Gold­-Silver Price Today: ಬೆಳ್ಳಿ ಬೆಲೆಯಲ್ಲಿ ಭಾರೀ ಇಳಿಕೆ, ಚಿನ್ನದ ದರ ಮಾತ್ರ ಹಾಗೇ ಇದೆ!

ಬಂಗಾರ-ಬೆಳ್ಳಿ ದರಗಳೂ ಮಾರುಕಟ್ಟೆಯಲ್ಲಿ ಕಣ್ಣಾಮುಚ್ಚಾಲೇ ಆಡುತ್ತವೆ. ಒಂದಿನ ಇಳಿಕೆ ಮತ್ತೊಂದಿನ ಏರಿಕೆ. ಹೊಸ ವರ್ಷಕ್ಕೆ ಬಂಗಾರ ತೆಗೆದುಕೊಳ್ಳಬೇಕು ಎನ್ನುವವರಿಗೆ ಚಿನ್ನ. ಬೆಳ್ಳಿ ಬೆಲೆಗಳೆರೆಡು ಸಹ ದುಬಾರಿಯಾಗಿದೆ.

ಇಂದಿನ ರೇಟ್‌ ಬಗ್ಗೆ ಹೇಳೋದಾದರೆ ಬಂಗಾರ ಸ್ವಲ್ಪ ದುಬಾರಿನೆ ಇದೆ, ಆದರೆ ಬೆಳ್ಳಿ ಎರಡು ಸಾವಿರ ರೂಪಾಯಿ ಇಳಿಕೆ ಕಂಡಿದೆ

ಇನ್ನೇನು ಐದು ಸಾವಿರ ಗಡಿ ತಲುಪೇ ಬಿಟ್ಟಿತ್ತು ಎನ್ನುವಂತಿದ್ದ ಬಂಗಾರ ನಿನ್ನೆ ಆ ಗಡಿಯನ್ನು ದಾಟಿದೆ. ಹದಿನೈದು ದಿನಗಳ ಹಿಂದೆ ಕೂಡ ಬಂಗಾರ ಐದು ಸಾವಿರಕ್ಕಿಂತ ಹೆಚ್ಚಾಗಿತ್ತು. ಇಂದು ಬಂಗಾರದ ದರದಲ್ಲಿ ಕೊಂಚ ಇಳಿಕೆ ಕಂಡುಬಂದಿದೆ. ನಿನ್ನೆ ಒಂದು ಗ್ರಾಂ ಚಿನ್ನದ ಬೆಲೆ ರೂ. 5,015 ಇದ್ದದ್ದು. ಇಂದು ಒಂದು ಗ್ರಾಂ ಚಿನ್ನ 5,005 ರೂ ಆಗಿದ್ದು ಕೇವಲ ಹತ್ತು ರೂಪಾಯಿ ಇಳಿಕೆ ಆಗಿದೆ.

ಬೆಂಗಳೂರು ಸೇರಿ ಪ್ರಮುಖ ನಗರಗಳಲ್ಲಿ ಚಿನ್ನದ ದರ ಎಷ್ಟಿದೆ?

ರಾಜಧಾನಿ ಬೆಂಗಳೂರಿನಲ್ಲಿ ಇಂದು 22 ಕ್ಯಾರಟ್ ಬಂಗಾರದ ಬೆಲೆ (ಹತ್ತು ಗ್ರಾಂ) ರೂ. 50,100 ಆಗಿದ್ದರೆ ಚೆನ್ನೈ, ಮುಂಬೈ ಹಾಗೂ ಕೊಲ್ಕತ್ತಾ ನಗರಗಳಲ್ಲಿ ಕ್ರಮವಾಗಿ ರೂ. 50,950 ರೂ. 50,050, ರೂ. 50,050 ಆಗಿದೆ. ದೇಶದ ರಾಜಧಾನಿ ದೆಹಲಿಯಲ್ಲಿ ಇಂದು ಚಿನ್ನದ ಬೆಲೆ 50,200 ರೂ. ಆಗಿದೆ.

