Gold-Silver Price Today: ಪ್ರೇಮಿಗಳ ದಿನದಂದು ಚಿನ್ನ ಮತ್ತಷ್ಟು ಅಗ್ಗ, ಗ್ರಾಹಕರಲ್ಲಿ ಹರ್ಷ: ಹೀಗಿದೆ ಇಂದಿನ ರೇಟ್

ಇಂದು ಪ್ರೇಮಿಗಳ ದಿನ. ಯಾರಾದರೂ ತಮ್ಮ ಪ್ರೇಮದ ಸಂಕೇತವಾಗಿ ಈ ದಿನ ಚಿನ್ನದ ಯಾವುದಾದರೂ ಆಭರಣ ಕೊಳ್ಳಲು ತಯಾರಾಗಿದ್ದರೆ ಅವರು ಮುಂದುವರೆಯಬಹುದು, ಏಕೆಂದರೆ ನಿನ್ನೆಗೆ ಹೋಲಿಸಿದರೆ ಇಂದು ಚಿನ್ನದ ಬೆಲೆಯ ಭಾರ ಕೊಂಚ ಹಗುರವಾಗಿದೆ.

ಚಿನ್ನ ಒಂದು ಅಪರೂಪದ ಹಾಗೂ ಜಾಗತಿಕವಾಗಿ ಅಪಾರ ಬೇಡಿಕೆ ಹೊಂದಿರುವ ಲೋಹ. ಪ್ರಾಚೀನ ಕಾಲದಿಂದಲೂ ಸಹ ಚಿನ್ನ ಆಕರ್ಷಣೀಯ ವಸ್ತುವಾಗಿದೆ. ಹಿಂದಿನ ನಮ್ಮ ಪೂರ್ವಜರು ಏನಿಲ್ಲವೆಂದರೂ ಚಿನ್ನದ ಏನಾದರೂ ವಸ್ತುವನ್ನು.ಆಭರಣಗಳನ್ನು ಮನೆಯಲ್ಲಿ ಮಾಡಿಸಿ ಇರಿಸುತ್ತಿದ್ದರು. ಈಗಲೂ ಅದು ಮುಂದುವರೆದಿದೆ, ಕಾರಣ ಚಿನ್ನ ಯಾವತ್ತಿಗೂ ಬೆಲೆಯುಳ್ಳ ವಸ್ತುವಾಗಿದ್ದು ಕಷ್ಟಕರ ಆರ್ಥಿಕ ಪರಿಸ್ಥಿತಿ ತಲೆದೋರಿದಾಗ ಮೊದಲಿಗೆ ಕೈಹಿಡಿಯುತ್ತದೆ.

ಚಿನ್ನವು ಹಣದುಬ್ಬರದ ವಿರುದ್ಧ ಹೋರಾಡಬಹುದಾದ ಪರಿಣಾಮಕಾರಿ ಅಸ್ತ್ರವಾಗಿರುವುದಲ್ಲದೇ ಹೂಡಿಕೆದಾರರಿಗೂ ಇತ್ತೀಚಿನ ಕೆಲ ಸಮಯದಿಂದ ಒಂದು ಆಕರ್ಷಕ ಹೂಡಿಕೆಯ ಸಾಧನವಾಗಿ ಮನ್ನಣೆಗಳಿಸಿದೆ. ಕಳೆದ ಎರಡು ವಾರಗಳನ್ನು ಅವಲೋಕಿಸಿದರೆ ಚಿನ್ನದ ಬೆಲೆಯಲ್ಲಿ ಏರಿಳಿತ ಕಂಡುಬರುತ್ತಿದೆಯಾದರೂ ಹಿಂದೆಂದಿಗಿಂತ ಚಿನ್ನ ದುಬಾರಿಯ ಪಥದಲ್ಲೇ ಸಾಗುತ್ತಿರುವುದನ್ನು ಕಾಣಬಹುದಾಗಿದೆ.

