Gold Summer Shock: ಚಿನ್ನ ಖರೀದಿಸೋರಿಗೆ ಇಲ್ಲಿದೆ ವಿಶೇಷ ಸವಲತ್ತು, ವ್ಯಾಪಾರಿಗಳು ಹೊಸ ಐಡಿಯಾ ನಿಜಕ್ಕೂ ಮೆಚ್ಚುವಂಥದ್ದು!

ಬೇಸಿಗೆ ಬಂತಂದ್ರೆ ಸಾಕು, ಸುಡು ಬಿಸಿಲಿನಿಂದ ಬೆಚ್ಚಿ ಬೀಳುವಂತಹ ಪರಿಸ್ಥಿತಿ ಎದುರಾಗುತ್ತೆ. ಎಲ್ಲೂ ಹೋಗೋದೇ ಬೇಡ, ಮನೆಯಲ್ಲೇ ಇದ್ದುಬಿಡೋಣ ಎಂದೂ ಅನಿಸುತ್ತೆ. ಇದರಿಂದ ಮಾರುಕಟ್ಟೆಗಳು ಬಿಕೋ ಅಂತಿರುತ್ತವೆ. ಆದ್ರೆ ಜನರು ಮಾರುಕಟ್ಟೆಗಳತ್ತ ಮುಖ ಮಾಡಲು ಚಿನ್ನದ ವ್ಯಾಪಾರಿಗಳು ಹೊಸ ಪ್ಲಾನ್ ಮಾಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಬಿಸಿಲಿನ ಝಳಕ್ಕೆ ಬೇಸತ್ತ ಸಾರ್ವಜನಿಕರು ಅಂಗಡಿಗಳತ್ತ ಮುಖ ಮಾಡ್ತಿಲ್ಲ. ಇದು ವ್ಯಾಪಾರಿಗಳಿಗೆ ಹೊಡೆತ ನೀಡುತ್ತಿದೆ. ಆದರೆ ಈ ಸಮಸ್ಯೆಯಿಂದ ಪಾರಾಗಲು ಇಲ್ಲಿದೆ ನೋಡಿ ಹೊಸ ಐಡಿಯಾ. (ಸಾಂದರ್ಭಿಕ ಚಿತ್ರ)

ಆಂಧ್ರಪ್ರದೇಶದ ಅನಂತಪುರ ನಗರದದಲ್ಲಿ ಹೆಚ್ಚಿನ ಚಿನ್ನದ ಅಂಗಡಿಗಳಿವೆ. ಇದೊಂದೇ ಪ್ರದೇಶದಲ್ಲಿ ನೂರಾರು ಚಿನ್ನದ ಅಂಗಡಿಗಳಿವೆ. ಇತ್ತೀಚಿನವರೆಗೆ ಈ ಅಂಗಡಿಗಳಲ್ಲಿ ರಶ್ ಕಂಡುಬರುತ್ತಿತ್ತು. ಆದರೆ ಬಿಸಿಲು ಇವರಿಗೆ ಬ್ರೇಕ್ ಹಾಕಿದೆ. (ಸಾಂದರ್ಭಿಕ ಚಿತ್ರ)

ಇಲ್ಲಿನ ಚಿನ್ನದ ವ್ಯಾಪಾರಿಗಳು ಗ್ರಾಹಕರಿಗೆ ಬಿಸಿಲು ತಟ್ಟದಂತೆ ಕಾಪಾಡೋಕೆ ಇಡೀ ರಸ್ತೆಗೆ ಶಾಮಿಯಾನ ಹಾಕಿದ್ದಾರೆ! ಇದರಿಂದ ಗ್ರಾಹಕರಿಗೆ ಬಿಸಿಲು ತಟ್ಟೋದೇ ಇಲ್ಲ ಎಂಬುದು ಚಿನ್ನದ ವ್ಯಾಪಾರಿಗಳ ಯೋಚನೆ. (ಸಾಂದರ್ಭಿಕ ಚಿತ್ರ)

ತಮ್ಮ ಅಂಗಡಿ ಮುಂದೆ ಶಾಮಿಯಾನ ಹಾಕಿದ್ರೂ ಬಿಸಿಲು ತಟ್ಟೋದೇ ಇರಲ್ಲ, ಗ್ರಾಹಕರು ಅಂಗಡಿಗೆ ಬರಲ್ಲ ಎಂದು ಈ ಚಿನ್ನದ ವ್ಯಾಪಾರಿಗಳು ಯೋಚಿಸಿದ್ದಾರೆ. ಹೀಗಾಗಿ ಎಲ್ಲಾ ಅಂಗಡಿಗಳ ಮಾಲೀಕರು ಒಟ್ಟಾಗಿ ಹಣ ಒಗ್ಗೂಡಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ಎಲ್ಲರೂ ಸೇರಿ ಹಣ ಸೇರಿಸಿ ರಸ್ತೆಯಿಡೀ ಹಾಕಲು ಬೇಕಾಗುವಷ್ಟು ಶಾಮಿಯಾನ ತರಿಸಿದ್ದಾರೆ. ಯಾವ ಅಂಗಡಿಗೆ, ಅಂಗಡಿ ಮುಂಗಟ್ಟಿಗೆ ಬಿಸಿಲು ತಟ್ಟದಂತೆ ಶಾಮಿಯಾನ ಹಾಕಿಸಿದ್ದಾರೆ. ಸದ್ಯ ಈ ಐಡಿಯಾ ವರ್ಕೌಟ್ ಆಗಿದ್ದು ಜನರು ಅಂಗಡಿಗಳತ್ತ ಮುಖ ಮಾಡ್ತಿದ್ದಾರಂತೆ. (ಸಾಂದರ್ಭಿಕ ಚಿತ್ರ)

ಭಾರತ ದೇಶದಲ್ಲಿ ಚಿನ್ನ ಮೊದಲಿನಿಂದಲೂ ಬಲು ಆಕರ್ಷಣೆಯ ವಸ್ತುವಾಗಿದೆ. ಚಿನ್ನ ಎಂಬುದು ಕೇವಲ ಮೈಮೇಲೆ ತೊಡಬಹುದಾದ ಆಕರ್ಷಕ ಆಭರಣವಾಗಿರದೆ ಆರ್ಥಿಕವಾಗಿ ಬಂದೊದಗಬಹುದಾದ ಕಷ್ಟದ  ಅಸಮಯದಲ್ಲೂ ನೆರವು ನೀಡುವ ಸ್ನೇಹಿತನಂತೆ ಪಾತ್ರವಹಿಸುತ್ತದೆ ಎಂದರೂ ತಪ್ಪಿಲ್ಲ. (ಸಾಂದರ್ಭಿಕ ಚಿತ್ರ)