 ಬೆಳ್ಳಿ ದರ

ಚಿನ್ನಗಿಂತ ಒಂದು ಕೈಹೆಚ್ಚು ಎನ್ನುವಂತೆ ಬೆಳ್ಳಿ ಗಗನಕ್ಕೇರಿತ್ತು, ಆದರೆ ಇಂದು ಬೆಳ್ಳಿ ಬೆಲೆ ಪಾತಾಳಕ್ಕೆ ಕುಸಿದಿದೆ. ನಿನ್ನೆ ಒಂದು ಕೆಜಿ 72,300 ರೂ ಆಗಿದ್ದ ಬೆಳ್ಳಿ ಇಂದು 70,300 ಆಗಿದ್ದು ಬರೋಬ್ಬರಿ ರೂ. 2000 ಇಳಿಕೆ ಕಂಡಿದೆ.

ಭಾರತದಲ್ಲಿ ಬೆಳ್ಳಿ ದರವು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಉಂಟಾಗುವ ವ್ಯತ್ಯಾಸಗಳ ಮೇಲೆ ಅವಲಂಬಿತವಾಗಿದ್ದು ಏರಿಕೆ, ಇಳಿಕೆಗಳು ಆಗುತ್ತಿರುತ್ತವೆ. ಅಲ್ಲದೆ ಡಾಲರ್ ವಿರುದ್ಧ ರೂಪಾಯಿಯ ಪ್ರದರ್ಶನವೂ ಸಹ ಚಿನ್ನ-ಬೆಳ್ಳಿ ದರಗಳ ಮೇಲೆ ಪರಿಣಾಮ ಬೀರುತ್ತಲೆ ಇರುತ್ತದೆ. (ಸಾಂದರ್ಭಿಕ ಚಿತ್ರ)

ಬೆಂಗಳೂರಿನಲ್ಲಿ ಬೆಳ್ಳಿ ದರ ಎಷ್ಟಿದೆ?

ಬೆಂಗಳೂರಿನಲ್ಲಿ ಬೆಳ್ಳಿ ದರ ಇಂದು ಪ್ರತಿ 10gm, 100gm, 1000gm (1ಕೆಜಿ) ಬೆಳ್ಳಿ ದರಗಳು ಕ್ರಮವಾಗಿ ರೂ. 740, ರೂ. 7,400 ಹಾಗೂ ರೂ 74,000 ಗಳಾಗಿವೆ. ಇನ್ನುಳಿದಂತೆ ಚೆನ್ನೈನಲ್ಲಿ ಒಂದು ಕೆಜಿ ಬೆಳ್ಳಿ ದರ ರೂ. 74,000 ಆಗಿದ್ದರೆ ದೆಹಲಿಯಲ್ಲಿ ರೂ. 70,300 ಮುಂಬೈನಲ್ಲಿ ರೂ. 70,300 ಹಾಗೂ ಕೊಲ್ಕತ್ತದಲ್ಲೂ ರೂ. 70,300 ಗಳಾಗಿದೆ.

ವಿ.ಸೂ: ಇಲ್ಲಿ ಕೊಡಲಾದ ಎಲ್ಲ ದರಗಳು ಮಾರುಕಟ್ಟೆಯ ಬೆಲೆಗಳನ್ನು ಪ್ರತಿನಿಧಿಸುತ್ತವೆ ಹಾಗೂ ಜಿಎಸ್‍ಟಿ, ಟಿಸಿಎಸ್ ಹಾಗೂ ಇನ್ನಿತರೆ ಇರಬಹುದಾದ ಶುಲ್ಕಗಳನ್ನು ಒಳಗೊಂಡಿಲ್ಲ. ಹೆಚ್ಚು ನಿಖರ ಬೆಲೆಗಳಿಗಾಗಿ ನಿಮ್ಮ ಹತ್ತಿರದ ಆಭರಣ ವ್ಯಾಪಾರಿಗಳನ್ನು ಸಂಪರ್ಕಿಸಿ.