ಪ್ರಸ್ತುತ ಬಂಗಾರವು ಒಂದು ರೀತಿಯ ಭದ್ರತೆ ಒದಗಿಸುವ ಸಾಧನ ಆಗಿರುವುದರಿಂದ ಭವಿಷ್ಯದಲ್ಲಿನ ಆರ್ಥಿಕ ಸುರಕ್ಷತೆಯನ್ನು ಗಮನದಲ್ಲಿರಿಸಿಕೊಂಡು ಜನರು ಚಿನ್ನವನ್ನು ಕೊಳ್ಳುತ್ತಾರೆ. ಅದರಲ್ಲೂ ಭಾರತೀಯರು ಚಿನ್ನ ಕೊಳ್ಳುವುದರಲ್ಲಿ ಸಾಕಷ್ಟು ಮುಂದಿದ್ದಾರೆ. ಯಾವುದೇ ಶುಭ ಸಂದರ್ಭಗಳಿದ್ದಾಗ ಚಿನ್ನ ಕೊಳ್ಳುವುದು ಒಂದು ವಾಡಿಕೆಯಾಗಿದ್ದು ನಿತ್ಯ ಕೋಟ್ಯಂತರ ರೂ.ಗಳಷ್ಟು ಚಿನ್ನದ ವ್ಯವಹಾರ ನಡೆಯುತ್ತಿರುತ್ತದೆ.

ಬೆಂಗಳೂರು ಸೇರಿದಂತೆ ದೇಶದ ಮಹಾನಗರಗಳಲ್ಲಿ ಇಂದಿನ ಚಿನ್ನದ ಬೆಲೆ ಎಷ್ಟೆಷ್ಟಿದೆ ಎಂದು ನೋಡುವುದಾದರೆ, ಇಂದು ಬೆಂಗಳೂರಿನಲ್ಲಿ 22 ಕ್ಯಾರಟ್ ಬಂಗಾರದ ಬೆಲೆ (ಹತ್ತು ಗ್ರಾಂ) ರೂ. 52,550 ಆಗಿದ್ದರೆ, ಚೆನ್ನೈ, ಮುಂಬೈ ಹಾಗೂ ಕೊಲ್ಕತ್ತಾ ನಗರಗಳಲ್ಲಿ ಕ್ರಮವಾಗಿ ಇದರ ಬೆಲೆ ರೂ. 53,350, ರೂ. 52,500, ರೂ. 52,500 ಆಗಿದೆ. ದೇಶದ ರಾಜಧಾನಿ ದೆಹಲಿಯಲ್ಲಿ ಇಂದು ಚಿನ್ನದ ಬೆಲೆ 52,650 ರೂ. ಆಗಿದೆ.

ಮಾರುಕಟ್ಟೆಯಲ್ಲಿ ಇಂದಿನ ಬಂಗಾರದ ದರಗಳ ಕುರಿತು ನೋಡುವುದಾದರೆ ಒಂದು ಗ್ರಾಂ (1GM)22 ಕ್ಯಾರಟ್ ಆಭರಣ ಚಿನ್ನದ ಬೆಲೆ - ರೂ. 5,250 ಆಗಿದ್ದು, 24 ಕ್ಯಾರಟ್ ಬಂಗಾರದ ಬೆಲೆ (ಅಪರಂಜಿ) - ರೂ. 5,723 ಆಗಿದೆ. ಅತ್ತ ಎಂಟು ಗ್ರಾಂ (8GM)22 ಕ್ಯಾರಟ್ ಆಭರಣ ಚಿನ್ನದ ಬೆಲೆ - ರೂ. 42,000 ಆಗಿದ್ದು, 24 ಕ್ಯಾರಟ್ ಬಂಗಾರದ ಬೆಲೆ (ಅಪರಂಜಿ) - ರೂ. 45,784 ಆಗಿದೆ.

