುತ್ತದೆ. (ಸಾಂದರ್ಭಿಕ ಚಿತ್ರ)

ಆಭರಣ ಖರೀದಿ ಮಾಡಬೇಕಾದರೆ ಪ್ರಸ್ತುತದ ಬೆಲೆ, ಇಳಿಕೆ-ಏರಿಕೆ ಆಗುತ್ತದೆಯೇ ಎಂಬುದರ ಬಗ್ಗೆ ಒಮ್ಮೆ ತಿಳಿದುಕೊಳ್ಳುವುದು ಉತ್ತಮ. ಹೀಗಾಗಿ ಪ್ರತಿದಿನ ಬಂಗಾರ, ಬೆಳ್ಳಿ ದರ ವಿವರದ ಅಪ್ಡೇಟ್ಸ್ ಅನ್ನು ಗ್ರಾಹಕರು ಬಂಗಾರದ ಅಂಗಡಿಗೆ ಹೋಗೋ ಮುಂಚೆ ಇಲ್ಲಿ ಒಂದ್ಸಾರಿ ಕಣ್ಣಾಡಿಸಿ ಹೋಗಬಹುದು. (ಸಾಂದರ್ಭಿಕ ಚಿತ್ರ)

ಚಿನ್ನದ ಬೆಲೆ ಯಾವಾಗಲೂ ಸಹ ಗಗನದಲ್ಲಿಯೇ ಇರುವಂತದ್ದು. ಅಜಗಜಾಂತರ ವ್ಯತ್ಯಾಸ ಕಾಣದೇ ಅಲ್ಪಸ್ವಲ್ಪ ಇಳಿಕೆ ಕಾಣುತ್ತಾ ಗ್ರಾಹಕರಿಗೆ ಸ್ವಲ್ಪ ನೆಮ್ಮದಿ ನೀಡುತ್ತದೆ. ಅಂದಹಾಗೆ ನಿನ್ನೆ ಪ್ರತಿಕೆಜಿಗೆ 4,855 ರೂ ಆಗಿದ್ದ ಚಿನ್ನ, ಇಂದು ಏರಿಕೆ ಕಂಡಿದ್ದು, ಪ್ರತಿ ಕೆಜಿಗೆ 4,875 ರೂ ಆಗಿದೆ. (ಸಾಂದರ್ಭಿಕ ಚಿತ್ರ)

ಒಂದು ಗ್ರಾಂ (1GM) 22 ಕ್ಯಾರಟ್ ಆಭರಣ ಚಿನ್ನದ ಬೆಲೆ - ರೂ. 4,875 ಆಗಿದೆ. 24 ಕ್ಯಾರಟ್ ಬಂಗಾರದ ಬೆಲೆ (ಅಪರಂಜಿ) - ರೂ. 5,318 ಆಗಿದೆ. ಎಂಟು ಗ್ರಾಂ (8GM) 22 ಕ್ಯಾರಟ್ ಆಭರಣ ಚಿನ್ನದ ಬೆಲೆ - ರೂ. 39,000 ಆಗಿದ್ದು 24 ಕ್ಯಾರಟ್ ಬಂಗಾರದ ಬೆಲೆ (ಅಪರಂಜಿ) - ರೂ. 42,544 ಆಗಿದೆ. (ಸಾಂದರ್ಭಿಕ ಚಿತ್ರ)

ಹತ್ತು ಗ್ರಾಂ (10GM) 22 ಕ್ಯಾರಟ್ ಆಭರಣ ಚಿನ್ನದ ಬೆಲೆ - ರೂ. 48,750 ಆಗಿದ್ದು 24 ಕ್ಯಾರಟ್ ಬಂಗಾರದ ಬೆಲೆ (ಅಪರಂಜಿ) - ರೂ. 53,180 ಆಗಿದೆ. ನೂರು ಗ್ರಾಂ (100GM) 22 ಕ್ಯಾರಟ್ ಆಭರಣ ಚಿನ್ನದ ಬೆಲೆ - ರೂ. 4,87,500 ಆಗಿದ್ದು 24 ಕ್ಯಾರಟ್ ಬಂಗಾರದ ಬೆಲೆ (ಅಪರಂಜಿ) - ರೂ. 5,31,800 ಆಗಿದೆ. (ಸಾಂದರ್ಭಿಕ ಚಿತ್ರ)