ಇತ್ತ ಹತ್ತು ಗ್ರಾಂ (10GM)22 ಕ್ಯಾರಟ್ ಆಭರಣ ಚಿನ್ನದ ಬೆಲೆ - ರೂ. 52,500 ಆಗಿದ್ದು, 24 ಕ್ಯಾರಟ್ ಬಂಗಾರದ ಬೆಲೆ (ಅಪರಂಜಿ) - ರೂ. 57,230 ಆಗಿದೆ. ಇನ್ನು ನೂರು ಗ್ರಾಂ (100GM)22 ಕ್ಯಾರಟ್ ಆಭರಣ ಚಿನ್ನದ ಬೆಲೆ - ರೂ. 5,25,000 ಆಗಿದ್ದು, 24 ಕ್ಯಾರಟ್ ಬಂಗಾರದ ಬೆಲೆ (ಅಪರಂಜಿ) - ರೂ. 5,72,300 ಆಗಿದೆ.

ಚಿನ್ನದಂತೆ ಇಂದು ಬೆಳ್ಳಿಯ ಬೆಲೆಯಲ್ಲೂ ಅಲ್ಪ ಕುಸಿತವಾಗಿರುವುದನ್ನು ಕಾಣಬಹುದು. ಇಂದು ಮಾರುಕಟ್ಟೆಯಲ್ಲಿ ಒಂದು ಕೆಜಿ ಬೆಳ್ಳಿಯ ದರ ರೂ. 70,000 ಆಗಿದೆ. ಹಾಗೆ ನೋಡಿದರೆ, ಚಿನ್ನ ಹಾಗೂ ಬೆಳ್ಳಿ ಬೆಲೆಯನ್ನು ಎರಡು ವಾರಗಳ ಹಿಂದಿದ್ದ ಬೆಲೆಗೆ ಹೋಲಿಸಿದಾಗ ಸಾಕಷ್ಟು ಏರಿಕೆಯೇ ಇರುವುದನ್ನು ಗಮನಿಸಬಹುದು.

ಬೆಂಗಳೂರು ನಗರ ನೋಡುವುದಾದರೆ ಇಂದು ನಗರದಲ್ಲಿ ಪ್ರತಿ 10gm, 100gm, 1000gm (1ಕೆಜಿ) ಬೆಳ್ಳಿ ಬೆಲೆಗಳು ಕ್ರಮವಾಗಿ ರೂ. 720, ರೂ. 7,200 ಹಾಗೂ ರೂ. 72,000 ಗಳಾಗಿವೆ. ಮಿಕ್ಕಂತೆ ದೇಶದ ಇತರೆ ಮಹಾನಗರಗಳಾದ ಚೆನ್ನೈನಲ್ಲಿ ಒಂದು ಕೆಜಿ ಬೆಳ್ಳಿ ದರ ರೂ. 72,000 ಆಗಿದ್ದರೆ, ದೆಹಲಿಯಲ್ಲಿ ರೂ. 70,000, ಮುಂಬೈನಲ್ಲಿ ರೂ. 70,000 ಹಾಗೂ ಕೊಲ್ಕತ್ತದಲ್ಲೂ ರೂ. 70,000 ಗಳಾಗಿದೆ.

ವಿ.ಸೂ: ಇಲ್ಲಿ ಕೊಡಲಾದ ಎಲ್ಲ ದರಗಳು ಮಾರುಕಟ್ಟೆಯ ಬೆಲೆಗಳನ್ನು ಪ್ರತಿನಿಧಿಸುತ್ತವೆ ಹಾಗೂ ಜಿಎಸ್‍ಟಿ, ಟಿಸಿಎಸ್ ಹಾಗೂ ಇನ್ನಿತರೆ ಇರಬಹುದಾದ ಶುಲ್ಕಗಳನ್ನು ಒಳಗೊಂಡಿಲ್ಲ. ಹೆಚ್ಚು ನಿಖರ ಬೆಲೆಗಳಿಗಾಗಿ ನಿಮ್ಮ ಹತ್ತಿರದ ಆಭರಣ ವ್ಯಾಪಾರಿಗಳನ್ನು ಸಂಪರ್ಕಿಸಿ.