ಇಂದು ಬೆಂಗಳೂರಿನಲ್ಲಿ 22 ಕ್ಯಾರಟ್ ಬಂಗಾರದ ಬೆಲೆ (ಹತ್ತು ಗ್ರಾಂ) ರೂ. 48,800 ಆಗಿದ್ದರೆ ಚೆನ್ನೈ, ಮುಂಬೈ ಹಾಗೂ ಕೊಲ್ಕತ್ತಾ ನಗರಗಳಲ್ಲಿ ಕ್ರಮವಾಗಿ ಇದರ ಬೆಲೆ ರೂ. 49,550, ರೂ. 48,750, ರೂ. 48,750 ಆಗಿದೆ. ದೇಶದ ರಾಜಧಾನಿ ದೆಹಲಿಯಲ್ಲಿ ಇಂದು ಚಿನ್ನದ ಬೆಲೆ 48,800 ರೂ. ಆಗಿದೆ. (ಸಾಂದರ್ಭಿಕ ಚಿತ್ರ)

ಮಾರುಕಟ್ಟೆಯಲ್ಲಿ ದಿಢೀರನೇ ಏರಿಕೆ ಕಂಡಿರುವ ಬೆಳ್ಳಿ ಮತ್ತೆ 63ರ ಗಡಿದಾಟಿದೆ. ನಿನ್ನೆ ಒಂದು ಕೆಜಿ ಬೆಳ್ಳಿಯ ಬೆಲೆ 61,400 ರೂ. ಆಗಿದ್ದು, ಬೆಳ್ಳಿ ಇಂದು 63,600 ರೂ ಆಗಿದ್ದು ಬರೋಬ್ಬರಿ 2,200 ಹೆಚ್ಚಳವಾಗಿದೆ. (ಸಾಂದರ್ಭಿಕ ಚಿತ್ರ)

ಬೆಂಗಳೂರು ನಗರದಲ್ಲಿ ಇಂದು ಪ್ರತಿ 10gm, 100gm, 1000gm (1ಕೆಜಿ) ಬೆಳ್ಳಿ ದರಗಳು ಇಂದು ಕ್ರಮವಾಗಿ ರೂ. 698, ರೂ. 6,980 ಹಾಗೂ ರೂ. 69,800 ಗಳಾಗಿವೆ. ಇನ್ನುಳಿದಂತೆ ಚೆನ್ನೈನಲ್ಲಿ ಒಂದು ಕೆಜಿ ಬೆಳ್ಳಿ ದರ ರೂ. 69,800 ಆಗಿದ್ದರೆ ದೆಹಲಿಯಲ್ಲಿ ರೂ. 63,600 ಮುಂಬೈನಲ್ಲಿ ರೂ. 63,600 ಹಾಗೂ ಕೊಲ್ಕತ್ತದಲ್ಲೂ ರೂ. 63,600 ಗಳಾಗಿದೆ. (ಸಾಂದರ್ಭಿಕ ಚಿತ್ರ)

ವಿ.ಸೂ: ಇಲ್ಲಿ ಕೊಡಲಾದ ಎಲ್ಲ ದರಗಳು ಮಾರುಕಟ್ಟೆಯ ಬೆಲೆಗಳನ್ನು ಪ್ರತಿನಿಧಿಸುತ್ತವೆ ಹಾಗೂ ಜಿಎಸ್​ಟಿ, ಟಿಸಿಎಸ್ ಹಾಗೂ ಇನ್ನಿತರೆ ಇರಬಹುದಾದ ಶುಲ್ಕಗಳನ್ನು ಒಳಗೊಂಡಿಲ್ಲ. ಹೆಚ್ಚು ನಿಖರ ಬೆಲೆಗಳಿಗಾಗಿ ನಿಮ್ಮ ಹತ್ತಿರದ ಆಭರಣ ವ್ಯಾಪಾರಿಗಳನ್ನು ಸಂಪರ್ಕಿಸಿ. (ಸಾಂದರ್ಭಿಕ ಚಿತ್ರ)